1 Crón 16:30 - Kaqchiquel Bible

³⁰ Kan konojel k'a winaqi' xkebaybot chuwech ri Jehová. Jak'a ri ruwach'ulew man xtisilon ta roma kan jebel jikil.

1 Crón 16:30 ပူးပေါင်းရင်းမြစ်များ

Wuj Richin Bix Chire ri Dios 33:9

Roma kan xaxe k'a toq xubij rija' jari' toq xbanatej. Achi'el xubij rija' keri' xk'oje' kan ronojel.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Wuj Richin Bix Chire ri Dios 93:1

Ri Jehová jari' ri rey y xuwiq k'a ri' rik'in ruwaq'ijaj. Rija' kan k'o ruchuq'a' y xuch'okoba' k'a jebel ri ruwach'ulew, xuben chire chi man nisilon ta ri akuchi k'o-wi.

Colosenses 1:17

Kan pa rutikeribel chire ronojel rija' k'o chik pe, y roma rija' ronojel pa ruchojmilal rubanon.

Wuj Richin ri Jeremías 10:12

Rat Jehová rik'in ri nimalej awuchuq'a' y ri ana'oj xaben ri ruwach'ulew y rik'in nojibel xajikiba' ri kaj.

Wuj Richin ri Isaías 49:8

Kere' k'a ninbij yin Jehová: Kan pa taq ruq'ijul xtink'uluba-pe ri ich'owen, y chupan ri q'ij richin kolotajik, kan xkixinto'. Kan xkixinchajij; iwoma rix xtinyek chik el jun bey ri ruwach'ulew, y xtiwichinaj kan ri ulew ri e malin kan.

Wuj Richin Bix Chire ri Dios 96:9

Tiqaqasaj-qi' chuwech ri Jehová chupan ri rachoch. Kan qonojel k'a ri ojk'o chuwech ri ruwach'ulew tik'oje' ruq'ij-ruk'ojlen ri Jehová chiqawech.

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

1 Crón 16:23

Kan tiqabixaj ri rubi' ri Jehová, roj ri ojk'o chuwech re ruwach'ulew; Kan q'ij-q'ij tiqatzijoj ri kolotajik ri nuya'.

1 Crón 16:29

Kan ruk'amon richin niqanimirisaj ri nimalej rubi' ri Jehová. Kan tiqak'ama-pe sipanik chuwech; kan xtiqaxuk-xtiqamej-qi' chuwech ri loq'olej ruk'ojlemal rija'.

1 Crón 16:31

Kan tikikot k'a ri kaj; chuqa' kan tikikot k'a ri ruwach'ulew. Kan xtiqatzijoj chike ri winaqi' richin chijun ruwach'ulew chi ri Jehová, ja rija' ri rey.

Wuj Richin Bix Chire ri Dios 76:8

Kan k'a chila' chikaj xaya-wi-pe ri ruchojmilal, y konojel ri winaqi' chuwech re ruwach'ulew kan xkixibij-ki', y kan jun k'a xek'oje-wi.

Wuj Richin Bix Chire ri Dios 99:1

Ri Jehová ja rija' ri rey. Roma ri' kan tik'oje' k'a rukiy rija' chikiwech ri tzobaj winaqi' richin ri ruwach'ulew. Rija' kan tz'uyul k'a chikikojol ri querubín richin nuq'et-tzij. Y roma ri' chijun ri ruwach'ulew kan nisilon.