1 Crón 16:41 - Kaqchiquel Bible

⁴¹ Y ri David chuqa' xuya' kan ri Hemán, ri Jedutún y ch'aqa' chik ri xecha'ox kan richin yebixan y nikiya' matioxinik chire ri Jehová, roma ri rajowabal y ri rujoyowanik kan richin tibe-q'ij tibe-seq.

1 Crón 16:41 ပူးပေါင်းရင်းမြစ်များ

2 Crón 5:13

Konojel k'a re' junan xeq'ojoman-q'anej y xebixan junan richin nikiya' ruq'ij ri Jehová, y nikimatioxij chire: Xkixupuj k'a ri trompeta, xkiq'ojomaj ri platillo y ri jalajoj kiwech taq q'ojom rokik yebixan, y kere' nikibij: Tiya' ruq'ij ri Jehová, roma rija' kan janila utz, ri rujoyowanik kan richin q'asen, xecha'. Y rokik yebixan, ri sutz' richin ri Jehová xunojisaj ri k'ak'a' rachoch,

Wuj Richin ri Esdras 3:11

Y rije' nikibixaj re bix re': Niqamatiox chire ri Jehová, roma rija' kan janila utz, roma beneq ruwech nujoyowaj qawech roj ri oj aj-Israel. Y ri rujoyowanik kan richin q'asen, xecha'. Y chijun ri tinamit nisik'in roma kikoten y kan nikiya' ruq'ij rija', roma kan xya'ox yan qa ri ruch'okolibal ri rachoch ri Jehová.

2 Crón 20:21

Toq xch'on yan kik'in ri ruwinaq, chuqa' xerucha' ka'i-oxi' bixanela', y xubij chike chi tikikusaj-el ri kitziaq ri kan richin nimaq'ij, y ja rije' ri xe'ik'o-el chikiwech ri aj-labal, y nikibixaj k'a: Tinimirisex k'a ruq'ij ri Jehová, roma ri rajowabal y ri rujoyowanik kan richin q'asen, yecha'.

2 Crón 7:3

Toq xkitz'et konojel ri israelita ri q'aq' y ri ruq'ij-ruk'ojlen ri Jehová ri xqaqa-pe chupan ri rachoch, xexuke-qa y xkiqasaj-ki' k'a pan ulew, y kere' nikibij: Tiya' ruq'ij ri Jehová, roma rija' kan janila utz, ri rujoyowanik kan richin q'asen, xecha'.

1 Crón 16:34

Kan janila qojmatioxin chire ri Dios, roma rija' kan janila utz; roma ri rajowabal y ri rujoyowanik kan richin tibe-q'ij tibe-seq.

1 Crón 6:33

Jare' k'a ri kibi' ri achi'a' ri xek'oje' chiri' pa rachoch ri Dios kachibilan ri kalk'ual alaboni': Ri e rijatzul kan ri Quehat: Ri Hemán ri bixanel, re' ruk'ajol kan ri Joel, y ri Joel ruk'ajol ri Samuel,

Wuj Richin ri Q'axanri'il 1:17

Ri Moisés y ri Aarón xekoyoj k'a konojel ri achi'a' ri xecha'ox, ri xnatex yan qa ri kibi'.

San Lucas 1:50

Kan jantape' nujoyowaj kiwech konojel ri winaqi', ri kan k'o ruq'ij-ruk'ojlen rija' chikiwech.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

Wuj Richin Bix Chire ri Dios 103:17

Jak'a ri rujoyowanik ri Jehová, pa kiwi' ri k'o rukiy chikiwech, kan richin tibe-q'ij tibe-seq. Y ri ruchojmilal ri nuben kan niyaloj richin jantape'.

Wuj Richin ri Esdras 8:20

Y chuqa' xekik'en-pe e 220 kijatzul ri samajela' ri xesamej pa rachoch ri Dios, ri xeya'ox ojer kan koma ri David y ri tata'al, richin xe'ok samajela' kichin ri levita. Y k'ari' xtz'ibex kan ri kibi' ri e 220.

1 Crón 16:37

Chirij ri', ri David xuya' k'a kan ri Asaf y ri e rachibil richin yesamej q'ij-q'ij chupan ri rachoch ri Jehová ri akuchi k'o-wi rija'.

1 Crón 12:31

Chupan ri nik'aj tzobaj richin kan ri Manasés xe'apon e 18,000 achi'a' ri xecha'ox-el richin xbekich'okoba' kan rey ri David.

Wuj Richin Bix Chire ri Dios 39:1

Yin kan nubin k'a chi xtinchajij ri nubanobal, y man xkimakun ta rik'in ri waq'. Xinch'ob chi xtinq'et ri nuch'abel, rokik ri e banoy etzelal ek'o pe naqaj chuwe.

Wuj Richin Bix Chire ri Dios 77:1

Yin kan xisik'in k'a chuk'utuxik to'onik chire ri Dios; kan chire k'a rija' xink'utuj-wi roma kan yirak'axaj.

Wuj Richin Bix Chire ri Dios 106:1

Kan tinimirisaj ruq'ij ri Jehová. Tiya' ruq'ij ri Jehová, roma rija' kan janila jebel, roma ri rajowabal kan richin q'asen.

Wuj Richin Bix Chire ri Dios 136:1

Tiya' ruq'ij ri Jehová roma rija' kan janila jebel; roma ri rujoyowanik rija' kan richin jantape'.

Ez 40:44

Toq jun nel-el pa corredor richin nok-apo chuwa-jay ri chiri' pa xaman, k'o jun chik jay. Y ri ruchi' nitzu'un pa xokon. Y toq jun nel-el pa corredor richin nok-apo chuwa-jay ri chiri' pa xokon, k'o jun chik jay. Y ri ruchi' nitzu'un pa xaman.

1 Crón 15:17

Ri xecha'ox richin nikiq'ojomaj ri platillo jari' ri Hemán ruk'ajol ri Joel, ri kach'alal rubini'an Asaf ruk'ajol ri Berequías y ri Etán Cusaías, y rije' e rijatzul kan ri Merarí. Y ri xeto'on kichin ja ri Zacarías, ri Jaaziel, ri Semiramot, ri Jehiel, ri Uní, ri Eliab, y ri Benaías. Konojel k'a rije' nikiq'ojomaj ri ki-salterio achi'el nikiben ri elamita. Chuqa' ri Maaseías, ri Matatías, ri Elifelehu, ri Mecneías, ri Azazías y ri ka'i' chajinela' ri kibini'an Obed-edom y ri Jeiel, rije' chuqa' xeto'on. Y xkiq'ojomaj ri arpa achi'el nikiben ri siminita.