1 Crón 16:36 - Kaqchiquel Bible

³⁶ ¡Tiqaya' ruq'ij ri Jehová, ri qa-Dios roj ri oj aj-Israel. Tiqaya' ruq'ij tibe-q'ij tibe-seq. Y konojel k'a ri winaqi' xkibij: Kan keri' wi xecha', y konojel k'a xkiya' ruq'ij ri Jehová.

1 Crón 16:36 ပူးပေါင်းရင်းမြစ်များ

1 Rey 8:15

Y xubij k'a: Kan nim k'a ruq'ij-ruk'ojlen ri Jehová ri qa-Dios, roma wakami xbanatej ri rusujun kan chire ri David ri nata', toq xubij chire:

Wuj Richin ri Nehemías 8:6

Y rija' kan xunimirisaj k'a rubi' ri Jehová ri nimalej Dios y konojel k'a ri winaqi' xkiyakala' ri kiq'a' chikaj, y xkibij: ¡Ja' keri'! ¡Kan keri' wi!, xecha'. Y k'a ri' rije' xkixuk-xkimej-ki' richin xkiya' ruq'ij ri Jehová.

1 Rey 8:56

¡Nimalej ruq'ij-ruk'ojlen ri Jehová roma ruya'on chik uxlanibel-k'u'x chiqe roj ri oj rutinamit, achi'el ri rusujun kan rija'! Kan man jun k'a ch'abel chire ronojel ri rusujun kan chire ri rutinamit ri man ta banatajineq; ronojel ri xubij chire ri Moisés ri rusamajel, kan xbanatej-wi.

Efesios 1:3

Tiqaya' k'a ruq'ij ri Dios rutata' ri qajaw Jesucristo. Y roma jun qabanon rik'in ri Cristo, ri Dios nuya' ronojel utzil richin chila' chikaj chiqe.

1 Corintios 14:16

Roma wi k'o ta jun ri xa choj k'o-apo chiri' y xa man niq'ax ta chuwech ri nibij, toq rix xaxe rik'in ri iwánima yixch'on rik'in ri Dios; toq rix yixk'achoj, rija' man nitikir ta nubij: Ja' kan keri'.

Wuj Richin ri Jeremías 28:6

Y xinbij: Ja' kan k'ate' ta keri' ri xtuben ri Jehová. Kan xtujikiba' ta ri ruch'abel ri xuq'alajirisaj chawech richin chi nuben chi yetzolin-pe wawe' ri samajibel ri e richin ri rachoch ri Jehová, y keri' chuqa' konojel ri winaqi' ri xe'uk'uex-el pa ximonri'il chiri' pa Babilonia.

1 Pedro 1:3

Tiqaya' k'a ruq'ij ri ru-Dios y rutata' ri qajaw Jesucristo. Rija' kan janila xujoyowaj qawech, roma ri' xuben chiqe chi xojalex chik jun bey rik'in ri ruk'astajibal ri Jesucristo. Y re' kan nuben k'a chiqe chi k'o jun oyobenri'il qik'in ri man k'isel ta.

Wuj Richin Bix Chire ri Dios 106:48

Nimalej aq'ij Jehová ri qa-Dios; kan keri' k'a tibe-q'ij tibe-seq. Qonojel roj tiqabij: Kan keri' wi, tinimirisex ruq'ij ri Jehová.

Wuj Richin Bix Chire ri Dios 106:47

Ri winaqi' israelita xkibij k'a: Jehová qa-Dios roj, qojakolo' k'a. Qojawelesaj-el chikikojol ri winaqi' ri man yatkitzeqelibej ta rat, Qojamolo' chik richin niqanimirisaj ri loq'olej abi', richin chi rik'in kikoten xtiqaya' aq'ij, yecha'.

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová: