1 Crón 13:5 - Kaqchiquel Bible

⁵ Jari' toq ri David xuteq koyoxik konojel ri winaqi' richin chijun Israel, xtiker-el pa tinamit Sihor ri k'o chunaqaj ri Egipto, y xapon k'a pa xaman chuchi' ri Hamat, richin xbekik'ama' ri káxa richin ri rujikibel-tzij ri Dios ri k'o pa tinamit Quiriat-jearim.

1 Crón 13:5 ပူးပေါင်းရင်းမြစ်များ

1 Sam 6:21

Y xekiteq k'a q'anej achi'a' richin xbekiya' rutzijol chike ri winaqi' aj-Quiriat-jearim y xkibij: Ri aj-Filistea xkitzolij-pe ri káxa. Wakami kixbiyin k'a y tibek'ama', xecha'.

1 Rey 8:65

Ri Salomón y ri winaqi' xenimaq'ijun k'a wuqu' q'ij, y chirij ri nimaq'ij ri', xenimaq'ijun chik wuqu' q'ij richin ri nimaq'ij richin ri taq jay banon rik'in ruq'a-che'. Y kan konojel k'a ri winaqi' ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto.

2 Sam 6:1

Chirij ri' ri David kan xerumol k'a konojel ri aj-labal ri más e utz, y ri kajlabal konojel e 30,000.

1 Crón 15:3

Xeri' xerumol chik k'a konojel ri aj-Israel pa Jerusalem richin nikiq'axaj ri káxa chupan ri jay ri xuben.

1 Crón 13:6

Xbe k'a ri David junan kik'in ri winaqi' israelita pa Quiriat-jearim, ri chuqa' nibix Baalá richin Judá chire, richin nikiq'axaj ri káxa ri akuchi ninatex-wi ri rubi' ri Jehová Dios, ri niq'aton-tzij pa kiwi' ri querubín.

2 Rey 25:21

Y ri Nabucodonosor xerukamisaj chiri' pa Riblá pa ruwach'ulew Hamat. Keri' toq xe'elesex-el ri ch'aqa' chik aj-Judá pa kiruwach'ulew.

1 Rey 4:21

Ri ruwach'ulew ri k'o pa ruq'a' ri rey Salomón nitiker k'a pe pa relebel-q'ij chuchi' ri raqen-ya' Éufrates y napon k'a pa qajbel-q'ij rik'in ri kiruwach'ulew ri aj-Filistea, y ri pa xokon, k'a rik'in ri ruwach'ulew Egipto. Y konojel ri winaqi' richin re ruwach'ulew re' kan xkiya' kan ri k'o chi nikitoj chire ri Salomón, y chuqa' kan xkilij rija' chijun ruk'aslen.

Wuj Richin ri Jeremías 2:18

Rix ikuquban ik'u'x kik'in ri aj-Egipto y ri aj-Asiria y kik'in ri ki-dios, y niwajo' niqum ri ya' chupan ri raqen-ya' Nilo y ri Éufrates.

Wuj Richin ri Josúe 9:17

Y ri achi'a' e rijatzul ri Israel xe'el k'a el, y pa rox q'ij xe'apon pa kitinamit ri achi'a' ri', y ri kitinamit ja ri Gabaón, Quefirá, Beerot y Quiriat-jearim.

1 Sam 7:1

Xebe k'a ri aj-Quiriat-jearim y xbekik'ama' ri káxa richin ri jikibel-tzij. Xbekiya' kan pa rachoch ri jun achin rubini'an Abinadab ri k'o pa jun ruwa-juyu'. Rija' k'o jun ruk'ajol rubini'an Eleazar y re ala' re' xkicha' k'a richin ja rija' nichajin ri káxa ri'.

1 Crón 13:4

Konojel k'a ri winaqi' utz xkak'axaj ri xbix chike, y konojel xkibij chi keri' tibanatej.

Wuj Richin ri Isaías 23:3

richin xkiq'axaj ri palou richin nikiloq' y nikik'ayij ri jalajoj ruwech ixin ri yek'iy chuchi' ri raqen ya' Nilo, richin nikik'ayij chik el kik'in ch'aqa' chik ruwach'ulew.

1 Sam 7:2

Y xq'ax yan k'a juwineq juna' chi tapon ri káxa pa Quiriat-jearim. Y konojel ri israelita kan janila nikirayij nikikanoj ri Jehová.