1 Crón 13:1 - Kaqchiquel Bible

¹ Ri David xeruk'ulubej konojel ri achi'a' ri e aj-raqen richin jun tzobaj kichin 1,000 y wok'al aj-labal.

1 Crón 13:1 ပူးပေါင်းရင်းမြစ်များ

2 Crón 29:20

K'ari' ri rey Ezequías nimaq'a' yan xyakatej richin xerumol konojel achi'a' ri k'o más kiq'ij richin ri tinamit ri', y xebe pa rachoch ri Jehová.

1 Crón 12:20

Ri e rijatzul kan ri Manasés ri xetzeqeliben-el ri David chiri' pa tinamit Siclag, jare' ri kibi': Ri Adná, ri Jozabad, ri Jediael, ri Micael, ri jun chik Jozabad, ri Elihú y ri Siletai. Y rije' e aj-raqen pa kiwi' jujun tzobaj ri ek'o e 1,000 aj-labal chupan.

2 Rey 23:1

K'ari' ri rey xuben jun molojri'il y xuteq koyoxik konojel achi'a' ri k'o kiq'ij ri ek'o pa Judá y pa Jerusalem.

1 Crón 12:32

Chupan ri tzobaj richin kan ri Isacar xe'apon e 200 achi'a' ri janila ketamabal richin nikibij chire ri tinamit Israel ri k'o chi nuben y jampe' utz nuben. Y rije' e kachibilan ri aj-labal richin ri kitzobaj.

1 Crón 12:14

Konojel rije' e rijatzul kan ri Gad; kan konojel e aj-raqen pa kiwi' ri aj-labal. Ri más juba' ok ri yeruchajij ja ri e wok'al achi'a', y ri más e k'iy ri yeruchajij ja ri e 1,000 achi'a'.

2 Sam 6:1

Chirij ri' ri David kan xerumol k'a konojel ri aj-labal ri más e utz, y ri kajlabal konojel e 30,000.

1 Crón 12:40

Chuqa' ri yepe nej chire ri ruwach'ulew Isacar, ri Zabulón y ri Neftalí xkik'en-pe ri k'o chi nitij, chikij bur, camello, kowilej taq kiej y bóyix. Y ri kik'amon-pe ja ri k'ej, wíkix ri banon pa kab, uva ri chaqirisan, vino, aceite y kokoj y nima'q taq awej. Xkik'en-pe ronojel re' pa ruk'iyal roma janila kikoten k'o chiri' pan Israel.

1 Crón 13:2

Chirij ri', xubij chike konojel ri achi'a' ri k'o kiq'ij: Wi rix niqa' chiwech y wi ri Jehová ri qa-Dios nuya' q'ij chiqe, xtiqaya' k'a rutzijol chike konojel ri qawinaq ri k'a ek'o na kan pa taq tinamit richin Israel, y chuqa' ri e sacerdote y ri e levita ri ek'o pa taq kitinamit rik'in kisoq'olbal. Y ri rutzijol ri' richin tijunamatej-qawech kik'in.

2 Crón 1:2

Y rija' xeroyoj k'a konojel ri winaqi' richin xch'on kik'in, xch'on kik'in ri aj-raqen ri ek'o pa kiwi' e 1,000 aj-labal, xch'on kik'in ri aj-raqen ri ek'o pa kiwi' ri e wok'al aj-labal, xch'on kik'in ri achi'a' ri to'onela', xch'on kik'in konojel ri e aj-raqen kichin ri tzobaj y kik'in ri ch'aqa' chik aj-raqen.

Wuj Richin Etamabel-Tzij 15:22

Ri akuchi e maneq winaqi' ri yeya'on ta utzilej taq na'oj, ri samaj xa man yebanatej ta; jak'a ri akuchi ek'o winaqi' yeya'on utzilej taq na'oj, ri samaj ri e ch'obon kan yebanatej-wi.

San Mateo 25:16

Y ri samajel ri xk'ulun kan wo'o' k'ojelibel rik'in q'anapueq, kan xuben na wi ri bin kan chire. Rija' kan xusamajij k'a ri q'anapueq ri' y xuch'ek chik k'a jun keri'.