1 Crón 12:19 - Kaqchiquel Bible

¹⁹ Chuqa' jun ka'i-oxi' chike ri e rijatzul kan ri Manasés xkich'er-ki' rik'in ri Saúl, y xjunamatej-kiwech rik'in ri David. Re' xbanatej toq ri David k'o pa kiruwach'ulew ri aj-Filistea y kan xe'el k'a el junan richin nibekibana' oyowal rik'in ri Saúl. Jak'a ri aj-raqen kichin ri aj-Filistea xa man xkajo' ta richin xeto'ox, y xkiteq-el ri David y xkibij-qa chikiwech: Rija' xa xtuto' ri Saúl ri rajaw, y xqojrujech pa ruq'a', xecha-qa.

1 Crón 12:19 ပူးပေါင်းရင်းမြစ်များ

1 Sam 29:10

Roma ri' chua'q nimaq'a' yan, kayakatej rat y ri samajela' ri e peteneq chawij, y kixbiyin, xcha' ri rey Áquis chire.

1 Crón 12:20

Ri e rijatzul kan ri Manasés ri xetzeqeliben-el ri David chiri' pa tinamit Siclag, jare' ri kibi': Ri Adná, ri Jozabad, ri Jediael, ri Micael, ri jun chik Jozabad, ri Elihú y ri Siletai. Y rije' e aj-raqen pa kiwi' jujun tzobaj ri ek'o e 1,000 aj-labal chupan.

Wuj Richin ri Rutikeribel 43:23

Y ri samajel xubij chike: Tik'oje' uxlanen pan iwánima y man tixibij-iwi', ri i-Dios, ri ru-Dios chuqa' ri itata', jari' ri xsipan ri beyomel ri' chupan ri i-costal. Roma yin kan xink'ul kan ri méro chuwi-iq'a', xcha' chike. K'ari' xberelesaj-pe ri Simeón y xuk'en-pe k'a kik'in ri rach'alal.

Wuj Kichin ri To'onela' 6:34

Jari' ri Espíritu richin ri Jehová xpe rik'in ri Gedeón richin nuya' ruchuq'a', k'ari' rija' xuxupuj ri uk'a'. Y kan jari' toq xkimol k'a ki' ri e rijatzul ri Abiézer rik'in.

2 Sam 17:25

Pa ruk'exel ri Joab, ri Absalón xuya' kan ri Amasá aj-raqen pa kiwi' ri aj-labal. Ri Amasá ruk'ajol kan jun ismaelita rubini'an Itrá. Y ri rute' ja ri Abigail ri rumi'al ri Nahas, y rach'alal ri Seruiá ri rute' ri Joab.

Wuj Richin ri Zacarías 8:2

Yin kan janila k'a ninwajo' ri Sión, y roma ri' niyakatej janila woyowal toq ronojel man utz ta beneq.