1 Crón 14:1 - Kaqchiquel Bible

¹ K'o k'a jun rey rubini'an Hiram richin ri ruwach'ulew Tiro, ri rey ri' xuto' ri David richin xupaba-q'anej ri jay ri akuchi niq'aton-tzij. Xeruteq-el rik'in ri David, achi'a' ri k'o kiq'ij, aj-tz'aq y ajanela'. Chuqa' xkik'uala-el tiox-che' richin xkipaba' kan ri jay.

1 Crón 14:1 ပူးပေါင်းရင်းမြစ်များ

Wuj Richin ri Esdras 3:7

Y xkiya' k'a méro chike ri aj-tz'aq y chike ri ajanela' ri xkebesamej. Y chuqa' xkiya' kiway-kuk'ya' y aceite, chike ri aj-Sidón y ri aj-Tiro, richin chi nikik'en-pe tiox-che' k'a pa Líbano y nikik'uaj k'a pa Jope pa ruwi' ya'. Y ronojel re' xban roma ri Ciro, rey richin Persia, kan xuya' q'ij chike.

2 Crón 2:3

Ri pa ruwach'ulew Tiro, k'o k'a jun rey rubini'an Hiram. Y ri Salomón k'o k'a ri xuteq rubixik chire, y kere' k'a xubij-el chire: Tabana' wik'in yin achi'el xaben rik'in ri David ri nata' toq xateq-pe k'iy tiox-che' chire richin xupaba-q'anej ri rachoch rija'.

1 Crón 22:2

Chirij k'a ronojel re', ri David xerumol k'a konojel ri winaqi' ri man e aj-Israel ta ri ek'o chikikojol rije', y xerucha' k'a ri e choyoy abej richin nipabex-q'anej ri rachoch ri Dios.

1 Crón 17:1

Y toq ri David k'o chik chupan ri k'ak'a' rachoch, jari' toq xubij chire ri Natán ri q'alajirisey ruch'abel ri Dios: Wakami yin ink'o pa jun utzilej jay ri kan rik'in tiox-che' banon-wi. Jak'a ri káxa richin ri rujikibel-tzij ri Dios xa pa jun ok ti jay banon rik'in tzieq ri k'o-wi, xcha'.

1 Rey 5:18

Y ri samajela' ri yechoyon abej, ri xekichojmirisala' ri che' richin ri rachoch ri Jehová, ek'o aj chiri' pan Israel, ek'o aj-Sidón y ek'o aj-Guebal chuqa'.

1 Rey 5:6

Yin nink'utuj k'a jun nimalej utzil chawe chi tataqa' ruqupixik tiox-che' pa Líbano, y yin xkentoj ri asamajela' ri xkebanon ri samaj achi'el ri kajel ri xtabij rat, roma awetaman chi re wawe' pa nutinamit man jun nitikir niqupin che' achi'el ri isamaj rix ri aj-Sidón. Yin xkenteq chuqa-el nusamajela' ri xketo'on kichin, xcha-el ri Salomón.

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.

2 Sam 7:2

Ri David xch'on k'a rik'in ri q'alajirisey ruch'abel ri Dios ri rubini'an Natán, y xubij: Yin wakami ink'o chupan jun jay banon rik'in tiox-che', jak'a ri káxa richin ri rujikibel-tzij ri Dios xa chupan jun jay ri banon rik'in tzieq k'o-wi kan, xcha'.

1 Crón 14:2

Keri' toq xq'ax chuwech ri David chi kan ja ri Jehová xya'on kan rey pa ruwi' ri tinamit Israel, roma kan janila utz beneq ri ruq'atbal-tzij pa ruwi' ri ruwach'ulew.

1 Rey 5:15

Pa ruwi' re' ri rey Salomón xuteq koyoxik chuqa' e 70,000 rusamajela' ri ye'uk'uan ejqa'n, y e 80,000 achi'a' ri yechoyon abej y nikiben rutzil chiri' chuwi' taq juyu'.

2 Crón 2:2

K'ari' xerukanoj k'a e 70,000 achi'a' ri ye'ejqanej y 80,000 achi'a' ri yechoyon abej pa juyu' y 3,600 achi'a' ri xkek'oje' pa kiwi' ri ch'aqa' chik samajela'.