1 Crón 13:2 - Kaqchiquel Bible

² Chirij ri', xubij chike konojel ri achi'a' ri k'o kiq'ij: Wi rix niqa' chiwech y wi ri Jehová ri qa-Dios nuya' q'ij chiqe, xtiqaya' k'a rutzijol chike konojel ri qawinaq ri k'a ek'o na kan pa taq tinamit richin Israel, y chuqa' ri e sacerdote y ri e levita ri ek'o pa taq kitinamit rik'in kisoq'olbal. Y ri rutzijol ri' richin tijunamatej-qawech kik'in.

1 Crón 13:2 ပူးပေါင်းရင်းမြစ်များ

1 Sam 31:1

Rokik re', ri aj-Filistea xkichop oyowal kik'in ri israelita. Jak'a rije' xa xe'animej chikiwech ri aj-Filistea, y xeken k'a chuwa taq juyu' richin Guilboa.

Wuj Richin ri Isaías 37:4

Rik'in juba' ri Jehová ri qa-Dios xrak'axaj ri ch'abel ri xubij ri aj-raqen pa kiwi' ri aj-labal aj-Asiria, richin noruya' ruk'ix ri k'aslik Dios. Y rik'in juba' ri Dios xtuya' rutojbalil pa ruwi' roma ri ch'abel ri'. Wakami kach'on k'a rik'in ri qa-Dios pa qawi' roj y pa kiwi' ri k'a ek'o kan, xecha'.

Wuj Richin Etamabel-Tzij 15:22

Ri akuchi e maneq winaqi' ri yeya'on ta utzilej taq na'oj, ri samaj xa man yebanatej ta; jak'a ri akuchi ek'o winaqi' yeya'on utzilej taq na'oj, ri samaj ri e ch'obon kan yebanatej-wi.

1 Crón 10:7

Ri aj-labal xa xe'animej toq ri Saúl xken junan kik'in ri e ruk'ajol. Y xkak'axaj k'a ri israelita ri ek'o chiri' chuwa-taq'aj chuxe' ri juyu' Guilboa. Roma ri' rije' xe'animej-el chuqa'. Xekiyala' kan ri kitinamit, y ri aj-Filistea kan xekitz'et k'a chi xe'animej-el. Jari' toq xebek'oje' kan chupan ri kitinamit ri israelita.

2 Rey 9:15

Jak'a ri Joram xa xtzolin pa Jezreel, richin xberaq'omaj-ri' chire ri sokotajik ri xkiben chire toq xkiben oyowal kik'in ri aj-Siria. Y ri Jehú xubij k'a chike ri rachibil ri ek'o chiri' pa Ramot: Wi rix kan keri' niwajo', man jun k'a tel-el chupan re tinamit, richin niberuya' rutzijol pa Jezreel, xcha'.

1 Rey 12:7

Y ri achi'a' ri' xkibij chire: Wi rat nawajo' naq'et-tzij pa qawi' roj, k'o chi xkatok samajel richin ri qatinamit, y utzilej taq ch'abel ri xtabij-el chike; wi keri' xtaben, rije' kan xkatkilij chijun ak'aslen, xecha'.

Ex 18:23

Wi rat kere' xtaben y jare' ri niqa' chuwech ri Dios, rat kan xkatikir k'a xtaben chi utzil ri samaj y ri winaqi' kan rik'in k'a uxlanibel-k'u'x xketzolin pa taq kachoch, xcha' ri Jetro.

1 Crón 13:1

Ri David xeruk'ulubej konojel ri achi'a' ri e aj-raqen richin jun tzobaj kichin 1,000 y wok'al aj-labal.

1 Crón 13:3

Richin keri' niqak'en-pe ri rukáxa ri qa-Dios, roma kan pa ruq'ijul kan ri Saúl, jari' toq qamalin kan, xcha' ri David.