1 Crón 17:15 - Kaqchiquel Bible

¹⁵ Chirij ri' ri Natán kan xubij k'a ronojel chire ri David, achi'el ri xutz'et y ri xrak'axaj.

1 Crón 17:15 ပူးပေါင်းရင်းမြစ်များ

Hechos 20:27

Roma kan man jun ri xinwewaj, y man ta xinbij chiwe; xa kan ronojel ri ruch'obon ri Dios pa qawi' roj winaqi' xinbij chiwe.

Wuj Richin ri Jeremías 23:28

Wi jun chike rije' nuben jun achik' y nutzijoj, re' xa maneq rejqalen. Jak'a wi k'o jun ri nuk'ul ri nuch'abel y nubij ri qitzij, re' kan k'o-wi rejqalen. Re ka'i' rutzijol re' kan man junan ta; achi'el ri páxa man junan ta rik'in ri trigo.

2 Sam 7:17

Y ronojel re' xuq'alajirisaj ri Natán chire ri David.

1 Crón 17:14

Y rija' kan xtijike' k'a kan chupan ri wachoch y chuqa' chupan ri wajawaren, richin q'asen; y kan xtik'ase' ri ruq'atbal-tzij richin jantape', xcha' ri Jehová chire ri Natán.

1 Crón 17:16

K'ari' ri rey David xch'on rik'in ri Jehová, y xubij: Jehová Dios, ¿in achike ta k'a ok yin, y e achike ta k'a ri ek'o pa wachoch richin xinaya' k'a pa jotol?