1 Crón 15:17 - Kaqchiquel Bible

^17-21 Ri xecha'ox richin nikiq'ojomaj ri platillo jari' ri Hemán ruk'ajol ri Joel, ri kach'alal rubini'an Asaf ruk'ajol ri Berequías y ri Etán Cusaías, y rije' e rijatzul kan ri Merarí. Y ri xeto'on kichin ja ri Zacarías, ri Jaaziel, ri Semiramot, ri Jehiel, ri Uní, ri Eliab, y ri Benaías. Konojel k'a rije' nikiq'ojomaj ri ki-salterio achi'el nikiben ri elamita. Chuqa' ri Maaseías, ri Matatías, ri Elifelehu, ri Mecneías, ri Azazías y ri ka'i' chajinela' ri kibini'an Obed-edom y ri Jeiel, rije' chuqa' xeto'on. Y xkiq'ojomaj ri arpa achi'el nikiben ri siminita.

1 Crón 15:17 ပူးပေါင်းရင်းမြစ်များ

1 Crón 6:44

Y pa rajxokon ri Hemán nik'oje' ri Etán ri jun chik aj-raqen pa kiwi' ri bixanela', y rija' rijatzul kan ri Merarí, ruk'ajol kan ri Quisí, re Quisí re' ruk'ajol kan ri Abdí, re Abdí re' ruk'ajol kan ri Maluc,

1 Crón 6:39

Pa rijkiq'a' ri Hamán nik'oje' ri Asaf, ri jun chik aj-raqen pa kiwi' ri bixanela'. Ri Asaf ruk'ajol kan ri Berequías, y rija' ruk'ajol kan ri Simá.

1 Crón 6:33

Jare' k'a ri kibi' ri achi'a' ri xek'oje' chiri' pa rachoch ri Dios kachibilan ri kalk'ual alaboni': Ri e rijatzul kan ri Quehat: Ri Hemán ri bixanel, re' ruk'ajol kan ri Joel, y ri Joel ruk'ajol ri Samuel,

Wuj Richin Bix Chire ri Dios 83:1

Nimalej Dios ¿Achike roma man jun nabij? ¡Man taben chi man jun nabij, ni man kak'oje' kan choj keri'!

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

1 Sam 8:2

Ri nabey ruk'ajol rubini'an Joel y ri ruka'n rubini'an Abías. Ja rije' ri xe'ok to'onela' chiri' pa tinamit Beerseba.

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.

1 Crón 6:18

Ri e ruk'ajol ri Quehat ja ri Amram, ri Ishar, ri Hebrón y ri Uziel.

1 Crón 6:24

ri Asir xralk'ualaj ri Táhat, ri Táhat xralk'ualaj ri Uriel, ri Uriel xralk'ualaj ri Ozías, y ri Ozías xralk'ualaj ri Saúl.

1 Crón 6:29

Jare' ri e ruk'ajol ri Merarí, nitiker-pe rik'in ri nimalaxel: Ja ri Mahli, ri Libní, ri Simí y ri Uzá,

1 Crón 16:41

Y ri David chuqa' xuya' kan ri Hemán, ri Jedutún y ch'aqa' chik ri xecha'ox kan richin yebixan y nikiya' matioxinik chire ri Jehová, roma ri rajowabal y ri rujoyowanik kan richin tibe-q'ij tibe-seq.

1 Crón 16:42

Rije' nikixupuj trompeta, nikiq'ojomaj ri platillo y ri ch'aqa' chik kiwech q'ojom richin chi nikibixaj rubi' ri Dios. Ri e ruk'ajol ri Jedutún, jari' ri yechajin ri ruchi' ri rachoch ri Dios.