1 Crón 11:8 - Kaqchiquel Bible

⁸ Ri David xupaba' chik q'anej ri tobel richin Sión, y chuqa' xutaq'ajuj chik ri ulew ri k'o chunaqaj. Rokik ri David nupaba' chik q'anej ri Sión, ri Joab chuqa' xupaba' chik q'anej ri tinamit.

1 Crón 11:8 ပူးပေါင်းရင်းမြစ်များ

Wuj Richin ri Nehemías 4:2

Y xch'on k'a kik'in ri e rachibil y kik'in ri aj-labal aj-Samaria y xubij: ¿Achike k'a yetajin chubanik re tzalatzeq y nakaneq taq israelita re'? ¿Nikich'ob rije' chi roma nikisuj kamelabel, xtikik'is ri samaj pa jun q'ij? ¿Nikich'ob rije' chi chukojol ri rupoqolajul y ruchajul ri xek'at yan yebe'el chik pe abej richin nikichojmirisaj ri tz'aq?, xcha'.

2 Rey 12:20

Y xeyakatej k'a ka'i' rusamajela' chirij ri Joás y xkikamisaj pa jun jay ri k'o akuchi taq'ajun-q'anej rik'in ulew, y re' k'o pa relebel-q'ij chire ri Jerusalem chunaqaj ri bey ri nibe pa tinamit Silá.

1 Rey 11:27

Jare' ri xbanatej toq ri Jeroboam xupaba-ri' chuwech ri rey. Xa roma ri rey Salomón najin chubanik ri tz'aq ri nusutin-rij ri rutinamit kan ri David, ri rutata'. Xa juba' chik k'a ri nrajo' richin nik'achoj-q'anej ri tz'aq ri', richin chi utz nutaq'ajuj kan rik'in ulew.

1 Rey 9:15

Ri rey Salomón xerumol k'a winaqi' richin xban-q'anej ri samaj. Y ri samaj ri', ja ri xban-q'anej ri rachoch ri Jehová, ri rachoch rija', ri tz'aq ri rusutin-rij ri tinamit Jerusalem y ri ulew ri achoq ik'in xtaq'ajux-wi richin chiri' xpabex-q'anej ri tinamit, y chuqa' richin xepabex chik q'anej ri tinamit Hasor, ri Meguido y ri Guézer.

Wuj Kichin ri To'onela' 9:20

Wi man keri' ta, kan tel k'a pe q'aq' rik'in ri Abimélec richin xkixruk'is iwonojel rix aj-Siquem y rix ri ixk'o pa Bet-miló; y chuqa' iwik'in rix tel k'a pe q'aq' richin nuk'is ri Abimélec, xcha' chike.

Wuj Kichin ri To'onela' 9:6

K'ari' xkimol-ki' konojel winaqi' aj-Siquem y konojel ri ek'o pa Bet-miló, y xkiben chire ri Abimélec richin xok rey pa kiwi'; y re' xbanatej chunaqaj ri taq'aj ri akuchi k'o-wi ri paban-abej chukojol ri paten-che' ri ek'o chiri' pa Siquem.

1 Crón 11:7

Chirij ri', ri David xk'oje' kan chupan ri tobel, y roma ri' xkijel ri rubi', y re wakami nibix ri Rutinamit ri David chire.

1 Crón 11:9

Keri' k'a toq ri David xnimer ri ruq'atbal-tzij, roma ri Jehová ri k'iytisanel richin ronojel kan k'o-wi rik'in.