1 Crón 16:26 - Kaqchiquel Bible

²⁶ Roma ri ki-dios ri ch'aqa' chik ruwach'ulew, xa e wachibel y man jun kejqalen: Jak'a ri Jehová kan ja rija' xbanon ri kaj.

1 Crón 16:26 ပူးပေါင်းရင်းမြစ်များ

Wuj Richin Bix Chire ri Dios 102:25

Rat kan xajikiba' k'a ri ruwach'ulew pa rutikeribel. Chijun ri kaj kan ja rat ri xabanon richin.

Wuj Richin ri Chojmirisabelri'il 19:4

Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

Wuj Richin ri Isaías 44:24

Kere' k'a nubij ri Jehová chike ri israelita: Ja yin ri in ikolonel, ri xibanon iwichin. Yin Jehová ri xibanon ronojel. Ja yin ri xibanon ri kaj y ri ruwach'ulew, y kan man jun xto'on wichin.

Wuj Richin ri Isaías 42:5

Kere' nubij ri Jehová chire ri ya'ol rutzijol: Yin xibanon ri kaj, y kan xinrik'. Chuqa' xinben ri ruwach'ulew y ronojel ri yewachin chuwech, y kan nuya'on kik'aslen konojel ri ek'o chuwech.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

Hechos 19:26

Jak'a rix itz'eton y chuqa' iwak'axan chik chi ri Pablo nubij k'a chike ri winaqi' chi ri wachibel e banalon koma achi'a' man e dios ta. Y kan e k'iy ri rujalon chik kich'obonik y kiniman chik. Man xaxe ta re wawe' pan Éfeso, xa kan jubama pa ronojel re ruwach'ulew Asia.

Wuj Richin ri Isaías 40:26

Kan kixtzu'un-el chikaj richin nitz'et jebel achike banayon ronojel re'. Ri Jehová kan yerajlaj ri ch'umila', y kan e ruya'on kibi'. Roma ri nimalej ruq'ij y ri nimalej ruchuq'a', rija' kan nuben chi man jun nisach pa kik'ojelibal.

1 Crón 16:27

Kan janila niyik'lun ri akuchi k'o-wi rija'. Ri pa rachoch kan k'o-wi uchuq'a' y kikoten.

Wuj Richin Bix Chire ri Dios 96:5

Roma ri ki-dios ri ch'aqa' chik tinamit xa e wachibel. Jak'a ri Jehová kan ja rija' xbanon ri kaj.

Wuj Richin ri Achin Job 9:8

Xaxe ruyon rija' xtikir xbanon chi xrik'itej ri kaj. Xaxe chuqa' rija' ri nitikir nibanon chi nisile-qa ri nibolqo't ri ruwi' ri ya'.