1 Crón 12:32 - Kaqchiquel Bible

³² Chupan ri tzobaj richin kan ri Isacar xe'apon e 200 achi'a' ri janila ketamabal richin nikibij chire ri tinamit Israel ri k'o chi nuben y jampe' utz nuben. Y rije' e kachibilan ri aj-labal richin ri kitzobaj.

1 Crón 12:32 ပူးပေါင်းရင်းမြစ်များ

Wuj Richin ri Rutikeribel 49:14

Ri Isacar achi'el tipe jun kowilej-kiej, ri man nibusbu' ta ri rubaqil, ri stape' chuxe' ri rejqa'n k'o-wi, kan man nuna' ta.

1 Crón 12:31

Chupan ri nik'aj tzobaj richin kan ri Manasés xe'apon e 18,000 achi'a' ri xecha'ox-el richin xbekich'okoba' kan rey ri David.

1 Crón 7:4

Roma janila e k'iy kixjayilal, roma ri' janila xk'iyer ri kijatzul, y chiri' xe'el-wi-el e 36,000 aj-labal.

Ester 1:13

Y xuteq k'a koyoxik ri achi'a' ri e aj-na'oj ri kan ketaman ri nubij ri pixa', richin yeruk'ulubej; roma ri chiri' ri e rey kan nikiben-wi achi'el nikibij ri achi'a' ri kan ketaman ri pixa'.

Wuj Richin Etamabel-Tzij 14:8

Kan q'alaj wi k'a toq ri wineq k'o runa'oj, roma kan jebel nuchajij-ri' chire ri rubanobal; jak'a ri maneq runa'oj y roma ri' ch'obon man ch'obon nuben, xa ruyon k'a nuq'ol ri'.

Wuj Richin Etamabel-Tzij 24:5

Más utz chire ri wineq chi k'o runa'oj, ke chuwech ri wineq ri xaxe ri ruchuq'a' k'o, y más utz ri wineq ri retaman achike rubanik nrajo', ke chuwech ri wineq ri janila ruchuq'a'.

Wuj Richin ri Molojri'il 7:19

Ri na'oj ri k'o rik'in jun wineq aj-na'oj kan nuya' janila ruchuq'a', jun uchuq'a' más nim ke chuwech ri kuchuq'a' lajuj q'atoy taq tzij pa jun tinamit.

Wuj Richin ri Molojri'il 9:18

Ri na'oj kan más k'a rejqalen ke chuwech ri jalajoj kiwech kamisabel ri ye'ukusex pa labal. Roma toq man rik'in ta na'oj nibanatej jun banobel, kan nuyoj ronojel ri utz. Xa rik'in jun aj-mak, kan k'iy k'a ri man utz ta nuk'en-pe.

Wuj Richin ri Isaías 33:6

Y kan jantape' xtuya' oyobenri'il kik'in ri aj chiri'. Rija' xtuk'en-pe ri kolotajik, ri na'oj y ri etamabel, kan achi'el jun nimalej beyomel. Y richin xtik'ul re jun beyomel re', kan k'o chi xtik'oje' rukiy ri Jehová chiwech.

Wuj Richin ri Miqueas 6:9

Rix winaqi' richin ri tinamit, tiwak'axaj ri xtinbij yin Jehová. Ri wineq aj-na'oj trak'axaj ri nuch'abel, roma yin yitikir ninya' tijoj-poqonal pan iwi'.

San Mateo 16:3

Y chuqa' ri pa taq nimaq'a', toq rix nitz'et chi ri kaj keq y muqul rubanon, jari' toq nibij chi nipe kaq'iq'-job. Rix xa ka'i' ipalej, roma jebel iwetaman nitzu' ri kaj; iwetaman wi utz o man utz ta ri q'ij niberubana'. Jak'a ri retal ri kan nitz'etetej-wi ri nubij re jun ruq'ijul re', ri' xa man niq'ax ta chiwech.

Efesios 5:17

Roma ri' man tiben achi'el ri nakaneq taq winaqi'. Xa kan nik'atzin chi niq'ax ta chiwech ri rurayibel ri qajaw pan iwi'.

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.