1 Crón 16:35 - Kaqchiquel Bible

³⁵ Roma ri' tiqabij chire: ¡Qojakolo', Dios qakolonel roj! Kan tamolo' qachi'; Kan qojakolo' chikikojol ri winaqi' ri e richin ch'aqa' chik ruwach'ulew, richin keri' kan xtiqanimirisaj ri loq'olej abi', richin rik'in kikoten xtiqaya' aq'ij-ak'ojlen.

1 Crón 16:35 ပူးပေါင်းရင်းမြစ်များ

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

Wuj Richin Bix Chire ri Dios 14:7

K'ate' ta chiri' pa juyu' Sión xtipe-wi ri kolonel qichin roj. Toq ri Jehová xtuya' chik urtisanik pa qawi' roj ri oj israelita, jari' toq xqojkikot qonojel.

Efesios 1:12

Pa nabey xojrucha' roj richin xqakuquba' qak'u'x rik'in ri Cristo, roma xrajo' chi qoma roj ninimirisex ri rubi' y nuk'ul ruq'ij-ruk'ojlen.

1 Corintios 1:31

Y keri' achi'el ri tz'ibatel kan toq nubij:*f4* Ri nrajo' nunimirisaj-ri', tubana' k'a xaxe roma ri rubanon ri Dios rik'in, nicha'.

Wuj Richin ri Isaías 45:25

Jak'a yin, Jehová, xtinben chi ri winaqi' israelita kan xkech'akon, y kan xtel utzilej kitzijol, ncha' ri Dios.

Wuj Richin ri Isaías 43:21

Ja rix k'a ri tinamit ri xixinwinaqirisaj richin xixok wichin yin, richin kan niya' nuq'ij rik'in bix.

Wuj Richin Bix Chire ri Dios 105:45

Ronojel re', xuya' chike richin chi tikitaqej ri rupixa', y richin chi tikibana' ronojel ri rubin rija' chike. Kan tiqanimirisaj k'a ruq'ij ri Dios.

Wuj Richin Bix Chire ri Dios 53:6

¡K'ate' ta chiri' pa juyu' Sión xtipe-wi ri qakolotajik! Toq ri Dios xtuben chi xtitzolin-pe ri rutinamit pa ximonri'il, jari' toq xqojkikot roj ri oj rijatzul kan ri Jacob, ri oj rijatzul kan ri Israel.

Wuj Richin Bix Chire ri Dios 44:8

Awik'in k'a rat qa-Dios roj, xqojkikot-wi ronojel q'ij. Kan jantape' k'a xtiqanimirisaj ri abi'.

Hechos 26:17

Xkatinto' k'a chikiwech ri awinaq ri akuchi xkatapon-wi, y chuqa' chikiwech ri winaqi' ri man e judío ta akuchi xkatinteq-el.

Deut 30:3

K'ari' rija' xtuben chiwe chi xkixtzolej-pe chupan ri ximonri'il, kan xtujoyowaj iwech chi'iwonojel y xkixberuk'ama-pe akuchi ix rutalun-el y kan xkixrumol chik k'a jun bey chupan ri iruwach'ulew.