1 Crón 16:16 - Kaqchiquel Bible

¹⁶ Re jikibel-tzij re' ri xuben rik'in ri Abraham, re yo'ontzij re' ri xuben rik'in ri Isaac,

1 Crón 16:16 ပူးပေါင်းရင်းမြစ်များ

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Wuj Richin ri Rutikeribel 17:2

Y xtik'oje' k'a ri nujikibel-tzij chiqakojol roj, y yin xtinben chi xkewinaqir ri awijatzul, xcha'.

Wuj Richin ri Rutikeribel 35:11

Ri Dios xubij chuqa' chire: Ja yin ri in Dios ri ronojel yitikir ninben; katalk'ualan k'a y xkewinaqir ri awijatzul, awik'in k'a rat xtel-wi jun tzobaj winaqi', richin ri ruwach'ulew, y kan e k'iy chik k'a ruwach'ulew xke'el awik'in; chuqa' xke'el rey rik'in ri awijatzul.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

Hechos 3:25

Qichin k'a roj judío ri xusuj kan ri Dios koma ri e q'alajirisey ri xbix chike roma rija'. Y kan qichin chuqa' roj ri xusuj toq xuben ri jun jikibel-tzij kik'in ri qati't-qamama'. Roma xubij chire ri Abraham chi ri winaqi' ri ek'o chuwech re ruwach'ulew xtikik'ul k'a utzil roma ri riy-rumam rija', ri xtibe'alex.*f12*

Wuj Richin ri Nehemías 9:8

Y xatz'et k'a, chi rija' kan xukuquba' ruk'u'x awik'in. Chuqa' kan xajikiba-atzij chire chi naya' chike ri rijatzul rija', ri ruwach'ulew kichin ri cananeo, ri hitita, ri amorreo, ri ferezeo, ri jebuseo y ri gergeseo. Y kan keri' k'a xaben roma rat kan naben ri nabij.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

1 Crón 16:15

Rija' kan jantape' xtik'oje' pa ránima ri rujikibel-tzij; rija' man xtumestaj ta ri rusujunik, stape' xtiq'ax jun 1,000 sol winaqi':

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

2 Sam 6:12

Y k'o k'a jun q'ij xapon rutzijol rik'in ri David, chi ri Jehová janila rurtisan ri Obed-edom y konojel ri ek'o rik'in, roma ri káxa k'o pa rachoch. Roma ri' xberelesaj-pe ri káxa chiri' rik'in janila kikoten, richin nuk'uaj chupan ri rutinamit.