1 Crón 16:42 - Kaqchiquel Bible

⁴² Rije' nikixupuj trompeta, nikiq'ojomaj ri platillo y ri ch'aqa' chik kiwech q'ojom richin chi nikibixaj rubi' ri Dios. Ri e ruk'ajol ri Jedutún, jari' ri yechajin ri ruchi' ri rachoch ri Dios.

1 Crón 16:42 ပူးပေါင်းရင်းမြစ်များ

Wuj Richin Bix Chire ri Dios 84:10

Kan más k'a rejqalen ri jun q'ij ri yik'oje' chupan ri awachoch, ke chuwech yik'oje' 1,000 q'ij juk'an chik. Más utz chi stape' xa chuchi-ok ri awachoch yipa'e-wi, ke chuwech yik'ase' pa rachoch jun wineq ri banoy etzelal.

2 Crón 7:6

Y ri e sacerdote kan jari' ek'o pa taq kisamaj. Chuqa' ri e levita nikiq'ojomaj jalajoj kiwech taq q'ojom richin nikiya' ruq'ij ri Jehová. Y re q'ojom re' kan ja ri rey David banayon kan richin nikibixaj rubi' ri Jehová rik'in ri bix ri nubij: Roma ri rujoyowanik ri Jehová kan richin q'asen, yecha'. Y ri e sacerdote ek'o-apo chikiwech y nikixupuj ri ki-trompeta. Y konojel ri winaqi' e pa'el-apo kik'in.

1 Crón 25:3

Ri Jedutún k'o pa kiwi' ri e waqi' ruk'ajol: Ri Guedalías, ri Serí, ri Isaías, ri Simí, ri Hasabías y ri Matatías. Y rije' nikiq'ojomaj ri arpa richin nikimatioxij y nikiya' ruq'ij ri Jehová.

2 Crón 5:13

Konojel k'a re' junan xeq'ojoman-q'anej y xebixan junan richin nikiya' ruq'ij ri Jehová, y nikimatioxij chire: Xkixupuj k'a ri trompeta, xkiq'ojomaj ri platillo y ri jalajoj kiwech taq q'ojom rokik yebixan, y kere' nikibij: Tiya' ruq'ij ri Jehová, roma rija' kan janila utz, ri rujoyowanik kan richin q'asen, xecha'. Y rokik yebixan, ri sutz' richin ri Jehová xunojisaj ri k'ak'a' rachoch,

1 Crón 15:17

Ri xecha'ox richin nikiq'ojomaj ri platillo jari' ri Hemán ruk'ajol ri Joel, ri kach'alal rubini'an Asaf ruk'ajol ri Berequías y ri Etán Cusaías, y rije' e rijatzul kan ri Merarí. Y ri xeto'on kichin ja ri Zacarías, ri Jaaziel, ri Semiramot, ri Jehiel, ri Uní, ri Eliab, y ri Benaías. Konojel k'a rije' nikiq'ojomaj ri ki-salterio achi'el nikiben ri elamita. Chuqa' ri Maaseías, ri Matatías, ri Elifelehu, ri Mecneías, ri Azazías y ri ka'i' chajinela' ri kibini'an Obed-edom y ri Jeiel, rije' chuqa' xeto'on. Y xkiq'ojomaj ri arpa achi'el nikiben ri siminita.