1 Crón 17:1 - Kaqchiquel Bible

¹ Y toq ri David k'o chik chupan ri k'ak'a' rachoch, jari' toq xubij chire ri Natán ri q'alajirisey ruch'abel ri Dios: Wakami yin ink'o pa jun utzilej jay ri kan rik'in tiox-che' banon-wi. Jak'a ri káxa richin ri rujikibel-tzij ri Dios xa pa jun ok ti jay banon rik'in tzieq ri k'o-wi, xcha'.

1 Crón 17:1 ပူးပေါင်းရင်းမြစ်များ

1 Crón 17:5

Roma yin kan man jun bey ri ink'o ta pe chupan jun utzilej jay. Kan ja toq xenwelesaj-pe ri tinamit Israel pan Egipto, k'a re wakami. Xa kan xaxe ink'o-pe pa jalajoj kiwech jay ri e banon rik'in tzieq.

1 Crón 15:1

Ri David xuteq k'a rubanik k'iy rachoch pa tinamit ri nibix Ri Rutinamit ri David chire. Y chuqa' xuchojmirisaj k'a jun ulew ri akuchi nik'oje-wi ri káxa richin ri rujikibel-tzij ri Dios, y chuqa' xuben jun jay ri banon rik'in tzieq richin chiri' nik'oje-wi ri káxa.

Wuj Richin ri Hageo 1:9

Rix nikanoj janila, jak'a juba' ok ri niwil; y ri juba' ri nik'en-pe chi'iwachoch, yin ninben chire chi chaq k'ate' nik'is-qa. Y rix nik'utuj achike roma. Y re' kan roma k'a ri wachoch wulatejineq, rokik chi'ijujunal rix xaxe ri nik'atzin chire ri iwachoch rix ri nikanoj.

Wuj Richin ri Hageo 1:4

wi kan ruk'amon chi rije' ek'o pa taq jebelej jay, rokik ri wachoch yin xa mulumik abej rubanon.

Dn 4:4

Yin Nabucodonosor ink'o pa wachoch rik'in uxlanibel-k'u'x, y kan yikikot rik'in ronojel beyomel ri k'o pa nuq'a'.

Wuj Richin ri Jeremías 22:15

¿Y rat Joaquim nach'ob chi ri yatok rey, xaxe richin yak'ase' chupan jay ri sutin-rij chi tiox-che'? Ri atata' man xuch'ob ta keri', man rik'in ri' kan jebel xk'ase' chuwech re ruwach'ulew. Kan pa ruchojmilal xuben ronojel y roma ri' ronojel utz xuben chuwech.

Wuj Richin Bix Chire ri Dios 132:5

k'a toq xtinwil na ri akuchi xtik'oje-wi ri rachoch ri Jehová; jun jay richin chi chiri' nik'oje-wi ri nimalej Dios richin ri Jacob.

2 Crón 1:4

Jak'a ri David xa ruq'axan k'a kan ri káxa richin ri rujikibel-tzij ri Dios ri xk'oje' ojer kan pa tinamit Quiriat-jearim, roma rija' chiri' pa Jerusalem rupaban chik q'anej jun rachoch ri banon rik'in tzieq.

1 Crón 29:29

Ronojel k'a ri rubanobal ri rey David, ri xeruben pa rutikeribel k'a pa ruk'isibel, e tz'ibatel kan chupan ri wuj kichin ri rey, koma ri Samuel ri nitz'eton ri peteneq, ri Natán y ri Gad ri e q'alajirisey ruch'abel ri Dios.

1 Crón 16:1

Xbekiya' k'a kan ri rukáxa ri Dios chupan ri jay ri banon rik'in tzieq ri xuben ri David. Y chirij ri' xekisuj chikopi' ri yeporox jumul, y chuqa' xekisuj sipanik ri nuq'alajirisaj chi junan kiwech rik'in ri Dios.

