1 Crón 15:2 - Kaqchiquel Bible

² K'ari' xubij: Wakami xa kan xaxe k'a ri e levita ri ye'uk'uan ri káxa richin ri rujikibel-tzij ri Dios, y man jun achike ta chik, roma ri Jehová kan e rucha'on rije' richin jantape' nikik'uaj ri káxa y nikisamajij, xcha'.

1 Crón 15:2 ပူးပေါင်းရင်းမြစ်များ

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

Deut 31:9

Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

Wuj Richin ri Josúe 6:6

K'ari' ri Josué ri ruk'ajol ri Nun, xeroyoj k'a ri e sacerdote y xubij chike: Xtik'uaj ri káxa ri k'o ri rujikibel-tzij ri Jehová chupan, y ri wuqu' chik sacerdote xtikik'uaj ri xupubel banon rik'in uk'a' richin karne'l y xke'ik'o-el chuwech ri káxa.

Wuj Richin ri Josúe 3:3

y xkibij chike ri winaqi': Toq xtitz'et chi ri e sacerdote ri e rijatzul kan ri Leví kik'uan-el ri káxa richin ri rujikibel-tzij ri Jehová ri qa-Dios, jari' toq xkixk'olon-el ri akuchi ixk'o-wi-qa y xkixtzeqe-el chikij rije',

Wuj Richin ri Isaías 66:21

Y chikikojol ri xketzolin-pe, yin xkencha' jujun sacerdote y jujun levita. Y rije' xkebanon nusamaj yin. Yin Jehová ri yibin.

2 Crón 35:3

Y xch'on kik'in ri e levita ri kan kijachon-ki' chupan ri rusamaj ri Dios, ri yetijon chupan chijun ri ruwach'ulew y xubij chike: Ri loq'olej káxa richin ri jikibel-tzij kan tiya' k'a pa rachoch ri Jehová, ri rupaban kan ri Salomón ruk'ajol kan ri David rey richin Israel. Kan man xtik'uaj ta chik chuwi-itele'n. Wakami k'a rix tisamajij ri Jehová ri qa-Dios y chuqa' ri rutinamit Israel.

Wuj Richin ri Q'axanri'il 7:9

Jak'a ri rijatzul kan ri Quehat man xuya' ta ki-carreta ni kibóyix, roma rije' toq nikik'uaj ri samajibel richin ri rachoch ri Dios, chuwi-kitele'n nikik'uaj-wi.

2 Sam 6:13

Ri e uk'uayon ri káxa xepa'e' k'a waqi' mul chupan chijun ri bey richin chi ri David xusuj kamelabel chuwech ri Jehová. Xerusuj k'a jujun bóyix y jujun karne'l ri jebel e ti'oj.

Ex 25:14

Re baloj re' xkekiju' chupan ri argolla ri xkeya'ox pa taq ruxikin ri káxa y rik'in re' xtikik'uaj-wi.

Wuj Richin ri Q'axanri'il 3:6

Ke'awoyoj k'a ri achi'a' richin ri tzobaj Leví, y ke'aya-apo chuwech ri nimalej sacerdote Aarón, richin chi nikito' chubanik ri samaj.

Wuj Richin ri Q'axanri'il 3:9

Xke'ach'er k'a ri levita richin yekito' ri Aarón y ri e ruk'ajol, roma rije' e achi'el jun sipanik ri elesan-pe chi'ikojol rix.