1 Crón 15:15 - Kaqchiquel Bible

¹⁵ Ri e levita xbekelesaj-pe ri káxa ri', y xkiju-pe ka'i' che' pa taq ruxikin richin xkiya-pe chuwi-kitele'n, achi'el rubin kan ri Jehová chire ri Moisés.

1 Crón 15:15 ပူးပေါင်းရင်းမြစ်များ

Wuj Richin ri Q'axanri'il 4:15

Y toq ri Aarón y ri e ruk'ajol e k'achojineq chik richin nikipis-rij ronojel ri richin ri wachoch y ronojel ri taq samajibel ri ye'ukusex chuqa' chupan ri wachoch; y toq ri tinamit jari' ek'o chik richin ye'el-el chiri' richin chi yebe juk'an chik, jari' toq yepe ri e rijatzul kan ri Quehat y yekik'uaj-el ronojel ri e pisil chik. Jak'a man jun bey tikichop jun chike ronojel ri samajibel ri', richin keri' man yeken ta. Jare' ri kisamaj ri e rijatzul kan ri Quehat chupan ri wachoch richin molojri'il.

Wuj Richin ri Q'axanri'il 7:9

Jak'a ri rijatzul kan ri Quehat man xuya' ta ki-carreta ni kibóyix, roma rije' toq nikik'uaj ri samajibel richin ri rachoch ri Dios, chuwi-kitele'n nikik'uaj-wi.

2 Crón 5:9

Ri baloj taq che' ri' kan janila k'a e nima'q kaqen, y roma ri' chupan ri jay ri' kan niq'alajin ri kitza'n, jak'a xa man niq'alajin ta chik ri chupan ri nima-jay. Y keri' k'a rubanon kan.

1 Rey 8:8

Ri baloj taq che' ri' kan janila k'a e nima'q kaqen, y roma ri' xaxe chupan ri jay ri' niq'alajin ri kitza'n, jak'a xa man niq'alajin ta chik ri k'a chupan ri nima-jay richin ri rachoch. Y keri' k'a rubanon kan k'a re q'ij re'.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

2 Sam 6:13

Ri e uk'uayon ri káxa xepa'e' k'a waqi' mul chupan chijun ri bey richin chi ri David xusuj kamelabel chuwech ri Jehová. Xerusuj k'a jujun bóyix y jujun karne'l ri jebel e ti'oj.

1 Crón 13:10

Jak'a ri Jehová kan xpe janila royowal chirij ri Uzá roma xuchop ri káxa, y chiri' k'a xukamisaj-wi kan.

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

2 Sam 6:12

Y k'o k'a jun q'ij xapon rutzijol rik'in ri David, chi ri Jehová janila rurtisan ri Obed-edom y konojel ri ek'o rik'in, roma ri káxa k'o pa rachoch. Roma ri' xberelesaj-pe ri káxa chiri' rik'in janila kikoten, richin nuk'uaj chupan ri rutinamit.