1 Crón 15:3 - Kaqchiquel Bible

³ Xeri' xerumol chik k'a konojel ri aj-Israel pa Jerusalem richin nikiq'axaj ri káxa chupan ri jay ri xuben.

1 Crón 15:3 ပူးပေါင်းရင်းမြစ်များ

2 Sam 6:12

Y k'o k'a jun q'ij xapon rutzijol rik'in ri David, chi ri Jehová janila rurtisan ri Obed-edom y konojel ri ek'o rik'in, roma ri káxa k'o pa rachoch. Roma ri' xberelesaj-pe ri káxa chiri' rik'in janila kikoten, richin nuk'uaj chupan ri rutinamit.

2 Sam 6:17

Ri David kan runaban k'a jun jay banon rik'in tzieq. Y chiri' xbekiya-wi kan ri káxa richin ri Jehová. Y k'ari' xusuj chikop richin niporox jumul y xusuj sipanik ri nuq'alajirisaj chi junan ruwech rik'in ri Jehová.

1 Rey 8:1

K'ari' ri rey Salomón xuteq k'a koyoxik konojel ri achi'a' ri k'o kiq'ij ri ek'o pa ruwi' ri ruwach'ulew Israel, konojel ri aj-raqen ri ek'o pa kiwi' ri tzobaj y ri e tata'al kichin ri aj pa jay. Y ri winaqi' nikimol-ki' chiri' pa Jerusalem richin nikelesaj-pe ri káxa richin ri rujikibel-tzij ri Jehová pa rutinamit kan ri David ri nibix Sión chire, y nikiq'axaj chupan ri k'ak'a' rachoch ri Jehová.

1 Crón 13:2

Chirij ri', xubij chike konojel ri achi'a' ri k'o kiq'ij: Wi rix niqa' chiwech y wi ri Jehová ri qa-Dios nuya' q'ij chiqe, xtiqaya' k'a rutzijol chike konojel ri qawinaq ri k'a ek'o na kan pa taq tinamit richin Israel, y chuqa' ri e sacerdote y ri e levita ri ek'o pa taq kitinamit rik'in kisoq'olbal. Y ri rutzijol ri' richin tijunamatej-qawech kik'in.

1 Crón 13:5

Jari' toq ri David xuteq koyoxik konojel ri winaqi' richin chijun Israel, xtiker-el pa tinamit Sihor ri k'o chunaqaj ri Egipto, y xapon k'a pa xaman chuchi' ri Hamat, richin xbekik'ama' ri káxa richin ri rujikibel-tzij ri Dios ri k'o pa tinamit Quiriat-jearim.

1 Crón 15:1

Ri David xuteq k'a rubanik k'iy rachoch pa tinamit ri nibix Ri Rutinamit ri David chire. Y chuqa' xuchojmirisaj k'a jun ulew ri akuchi nik'oje-wi ri káxa richin ri rujikibel-tzij ri Dios, y chuqa' xuben jun jay ri banon rik'in tzieq richin chiri' nik'oje-wi ri káxa.

1 Crón 15:12

y xubij chike: Rix ri aj-raqen pa kiwi' ri e aj pa kachoch ri e levita; tich'ajch'ojirisaj-iwi', y keri' chuqa' ri iwach'alal, richin niq'axaj ri káxa chupan ri rachoch ri xinben.

1 Crón 16:1

Xbekiya' k'a kan ri rukáxa ri Dios chupan ri jay ri banon rik'in tzieq ri xuben ri David. Y chirij ri' xekisuj chikopi' ri yeporox jumul, y chuqa' xekisuj sipanik ri nuq'alajirisaj chi junan kiwech rik'in ri Dios.

2 Crón 1:2

Y rija' xeroyoj k'a konojel ri winaqi' richin xch'on kik'in, xch'on kik'in ri aj-raqen ri ek'o pa kiwi' e 1,000 aj-labal, xch'on kik'in ri aj-raqen ri ek'o pa kiwi' ri e wok'al aj-labal, xch'on kik'in ri achi'a' ri to'onela', xch'on kik'in konojel ri e aj-raqen kichin ri tzobaj y kik'in ri ch'aqa' chik aj-raqen.

2 Crón 1:4

Jak'a ri David xa ruq'axan k'a kan ri káxa richin ri rujikibel-tzij ri Dios ri xk'oje' ojer kan pa tinamit Quiriat-jearim, roma rija' chiri' pa Jerusalem rupaban chik q'anej jun rachoch ri banon rik'in tzieq.

2 Crón 5:2

K'ari' ri rey Salomón xuteq k'a koyoxik richin jun molojri'il ri chiri' pa Jerusalem konojel ri achi'a' ri k'o kiq'ij, konojel ri e tata'al ri ek'o pa kiwi' ri tzobaj winaqi' richin ri tinamit Israel, y ri e aj-raqen kichin ri aj pa jay, richin nikelesaj-pe ri káxa richin ri rujikibel-tzij ri Jehová chiri' pa rutinamit kan ri David, ri nibix Sión chire y nikiq'axaj chupan ri k'ak'a' rachoch ri Jehová ri chiri' pa Jerusalem.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

Wuj Richin ri Chojmirisabelri'il 9:5

Y ri winaqi' xkik'uaj k'a apo ronojel ri xubij ri Moisés chi k'o chi nikik'uaj-apo chuwech ri rachoch ri Dios, y ri winaqi' richin ri tinamit xkimol-apo-ki' chiri' chuwech ri Jehová.