1 Crón 14:1

K'o k'a jun rey rubini'an Hiram richin ri ruwach'ulew Tiro, ri rey ri' xuto' ri David richin xupaba-q'anej ri jay ri akuchi niq'aton-tzij. Xeruteq-el rik'in ri David, achi'a' ri k'o kiq'ij, aj-tz'aq y ajanela'. Chuqa' xkik'uala-el tiox-che' richin xkipaba' kan ri jay.

1 Rey 1:44

Y ri rey xeruteq-el ri sacerdote Sadoc, ri Natán ri q'alajirisey ruch'abel ri Dios, ri Benaías ruk'ajol ri Joiadá, y chuqa' ri chajinela' richin ri rey, richin xkich'okoba-el ri Salomón chirij ri rukowilej-kiej.

1 Rey 1:23

Y xbeya'ox k'a rutzijol chire ri rey David chi ri q'alajirisey ruch'abel ri Dios nrajo' nich'on juba' rik'in. Xok k'a apo ri Natán y kan xulukuba-qa-ri' chuwech ri rey k'a pan ulew,

1 Rey 1:8

Jak'a ri nimalej sacerdote Sadoc, ri Benaías ruk'ajol ri Joiadá, chuqa' ri q'alajirisey ruch'abel ri Dios rubini'an Natán, ri Simí, ri Reí y ri e nima'q taq achi'a' ri e tzeqelibeyon richin ri rey David, konojel re' man xkitzeqelibej ta ri Adonías.

2 Sam 12:25

Y roma ri' ri Jehová xuteq k'a el ri Natán rik'in ri David richin xberubij chi ri ak'ual ri' chuqa' xtubini'aj Jedidías.*f7*

2 Sam 12:1

Ri Jehová xuteq-el jun q'alajirisey ruch'abel rik'in ri David ri rubini'an Natán y xubij chire: Ek'o k'a e ka'i' achi'a' pa jun tinamit; ri jun beyom y ri jun chik man jun k'o rik'in.

2 Sam 6:17

Ri David kan runaban k'a jun jay banon rik'in tzieq. Y chiri' xbekiya-wi kan ri káxa richin ri Jehová. Y k'ari' xusuj chikop richin niporox jumul y xusuj sipanik ri nuq'alajirisaj chi junan ruwech rik'in ri Jehová.

Hechos 7:46

Rija' kan ruk'ulun-wi k'a ri rutzil ri Dios chupan ri ruk'aslen. Roma ri' toq rija' xuk'utuj k'a utzil chire ri Dios chi tuya' q'ij chire richin chi nuben jun rachoch.

1 Rey 8:17

Roma ri' ri nata' David jantape' xk'oje' pa ránima richin xupaba' ta q'anej jun rachoch ri Jehová ri qa-Dios richin niya'ox ruq'ij.

1 Crón 17:2

Y ri Natán xubij: Tabana' k'a ri janipe' ri nach'ob pan awánima richin naben, roma ri Dios kan k'o-wi awik'in.

1 Crón 22:7

y xubij chire: Nuk'ajol yin, janila xurayij ri wánima richin xinpaba' ta q'anej ri rachoch ri Jehová ri qa-Dios;

1 Crón 28:2

K'ari' ri David xpa'e-q'anej chikiwech ri winaqi' y xubij: Tiwak'axaj, wach'alal y nuwinaq yin. Yin janila xinrayibej richin ja yin ta xipaban-q'anej ri rachoch ri Dios ri akuchi ta xya'ox-wi ri káxa richin ri rujikibel-tzij y xk'oje' ta q'asen chiri' ri akuchi niq'alajin-wi ri ruq'atbal-tzij ri Dios. Roma ri' xinben yan k'iy samajibel richin xinpaba' ta q'anej.

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

1 Crón 22:6

Y toq ri David janila chik ri'j, jari' toq xroyoj ri Salomón ri ruk'ajol richin xuchilabej kan chire chi xtupaba-q'anej ri rachoch ri Jehová Dios richin ri tinamit Israel,