1 Crón 15:28 - Kaqchiquel Bible

²⁸ Keri' k'a konojel ri aj-Israel yekikot kik'uan ri káxa richin ri rujikibel-tzij ri Jehová; y nikireq k'a kichi' roma kikoten. Chuqa' nikixupuj ri trompeta y ri uk'a'; y nikiq'ojomaj ri platillo, ri salterio, y ri arpa.

1 Crón 15:28 ပူးပေါင်းရင်းမြစ်များ

1 Crón 13:8

Rokik ri' ri David y konojel ri israelita kan janila k'a xekikot, y e beneq chuwech ri Dios. Y kan rik'in k'a ronojel kuchuq'a' yebixan y yeropiyaj, y nikiq'ojomaj k'a jalajoj ruwech q'ojom achi'el ri arpa, ri salterio, ri tamboril, ri platillo y ri trompeta.

1 Crón 15:16

Y ri David xubij k'a chuqa' chike ri aj-raqen pa kiwi' ri e levita chi kecha'ox ri bixanela' y nikibixaj bix richin kikoten, chuqa' kecha'ox ri q'ojomanela' rik'in jalajoj ruwech q'ojom achi'el ri salterio, ri arpa y ri platillo.

Wuj Richin Bix Chire ri Dios 68:25

Ri bixanela' e beneq k'a pa nabey, ri q'ojomanela' e xambey kan, pa kinik'ajal rije' e beneq xtani' kik'ualon pandereta.

2 Sam 6:15

Ri David y konojel ri winaqi' israelita ri kik'uan ri káxa kan yesik'in k'a rik'in kikoten y nikixupula' k'a ri ki-trompeta.

2 Sam 6:5

Ri David y ri ch'aqa' chik israelita yetzopilan k'a e beneq, yebixan k'a chuwech ri Jehová rik'in jalajoj ruwech q'ojom.

1 Crón 15:24

Y ri yexupun ri trompeta chuwech ri káxa ja ri sacerdote Sebanías, ri Josafat, ri Natanael, ri Amasai, ri Zacarías, ri Benaías y ri Eliézer. Ri Obed-edom y ri Jehías chuqa' nikichajij ri káxa.

1 Crón 15:27

Ri David rukusan jun rutziaq ri janila jebel ok ri banon rik'in lino; keri' chuqa' kitziaq kikusan ri levita ri e uk'uayon ri káxa, ri bixanela' y ri Quenanías ri nitijon kichin. Y ri David rukusan chuqa' jun tzieq ri nibix efod chire, ri chuqa' banon rik'in lino.

1 Crón 15:29

Y toq ri káxa richin ri rujikibel-tzij ri Dios xapon pa rutinamit ri David, ri rumi'al kan ri Saúl rubini'an Mical ri rixjayil ri David, xtzu'un-pe pa ventana y xutz'et-pe ri rey David nitzopiyaj roma kikoten; y ri ixoq ri' kan xrixowaj ri David ri rachijil.

Wuj Richin ri Nehemías 12:27

Y keri' xk'achoj-q'anej ri tz'aq richin ri tinamit. Y toq xapon ri q'ij richin ri matioxinik chire ri Dios, xebekanox k'a konojel ri levita ri kitalun-ki' pa taq tinamit, richin ye'apon pa nimaq'ij richin ri matioxinik. Y rije' xe'apon k'a richin xebixan rik'in kikoten y xkiq'ojomaj ri platillo, arpa, y ri lira.

1 Crón 25:1

Ri David y ri aj-raqen pa kiwi' ri aj-labal xekiya' kan ri kisamaj ri kalk'ual ri Asaf, ri Hemán y ri Jedutún richin nikiq'alajirisaj ri ruch'abel ri Dios e kachibilan ri nikiq'ojomaj ri arpa, ri salterio y ri platillo. Jare' ri kibi' ri winaqi' ri xek'oje' chupan ri samaj ri'.

Wuj Richin Bix Chire ri Dios 47:6

Kixbixan, tiya' ruq'ij ri qa-Dios. Kixbixan, tiya' ruq'ij roma ja rija' ri qa-rey.