1 Crón 11:9 - Kaqchiquel Bible

⁹ Keri' k'a toq ri David xnimer ri ruq'atbal-tzij, roma ri Jehová ri k'iytisanel richin ronojel kan k'o-wi rik'in.

1 Crón 11:9 ပူးပေါင်းရင်းမြစ်များ

2 Sam 3:1

Jak'a ri labal chikikojol ri e ka'i' tzobaj ri' xa man xtane' ta qa, xa kan más k'a xnimer. Y ri David y ri ruwinaq más nik'oje-el kuchuq'a', jak'a ri e ruwinaq kan ri Saúl xa xemayamo-qa.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Isaías 41:14

Man tixibij-iwi' rix ri ix rijatzul kan ri Jacob, stape' rix nina-iwi' chi man jun iwejqalen. Man timalij-qa ik'u'x, stape' kan ix juba' ok y kan maneq iwuchuq'a', roma ja yin ri xkixinto'. Yin ri in Loq'olej, ri ink'o pan iwi' kan xkixinkol.

Ester 9:4

roma rija' xok jun nimalej aj-raqen chupan ri q'atbel-tzij richin ri rey Asuero, y ri runimirinen q'ij-q'ij beneq pa jotol. Roma ri' ri rutzijol xtalutej pa ronojel nima'q taq ruwach'ulew.

1 Crón 9:20

Pa nabey ja ri Finees ri ruk'ajol kan ri Eleazar xok aj-raqen pa kiwi' ri yechajin ri ruchi' ri rachoch ri Dios, y kan ja ri Jehová xk'oje' rik'in.

2 Sam 5:10

Y ri rajawaren ri David kan q'ij-q'ij más beneq runimirinen, roma ri Jehová, Dios k'iytisanel richin ronojel k'o rik'in.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

1 Crón 11:8

Ri David xupaba' chik q'anej ri tobel richin Sión, y chuqa' xutaq'ajuj chik ri ulew ri k'o chunaqaj. Rokik ri David nupaba' chik q'anej ri Sión, ri Joab chuqa' xupaba' chik q'anej ri tinamit.