1 Crón 16:14 - Kaqchiquel Bible

¹⁴ Ja rija' ri Jehová ri qa-Dios; Ja rija' ri niq'aton-tzij pa ruwi' chijun ri ruwach'ulew.

1 Crón 16:14 ပူးပေါင်းရင်းမြစ်များ

Wuj Richin ri Isaías 26:9

Rik'in ronojel qánima niqarayibej yojch'on awik'in ri chi'aq'a'; chuqa' ri nimaq'a' yan niqajo' chi nijunamatej-qawech awik'in. Toq rat xkaq'aton-tzij pa ruwi' ri ruwach'ulew, k'a jari' toq roj xtiqetamaj chi rat kan pa ruchojmilal-wi ri yaq'aton-tzij.

Wuj Richin Bix Chire ri Dios 118:28

Jehová, kan ja rat ri at nu-Dios, y kan xtinya' k'a aq'ij. Nu-Dios yin, kan xtinnimirisaj k'a ri aq'ij.

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Wuj Richin Bix Chire ri Dios 95:7

Roma kan ja rija' ri qa-Dios, y roj kan oj rutinamit k'a rija'. Kan oj achi'el rukarne'l richin ri ruqejoj y yojruchajij. Kan tiwak'axaj k'a wakami ri nuch'abel yin Jehová.

Wuj Richin Bix Chire ri Dios 63:1

¡Nimalej Dios, ja rat ri at nu-Dios! Yin kan jantape' k'a yatinkanoj; ri wánima kan nichaqchi'in chawij. Yin kan yatinrayij k'a toq ink'o chupan re ruwach'ulew chaqi'j y tz'iran akuchi maneq ya'.

1 Crón 16:12

Kan toqaqa k'a chiqak'u'x ronojel ri meyel taq rubanobal ri rubanon qik'in, Man tiqamestaj ri rubanobal ri xaxe qik'in roj xuben-wi. Kan toqaqa k'a chiqak'u'x ri ruchojmilal ri rubin chiqe.

Ex 15:2

Rat k'a Jehová ri quchuq'a' y ri qabix. Ja rat ri qakolonel. Rat ri qa-Dios ri k'o chi niqaya' aq'ij. Ri at ki-Dios ri qate-qatata' y roj niqanimirisaj ri abi'.

1 Crón 16:13

Kan toqaqa k'a chiqak'u'x roj, ri oj rijatzul kan ri Israel ri rusamajel ri Dios. Kan toqaqa k'a chiqak'u'x roj, ri oj ruk'ajol kan ri Jacob, ri kan oj cha'on roma ri Dios.

1 Crón 16:15

Rija' kan jantape' xtik'oje' pa ránima ri rujikibel-tzij; rija' man xtumestaj ta ri rusujunik, stape' xtiq'ax jun 1,000 sol winaqi':

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.