1 Crón 11:6 - Kaqchiquel Bible

⁶ Toq man jani tuch'ek ri tinamit Sión, ri David xubij chike ri e aj-labal israelita: Ri xtich'akon pa nabey chikij ri jebuseo, jari' xtinya' kan aj-raqen pa kiwi' ri ch'aqa' chik aj-labal, xcha'. Y ri nabey ri xch'akon, ja ri Joab ral ri Seruiá. Y ja rija' ri xok kan aj-raqen pa kiwi' ri aj-labal israelita.

1 Crón 11:6 ပူးပေါင်းရင်းမြစ်များ

2 Sam 2:13

Y k'o k'a jun achin rubini'an Joab ral ri jun ixoq rubini'an Seruiá. Y rija' xerachibilaj-el ri aj-labal ri ek'o rik'in ri David. Xe'el k'a pe pan Hebrón richin xbekik'ulu-ki' kik'in ri achi'a' e richin ri Israel ri chiri' chuchi' ri yakbel-ya' ri k'o chiri' pa Gabaón. Y ri aj-Judá xetz'uye' k'a re juk'an pe ruchi'. Y ri aj-Israel xetz'uye' ri juk'an chik apo.

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

2 Sam 20:23

Ri Joab xk'oje' k'a kan pa kiwi' ri aj-labal richin chijun ri ruwach'ulew. Ri Benaías ruk'ajol ri Joiadá xk'oje' kan pa kiwi' ri e chajinela' richin ri rey.

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

2 Sam 8:16

Ri Joab ri ral ri Seruiá, ja rija' ri aj-raqen pa kiwi' ri aj-labal. Ri Josafat ruk'ajol ri Ahilud, ja rija' ri tz'ibanel richin ri nibanatej ronojel q'ij.

1 Rey 1:7

Xkiya' k'a chikiwech rik'in ri Joab, jun chike ri ral ri Seruiá ri rana' ri David, y rik'in ri sacerdote Abiatar; y ri e ka'i' ri' kan janila-wi xkito' ri Adonías.

1 Crón 11:5

Y ri achi'a' jebuseo xkibij chire ri David: Wawe' man yatok ta pe rat, xecha'. Jak'a ri David xtikir xuch'ek kan ri tobel rubini'an Sión, ri sutin-rij rik'in tz'aq; y roma ri' k'a re wakami ri tinamit ri' nibix ri Rutinamit ri David chire.

1 Crón 11:7

Chirij ri', ri David xk'oje' kan chupan ri tobel, y roma ri' xkijel ri rubi', y re wakami nibix ri Rutinamit ri David chire.

1 Crón 18:15

Y ri aj-raqen pa kiwi' ri aj-labal ja ri Joab ral ri Seruiá; ri Josafat ruk'ajol ri Ahilud, jari' ri aj-tz'ib richin ri rey;

1 Crón 27:34

Y chirij ri Ahitófel k'o k'a ri Joiadá ruk'ajol ri Benaías. Y chirij rija' k'o ri Abiatar. Ri Joab aj-raqen pa kiwi' ri aj-labal ri e richin ri rey.

Wuj Richin Bix Chire ri Dios 60:9

¿Achike ta k'a xqojuk'uan chupan ri tinamit ri sutin-rij chi tz'aq? ¿Achike ta k'a xqojuk'uan k'a pan Edom?

1 Sam 17:25

Chikijujunal k'a rije' nikibila', ¿man itz'eton ta ri jun achin ri nel-pe chikikojol ri aj-Filistea ri nuyek qoyowal? Ri xtich'ako ri achin ri', ri rey nuya' janila beyomel chire, y chuqa' nuya' ri rumi'al chire richin nok rixjayil, y yerukol ri aj pa rachoch ri rutata' richin man nikitoj ta ri kan k'o chi nikitoj chire ri rey, yecha'.