1 Crón 11:22 - Kaqchiquel Bible

²² Chuqa' ri Benaías, ruk'ajol ri Joiadá aj-Cabseel, chuqa' jun achin kan maneq xibinri'il chuwech. Y k'iy k'a nima'q taq banobel ri xeruben. Rija' xkamisan kichin ri e ka'i' achi'a' ri achi'el kewachin koj, achi'a' aj-Moab ri e ruk'ajol ri Ariel. Y chuqa' jun q'ij toq ruchapon ruqajinen tef, rija' xok-qa pa jun jul y chiri' xukamisaj jun koj.

1 Crón 11:22 ပူးပေါင်းရင်းမြစ်များ

2 Sam 8:18

Ri Benaías ruk'ajol ri Joiadá, ja rija' ri k'o pa kiwi' ri achi'a' ri yechajin ri David. Y ri e ralk'ual ri David, chuqa' e sacerdote.

Wuj Richin ri Josúe 15:21

Ri tinamit ri xok kan kichin ri pa xokon ri k'o pa k'ulba't chire ri Edom: Ja ri Cabseel, Éder, Jagur,

1 Crón 12:8

Chuqa' jujun chike ri e rijatzul ri Gad xkich'er-el-ki' rik'in ri Saúl, y xjunamatej-kiwech rik'in ri David, toq k'a rewan-ri' chupan ri tobel chiri' pa tz'iran ruwach'ulew. Rije' e aj-labal ri maneq xibinri'il chikiwech, kan e tijon jebel y kan kik'ualon k'a kokoj y nima'q taq kitobal. Rije' kan e achi'el koj yewachin, y kan janila ye'anin achi'el ri masat ri pa taq k'echelaj.

1 Rey 2:30

Y ri Benaías xbe akuchi rewan-wi ri' ri Joab, y xubij chire: Ri rey nubij chi katel-pe chiri', xcha'. Jak'a ri Joab xubij-pe: Ni, yin wawe' xkiken-wi, xcha'. K'ari' ri Benaías xberubij chire ri rey achi'el xbix-el chire roma ri Joab.

1 Rey 1:38

K'ari' ri sacerdote Sadoc, ri Natán ri q'alajirisey ruch'abel ri Dios, ri Benaías ri ruk'ajol ri Joiadá, y ri chajinela' richin ri rey xkich'okoba' k'a el ri Salomón chirij ri rukowilej-kiej ri rey, y keri' xebe-qa pa Guihón.

1 Rey 1:8

Jak'a ri nimalej sacerdote Sadoc, ri Benaías ruk'ajol ri Joiadá, chuqa' ri q'alajirisey ruch'abel ri Dios rubini'an Natán, ri Simí, ri Reí y ri e nima'q taq achi'a' ri e tzeqelibeyon richin ri rey David, konojel re' man xkitzeqelibej ta ri Adonías.

2 Sam 20:23

Ri Joab xk'oje' k'a kan pa kiwi' ri aj-labal richin chijun ri ruwach'ulew. Ri Benaías ruk'ajol ri Joiadá xk'oje' kan pa kiwi' ri e chajinela' richin ri rey.

2 Sam 1:23

Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

1 Crón 11:21

Y ja rija' ri xya'ox más ruq'ij chikiwech, y xok aj-raqen pa kiwi', jak'a kan man xeruq'i' ta ri ch'aqa' chik ri xenatex yan qa.

1 Crón 12:28

Chuqa' xapon ri Sadoc jun aj-raqen pa kiwi' ri aj-labal. Rija' man jani k'o k'iy rujuna', y maneq xibinri'il chuwech. Y rija' e rachibilan e juwineq ka'i' aj-raqen ri ek'o pa ruwi' ri tzobaj.