1 Crón 14:12 - Kaqchiquel Bible

¹² Chirij ri' ri aj-Filistea xekimalij kan ri ruwachibel ri ki-dios rije' y ri David xuteq kiporoxik.

1 Crón 14:12 ပူးပေါင်းရင်းမြစ်များ

Ex 32:20

Xeri' ri Moisés xberuk'ama-pe ri wachibel richin ri wákix ri kibanon y xubox pa q'aq'. Xeri' xrelesaj-pe pa q'aq' y xuben chi xkok'ix ri wachibel ri', ri banon rik'in q'anapueq. K'ari' xujopij pa ruwi' ri ya' y xuben chike ri ruwinaq chi xkiqum ri ya' ri'.

2 Rey 19:18

Y kan xekik'eq pa q'aq' ri ki-dios ri e banon rik'in che' y abej, y xa achi'a' ri e banayon. Y konojel ri dios ri' kan xekik'is.

Deut 7:25

Rix kan xke'iporoj ri ruwachibel ri ki-dios. Man tirayij ri saqipueq, ri q'anapueq ri e ya'on chikij, richin chi man tok jun pikbel chiwe rix. Man xa kixtzaq pa mak roma ri', roma keri' kan man niqa' ta chuwech ri Jehová ri qa-Dios.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

2 Sam 5:21

Y ri aj-Filistea, toq xe'animej, xekiyala' k'a kan ri wachibel ri nikiya' kiq'ij. Y ri David y ri aj-labal xkik'uaj k'a el ronojel re'.

1 Crón 14:11

Xejote' k'a el pa Baal-perasim, y chiri' xeruch'ek-wi kan. Roma ri' ri David xubij: Kan achi'el jun raqen-ya' toq nujeq-el rubey, kan keri' xuben ri Dios wik'in; kan xujeq nubey chikiwech ri e etzelanel wichin, xcha'. Y roma ri' xubini'aj kan ri chiri' Baal-perasim.*f7*

1 Crón 14:13

Jak'a ri aj-Filistea xkitaluj chik ki' pa Refaim.

2 Rey 10:26

Y xekelesaj k'a el ri wachibel e paban-q'anej chiri' pa rachoch ri Baal, y xekiporoj.