1 Crón 12:30 - Kaqchiquel Bible

³⁰ Chupan ri tzobaj richin kan ri Efraín xe'apon e 20,800 aj-labal ri maneq xibinri'il chikiwech; y rije' kan janila eleneq kitzijol chi kan e jebel chupan ri kitzobaj.

1 Crón 12:30 ပူးပေါင်းရင်းမြစ်များ

Wuj Richin ri Rutikeribel 6:4

Chupan ri q'ij ri', toq ri e ralk'ual ri Dios xek'ule' kik'in ri xtani' ri', y xe'alk'ualan k'a, ek'o k'a achi'a' ri nima'q kipalen*f8* chuwech ri ruwach'ulew ri yekiya' pa k'ayew ri ch'aqa' chik. Y chikij k'a rije' ek'o k'a chuqa' ch'aqa' chik itzel taq achi'a' ri kan e achi'el ri xeq'ax yan ri xek'uluyaj-pe. Jare' ri itzel taq achi'a' ri maneq xibinri'il chikiwech ri yalan xenatex ri ojer kan.

1 Crón 12:29

Chupan ri tzobaj ri Benjamín, ri junan kijatzul rik'in ri Saúl, xe'apon e 3,000 achi'a'. E k'iy chike rije' kan xkiben achi'el ri nibix chike roma ri Saúl toq k'a k'es na.

1 Crón 12:31

Chupan ri nik'aj tzobaj richin kan ri Manasés xe'apon e 18,000 achi'a' ri xecha'ox-el richin xbekich'okoba' kan rey ri David.

2 Sam 2:8

Y k'o k'a jun achin rubini'an Abner ruk'ajol ri Ner, y ri Abner aj-raqen pa kiwi' ri aj-labal ri xek'oje' rik'in ri Saúl. Rija' xberuk'ama-pe ri Is-bóset ruk'ajol kan ri Saúl, y xuk'uaj-el chupan ri tinamit Mahanaim.

2 Sam 2:9

Y chiri' xuben chire richin xok kan rey pa kiwi' ri winaqi' ri ek'o pa Galaad, ri ek'o pa Guesurí, ri aj-Jezreel, ri aj-Efraín y ri aj-Benjamín y pa kiwi' ri ch'aqa' chik israelita.

2 Sam 3:19

Chuqa' xch'on kik'in konojel ri winaqi' aj-Benjamín. Y k'ari' xbe pan Hebrón rik'in ri David richin xberubij chire ri achike nikich'ob ri benjamita y ri ch'aqa' chik israelita.