1 Crón 12:8 - Kaqchiquel Bible

⁸ Chuqa' jujun chike ri e rijatzul ri Gad xkich'er-el-ki' rik'in ri Saúl, y xjunamatej-kiwech rik'in ri David, toq k'a rewan-ri' chupan ri tobel chiri' pa tz'iran ruwach'ulew. Rije' e aj-labal ri maneq xibinri'il chikiwech, kan e tijon jebel y kan kik'ualon k'a kokoj y nima'q taq kitobal. Rije' kan e achi'el koj yewachin, y kan janila ye'anin achi'el ri masat ri pa taq k'echelaj.

1 Crón 12:8 ပူးပေါင်းရင်းမြစ်များ

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

2 Sam 23:20

Chuqa' ri Benaías ri ruk'ajol ri Joiadá aj-Cabseel man nuxibij ta ri'. Rija' xerubanala' k'a k'iy banobel. Xerukamisaj k'a ri e ka'i' ruk'ajol ri Ariel ri aj-Moab. Chuqa' xqaqa pa jun jul y xukamisaj jun koj toq ruchapon niqaqa jun pim laj tew.

2 Sam 17:10

Y stape' ri qawinaq maneq xibinri'il chikiwech, achi'el ri koj, xa xkemayamo-qa, roma chijun tinamit Israel ketaman chi ri atata' jun achin ri maneq xibinri'il rik'in, y keri' chuqa' ri achi'a' ri ek'o rik'in rija'.

Wuj Richin ri Jeremías 46:9

Jak'a yin ninbij: Kixq'ax rix achi'a' ri yixch'oke' chirij kiej. Chuqa' kebe ri i-carruaje. Rix aj-labal aj-Etiopía y aj-Libia ri nik'uaj ri itobal y rix aj-Lidia ri kan jebel yixtikir yixk'aqon rik'in ch'ab, tichapa' ibey.

Wuj Richin ri Nimalej Bix 8:14

Junanin ri' wajowanel yin. Katanin achi'el nanin jun masat, ri nropiyaj-pe pa ruwi' taq juyu' ri jebel yejubulin.

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Wuj Richin Etamabel-Tzij 6:5

Xa kan titija' k'a iq'ij nikol-iwi' chuwech ri k'as, achi'el nukol-ri' ri masat chuwech ri kanonel, kan tikolo-iwi' achi'el nuben ri aj-xik' chikop chuwech ri pikbel richin ri chapoy-chikop.

2 Crón 25:5

K'ari' ri Amasías xerumol k'a konojel achi'a' ri e richin ri rajawaren, y xerunuk' k'a achi'el ri kitzobaj richin xe'ok aj-labal. K'ari' xeruya' aj-raqen pa kiwi' rije'. Xuben k'a chi xtz'ibex kibi' ri k'o juwineq kijuna' pa jotol, y ri kajlabal konojel e 300,000 aj-labal, ri kan kik'uan kitobal y ri kikum.

1 Crón 12:16

Ek'o achi'a' chike ri e rijatzul kan ri Benjamín y e jujun chike ri tzobaj richin kan ri Judá, y xebek'oje' rik'in ri David akuchi rewan-wi-ri' chupan ri tobel.

1 Crón 11:22

Chuqa' ri Benaías, ruk'ajol ri Joiadá aj-Cabseel, chuqa' jun achin kan maneq xibinri'il chuwech. Y k'iy k'a nima'q taq banobel ri xeruben. Rija' xkamisan kichin ri e ka'i' achi'a' ri achi'el kewachin koj, achi'a' aj-Moab ri e ruk'ajol ri Ariel. Y chuqa' jun q'ij toq ruchapon ruqajinen tef, rija' xok-qa pa jun jul y chiri' xukamisaj jun koj.

1 Crón 11:16

Ri David k'o pa jun tobel richin nuto-ri'. Y chupan ri q'ij ri' ri aj-labal aj-Filistea ek'o-qa pa tinamit Belén.

2 Sam 1:23

Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

1 Sam 24:22

Y ri David kan xuya' k'a rutzij chuwech ri Saúl. Y k'ari' ri Saúl xbe pa rachoch. Jak'a ri David y ri achi'a' xetzolej chik kan chupan ri jul akuchi nikewaj-wi-ki'.

1 Sam 23:29

K'ari' ri David xel k'a el chiri' y xberewaj-ri' chiri' pa tinamit En-gadi.

1 Sam 23:14

Y ri David xebek'oje' k'a chuwi' taq juyu' richin xbekewaj-ki' pa taq jul chiri' pa tz'iran ruwach'ulew richin Zif. Y ri Saúl kan ronojel k'a q'ij xerukanoj, jak'a ri Dios man xeruk'ut ta chuwech.

1 Crón 12:7

y ri Joelá, ruk'ajol ri Jeroham; y ri Zebadías, ruk'ajol chuqa' ri Jeroham aj-Guedor.

1 Crón 12:9

Ja kibi' re' pa rucholajen: Ri Éser; ri Abdías; ri Eliab;