1 Crón 11:20 - Kaqchiquel Bible

²⁰ Ri Abisai, rach'alal ri Joab, chuqa' jun aj-raqen pa kiwi' ri aj-labal. K'o k'a jun q'ij xeruq'ijuj e 300 achi'a' rik'in ri rukum, y xerukamisaj. Keri' toq xel rutzijol chi kan k'o ruchuq'a' chikiwech ri ch'aqa' achi'a' ri maneq xibinri'il chikiwech.

1 Crón 11:20 ပူးပေါင်းရင်းမြစ်များ

1 Sam 26:6

Ri David xuk'utuj chire ri Ahimélec hitita y chire ri Abisai rach'alal ri Joab, y xubij: ¿Achike nrajo' nibe chuwij rik'in ri Saúl chiri' akuchi ek'o-wi-qa?, xcha'. Y ri Abisai xubij chi ja rija' nibe chirij.

1 Crón 2:16

Re achi'a' re' xek'oje' ka'i' kana', ri nabey xubini'aj Seruiá y ri ruka'n xubini'aj Abigail. Ri Seruiá xek'oje' e oxi' ral y ja kibi' re': Ri nabey xubini'aj Abisai; ri ruka'n xubini'aj Joab y ri rox xubini'aj Asael.

2 Sam 21:17

Jak'a ri Abisai ral ri Seruiá xberuto' ri David, y xukamisaj ri achin aj-Filistea. Roma ri' ri aj-labal richin ri David xkibij k'a chire chi man jun bey chik xtibe chikij pa labal richin man nichup ta ri saqil richin Israel.

2 Sam 20:6

Roma ri' ri David xubij chik el chire ri Abisai: Ri Sebá ruk'ajol ri Bicrí xa kan xtuben más ch'a'oj chiqe ke chuwech ri xuben ri Absalón. Wakami k'a ke'ak'uaj-el ri e chajiy wichin, y ke'atzeqelibej roma rik'in juba' yeril nima'q taq tinamit ri e tz'apen chi tz'aq, y keri' xtuben k'ayew chiqe, xcha'.

2 Sam 18:2

Jun tzobaj xk'oje' pa ruq'a' ri Joab. Jun chik tzobaj xk'oje' pa ruq'a' ri Abisai ri rach'alal. Y ri jun chik tzobaj xuya' pa ruq'a' ri Itai aj-Gat. Y k'ari' ri rey xubij chike ri winaqi' chi rija' chuqa' nibe kik'in pan oyowal.

2 Sam 3:30

Keri' xubij ri David roma ri Joab y ri Abisai xkikamisaj ri Abner, stape' ri Abner xa pan oyowal xukamisaj ri Asael ri kach'alal, ri chiri' pa Gabaón.

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

1 Crón 11:19

y xubij: Kan kinato' nu-Dios richin man xtinqum ta re ya' re', roma re' xa kan achi'el xa ta ja ri kikik'el re achi'a' re' ninqum, roma rije' kan xkiya-el ri kik'aslen chuwi-kamik richin xbekik'ama-pe re ya' re', xcha'. Y roma ri' man xuqum ta. Keri' xkiben ri e oxi' achi'a' aj-raqen ri maneq xibinri'il chikiwech.

1 Crón 11:21

Y ja rija' ri xya'ox más ruq'ij chikiwech, y xok aj-raqen pa kiwi', jak'a kan man xeruq'i' ta ri ch'aqa' chik ri xenatex yan qa.