1 Crón 12:24 - Kaqchiquel Bible

²⁴ Chupan ri tzobaj richin kan ri Judá, xe'apon e 6,800 aj-labal rik'in ri kitobal, y ri kikum.

1 Crón 12:24 ပူးပေါင်းရင်းမြစ်များ

1 Crón 12:23

Kan janila k'a e k'iy aj-labal xjunamatej-kiwech rik'in ri David pa tinamit Hebrón, richin xkijech ri q'atbel-tzij pa ruq'a' ri David, roma xa xken ri Saúl; y ronojel re' xbanatej achi'el ri rubin ri Jehová chire ri David.

1 Crón 12:25

Chupan ri tzobaj richin kan ri Simeón xe'apon e 7,100 aj-labal ri maneq xibinri'il chikiwech, y kik'ualon k'a ronojel ruwech kamisabel ri nik'atzin pan oyowal.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

2 Sam 5:1

Xe'apon k'a ri ch'aqa' chik tzobaj richin Israel rik'in ri David pan Hebrón richin yech'on rik'in. Y kere' xkibij chire: Ojk'o wawe' roma junan qakik'el y junan qabaqil-qaboch'il.

1 Crón 11:1

Chijun ri winaqi' richin ri ruwach'ulew Israel xkimol-ki' rik'in ri David pa tinamit Hebrón y xkibij chire: Rat kan at qach'alal-wi.

1 Crón 11:10

Ja achi'a' re' ri k'o más kiq'ij, ri ek'o pa kiwi' ri aj-labal ri maneq xibinri'il chikiwech; y rije' xeto'on richin ri David chupan ri ruq'atbal-tzij. Xjunamatej k'a kiwech kik'in ri ch'aqa' chik israelita richin chi ri David xok kan rey, achi'el ri rubin-pe ri Jehová chire ri tinamit Israel.