1 Crón 11:5 - Kaqchiquel Bible

⁵ Y ri achi'a' jebuseo xkibij chire ri David: Wawe' man yatok ta pe rat, xecha'. Jak'a ri David xtikir xuch'ek kan ri tobel rubini'an Sión, ri sutin-rij rik'in tz'aq; y roma ri' k'a re wakami ri tinamit ri' nibix ri Rutinamit ri David chire.

1 Crón 11:5 ပူးပေါင်းရင်းမြစ်များ

Apocalipsis 14:1

K'ari' xintz'et chik k'a chi ri Karne'l pa'el pa ruwi' ri juyu' Sión, e rachibilan e144,000 winaqi'. Y konojel k'a re', kik'uan ri nik'aj kiwech ri rubi' ri Jesucristo y ri rubi' ri Tata'ixel.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Romanos 9:33

Toqaqa chi'ik'u'x ri nubij ri Dios chupan ri tz'ibatel kan:*f28* Kan xtinya' chiri' pa Sión jun abej ri xtuben chike ri winaqi' chi xtikipajk'ij kaqen chirij. Jak'a ri nikikuquba' kik'u'x rik'in, kan man xkek'ixbitej ta, xcha'.

Wuj Richin Bix Chire ri Dios 132:13

Roma rat Jehová kan jak'a ri tinamit Sión ri acha'on. Jari' k'a ri xawajo' richin chi chiri' yak'oje-wi.

Wuj Richin Bix Chire ri Dios 122:5

Roma chiri' ek'o-wi ri tz'uyubel richin q'atoj-tzij richin ri ruchojmilal, ri tz'uyubel kichin ri e aj pa rachoch kan ri David.

Wuj Richin Bix Chire ri Dios 87:5

Ri tinamit Sión xtibix k'a pa ruwi': Re jun ruwach'ulew re' y la jun chik, pa Sión xe'alex-wi-pe, xkecha'. Re ruwach'ulew re' kan ja ri nimalej Dios xjikiban kichin.

Wuj Richin Bix Chire ri Dios 87:2

Rija' kan janila nrajo' ri tinamit ri', más ke chuwech ri ch'aqa' chik tinamit richin ri Israel.

Wuj Richin Bix Chire ri Dios 78:68

Kan jak'a ri tzobaj richin ri Judá ri xucha'; kan ja ri juyu' Sión ri janila xrajo'.

Wuj Richin Bix Chire ri Dios 48:2

Ri juyu' Sión kan k'a pa jotol k'o-wi-el y jebel ok rubanon ri chiri' pa xaman. Ja rija' ri rukikoten ri ruwach'ulew, re tinamit re' kan richin ri nimalej rey,

Wuj Richin Bix Chire ri Dios 9:11

Tibixaj rubi' ri Jehová, ri k'o chiri' pa Sión. Titaluj k'a rutzijol ri pa taq tinamit ri nima'q taq rubanobal.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

2 Crón 5:2

K'ari' ri rey Salomón xuteq k'a koyoxik richin jun molojri'il ri chiri' pa Jerusalem konojel ri achi'a' ri k'o kiq'ij, konojel ri e tata'al ri ek'o pa kiwi' ri tzobaj winaqi' richin ri tinamit Israel, y ri e aj-raqen kichin ri aj pa jay, richin nikelesaj-pe ri káxa richin ri rujikibel-tzij ri Jehová chiri' pa rutinamit kan ri David, ri nibix Sión chire y nikiq'axaj chupan ri k'ak'a' rachoch ri Jehová ri chiri' pa Jerusalem.

1 Crón 11:7

Chirij ri', ri David xk'oje' kan chupan ri tobel, y roma ri' xkijel ri rubi', y re wakami nibix ri Rutinamit ri David chire.

1 Rey 8:1

K'ari' ri rey Salomón xuteq k'a koyoxik konojel ri achi'a' ri k'o kiq'ij ri ek'o pa ruwi' ri ruwach'ulew Israel, konojel ri aj-raqen ri ek'o pa kiwi' ri tzobaj y ri e tata'al kichin ri aj pa jay. Y ri winaqi' nikimol-ki' chiri' pa Jerusalem richin nikelesaj-pe ri káxa richin ri rujikibel-tzij ri Jehová pa rutinamit kan ri David ri nibix Sión chire, y nikiq'axaj chupan ri k'ak'a' rachoch ri Jehová.

2 Sam 6:12

Y k'o k'a jun q'ij xapon rutzijol rik'in ri David, chi ri Jehová janila rurtisan ri Obed-edom y konojel ri ek'o rik'in, roma ri káxa k'o pa rachoch. Roma ri' xberelesaj-pe ri káxa chiri' rik'in janila kikoten, richin nuk'uaj chupan ri rutinamit.

2 Sam 6:10

Roma ri' man xuk'en ta pe ri káxa chupan ri rutinamit rija'. Y xuch'ob chi más utz nibek'oje' kan pa rachoch ri jun achin rubini'an Obed-edom ri k'o pa tinamit Gat.

2 Sam 5:9

Y chirij ri' ri David kan xk'oje-qa chiri' chupan ri jay richin tobel chiri' pa Sión. Y roma ri' xubini'aj Tinamit Richin ri David. Rija' xunimirisaj-q'anej ri tz'aq ri k'o pa relebel-q'ij chire ri jay richin q'atbel-tzij, y xunojisaj-q'anej chi ulew.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

Wuj Kichin ri To'onela' 19:10

Jak'a ri levita man xrajo' ta chik xuq'axaj ri aq'a' ri' chiri', xa kan xuchop chik k'a el bey rachibilan el ri ru-concubina, ri rusamajel y ri e ka'i' bur kik'uan ejqa'n. Chupan ri aq'a' ri' xe'apon chuwech ri tinamit Jebús, ri chuqa' rubini'an Jerusalem.

1 Crón 11:4

Ri David y konojel ri aj-Israel xebe pa Jerusalem, ri chuqa' nibix Jebús chire roma ri jebuseo k'a ek'o na chiri'.

1 Crón 11:6

Toq man jani tuch'ek ri tinamit Sión, ri David xubij chike ri e aj-labal israelita: Ri xtich'akon pa nabey chikij ri jebuseo, jari' xtinya' kan aj-raqen pa kiwi' ri ch'aqa' chik aj-labal, xcha'. Y ri nabey ri xch'akon, ja ri Joab ral ri Seruiá. Y ja rija' ri xok kan aj-raqen pa kiwi' ri aj-labal israelita.