1 Crón 16:28 - Kaqchiquel Bible

²⁸ Kan rik'in ri Jehová k'o-wi ri k'ojlen y kan rik'in rija' k'o-wi ri uchuq'a'. Roma ri' roj ri oj aj pa qachoch, kan tiqaya' k'a ruq'ij-ruk'ojlen ri Jehová.

1 Crón 16:28 ပူးပေါင်းရင်းမြစ်များ

1 Corintios 15:10

Jak'a ri Dios xuya' ri rutzil chuwe, y ri' xuben chuwe chi xjalatej ri nuk'aslen. Yin más yan chik k'a in samajineq-pe ke chikiwech ri ch'aqa' chik ri e taqon roma ri Cristo. Jak'a man ninbij ta chi ja yin xibanon ri samaj, man keri' ta; xa kan ja ri rutzil ri Dios ri xbanon.

Filipenses 4:13

Kan ja ri Cristo niya'on wuchuq'a' richin yitikir ninq'axaj ronojel.

Wuj Richin Bix Chire ri Dios 68:34

Kan tiqaya' k'a rejqalen ri ruchuq'a' ri Dios, roma ja rija' niq'aton-tzij pa qawi' roj israelita. Y ri ruchuq'a' kan niqatz'et chuwech ri kaj.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

Wuj Richin ri Isaías 11:10

Toq ri rijatzul kan ri Isaí xtipe, re' jare' jun retal kichin ri tinamit richin xtitzolin-pe kik'u'x rik'in. Y ri akuchi xtik'oje-wi, kan janila nim ruq'ij-ruk'ojlen.

Wuj Richin Bix Chire ri Dios 98:4

Konojel k'a ri winaqi' richin ri ruwach'ulew, kan rik'in k'a kikoten kebixan chire ri Jehová. Rik'in ronojel kuchuq'a' kech'on y tikipaq'apa' ri kiq'a' y tikibixaj bix.

Wuj Richin Bix Chire ri Dios 67:7

Nimalej Dios kan qojawurtisaj k'a, konojel k'a winaqi' richin chijun ruwach'ulew tikiya' aq'ij.

Wuj Richin Bix Chire ri Dios 67:4

Kan kekikot y kenimaq'ijun k'a konojel, roma rat kan naq'et-tzij pa ruchojmilal. Kan ja rat k'a yayuqen kichin konojel ri winaqi' richin re ruwach'ulew.

1 Sam 6:5

Ke'ibana' k'a ri wachibel ri' roma ja re ch'oy re' ri yek'ison yan re qaruwach'ulew. Y rik'in re' kan tiya' k'a ruq'ij ri ki-Dios ri aj-Israel. Rik'in juba' xtuben richin xtrelesaj-el ri q'axo'n ri k'o qik'in y ri k'o pa kiwi' ri qa-dios y pa ruwi' ri qaruwach'ulew.

1 Crón 16:27

Kan janila niyik'lun ri akuchi k'o-wi rija'. Ri pa rachoch kan k'o-wi uchuq'a' y kikoten.

1 Crón 16:29

Kan ruk'amon richin niqanimirisaj ri nimalej rubi' ri Jehová. Kan tiqak'ama-pe sipanik chuwech; kan xtiqaxuk-xtiqamej-qi' chuwech ri loq'olej ruk'ojlemal rija'.

Wuj Richin Bix Chire ri Dios 96:7

Tiqak'ama-pe bix chire ri Jehová qonojel roj: Achijlonela', ixjayilonela' y alk'ualaxela' richin chijun ruwach'ulew. Kan tiqaya' k'a rejqalen ri ruk'ojlemal y ri ruchuq'a' ri Jehová.