1 Crón 15:25 - Kaqchiquel Bible

²⁵ K'ari' ri David y ri achi'a' ri k'o kiq'ij richin ri Israel y ri aj-raqen kichin ri aj-labal, rik'in k'a kikoten xbekik'ama-pe ri káxa richin ri rujikibel-tzij ri Dios pa rachoch ri Obed-edom.

1 Crón 15:25 ပူးပေါင်းရင်းမြစ်များ

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Filipenses 3:3

Ja roj ri oj uk'uayon ri qitzij etal ri', y man ta rije'; roma roj kan niqaya' ruq'ij ri Dios rik'in ri Loq'olej Espíritu y yojkikot rik'in ri jun qabanon rik'in ri Cristo Jesús. Roj kan man niqakuquba' ta qa qak'u'x qik'in roj.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Esdras 6:16

K'ari' ri israelita, ri e sacerdote, ri e levita y ri ch'aqa' chik winaqi' ri xetzolin-pe pa Babilonia, rik'in janila kikoten, xkiben jun nimaq'ij richin nikitikeriba' nikiya' ruq'ij ri Dios chiri' pa rachoch.

1 Rey 8:1

K'ari' ri rey Salomón xuteq k'a koyoxik konojel ri achi'a' ri k'o kiq'ij ri ek'o pa ruwi' ri ruwach'ulew Israel, konojel ri aj-raqen ri ek'o pa kiwi' ri tzobaj y ri e tata'al kichin ri aj pa jay. Y ri winaqi' nikimol-ki' chiri' pa Jerusalem richin nikelesaj-pe ri káxa richin ri rujikibel-tzij ri Jehová pa rutinamit kan ri David ri nibix Sión chire, y nikiq'axaj chupan ri k'ak'a' rachoch ri Jehová.

1 Sam 22:7

K'ari' ri Saúl xubij chike ri aj-labal ri kisutin-apo-rij: Tiwak'axaj k'a re wakami rix nuwinaq ri oj rijatzul kan ri Benjamín. ¿Ninimaj kami rix chi ri ruk'ajol ri Isaí, nuya' iwulew ri tikon chik uva chuwech, o yixruya' aj-raqen pa kiwi' e 1,000, o aj-raqen pa kiwi' ch'aqa' chik tzobaj?

1 Sam 10:19

Jak'a re wakami, rix xa xiwetzelaj kan ri qa-Dios ri xkolon kichin ri ite-itata' chuwech ronojel ri tijoj-poqonal y q'axo'n. Y chuqa' xibij chi niwajo' chi nuya' jun rey pan iwi'. Wakami k'a, kixjel-pe chuwech ri Jehová pa taq itzobaj, chi te'ej, chi tata'aj, chi alk'ualaxela' y chi iy-mam, xcha' ri Samuel.

1 Sam 8:12

Xkerukusaj richin xke'ok aj-raqen pa kiwi' ri aj-labal y chuqa' xkerukusaj richin xtikisamajij ri rulew y xtikimol ruchi' ri rutiko'n. Chuqa' xkerukusaj richin xtikiben kamisabel richin labal y ronojel samajibel ri k'atzinel chire ri ru-carruaje.

Deut 16:15

Wuqu' k'a q'ij xkixnimaq'ijun richin niya' ruq'ij-ruk'ojlen ri Jehová ri qa-Dios chiri' akuchi rucha'on-wi rija', roma kan xtuya' urtisanik pan iwi' rik'in ronojel ri itiko'n y pa ruwi' ronojel ri samaj ri xtiben. Kan xkixnimaq'ijun rik'in janila kikoten.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 12:7

Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Deut 1:15

Y keri' k'a toq yin xencha' ri achi'a' ri', y ja rije' ri xenya' pan iwi': Pa kiwi' 1,000 winaqi', pa kiwi' wok'al, pa kiwi' kawineq lajuj y pa kiwi' lajujteq winaqi' y ja rije' ri yeyuqen iwichin.

Wuj Richin ri Q'axanri'il 31:14

Y toq rije' xe'apon, ri Moisés xyakatej janila royowal chikij ri e aj-raqen pa kiwi' ri aj-labal ri xetzolej-pe.

2 Crón 1:4

Jak'a ri David xa ruq'axan k'a kan ri káxa richin ri rujikibel-tzij ri Dios ri xk'oje' ojer kan pa tinamit Quiriat-jearim, roma rija' chiri' pa Jerusalem rupaban chik q'anej jun rachoch ri banon rik'in tzieq.

2 Crón 5:2

K'ari' ri rey Salomón xuteq k'a koyoxik richin jun molojri'il ri chiri' pa Jerusalem konojel ri achi'a' ri k'o kiq'ij, konojel ri e tata'al ri ek'o pa kiwi' ri tzobaj winaqi' richin ri tinamit Israel, y ri e aj-raqen kichin ri aj pa jay, richin nikelesaj-pe ri káxa richin ri rujikibel-tzij ri Jehová chiri' pa rutinamit kan ri David, ri nibix Sión chire y nikiq'axaj chupan ri k'ak'a' rachoch ri Jehová ri chiri' pa Jerusalem.