1 Crón 11:18 - Kaqchiquel Bible

¹⁸ Toq xkak'axaj re oxi' achi'a' re' ri kan janila kuchuq'a' y man nikixibij ta ki', xeq'ax chikikojol ri aj-Filistea ri ek'o pa taq'aj, richin xbekelesaj juba' ya' chupan ri pozo ri k'o chuchi' ri Belén. Y xkik'uaj k'a el chire ri David. Jak'a ri David xa man xuqum ta. Xa xutix chuwech ri Jehová richin jun sipanik,

1 Crón 11:18 ပူးပေါင်းရင်းမြစ်များ

2 Sam 23:16

Roma ri' ri e oxi' achi'a' ri' xe'ok-apo ri akuchi chajin-wi koma ri aj-Filistea, y xkelesaj ya' chupan ri pozo ri', y xkik'uaj-el chire ri David. Jak'a rija' man xrajo' ta xuqum. Xa xutix pan ulew, retal richin jun sipanik chire ri Jehová. Y xubij:

1 Crón 11:17

Y ri David xubij: K'ate' ta k'o-pe juba' nuya' ri elesan-pe chupan ri pozo ri k'o chuchi' ri Belén, xcha'.

1 Crón 11:19

y xubij: Kan kinato' nu-Dios richin man xtinqum ta re ya' re', roma re' xa kan achi'el xa ta ja ri kikik'el re achi'a' re' ninqum, roma rije' kan xkiya-el ri kik'aslen chuwi-kamik richin xbekik'ama-pe re ya' re', xcha'. Y roma ri' man xuqum ta. Keri' xkiben ri e oxi' achi'a' aj-raqen ri maneq xibinri'il chikiwech.

Wuj Richin ri Nimalej Bix 8:6

Kan kinaya' k'a pan awánima. Kan tabana' chuwe achi'el jun awetal chirij ri aq'a', roma ri ajowabel más ruchuq'a' chuwech ri kamik, y chuwech ri jul richin muqbel. Ri ajowabel kan achi'el jun nimalej q'aq'.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

Hechos 21:13

Jak'a ri Pablo xubij chiqe: ¿Achike roma toq rix niya-pe bis pa wánima rik'in la yixoq'? Yin man k'a ninpoqonaj ta wi' wi yikamisex roma ri nintzijoj ri ruch'abel ri ajaw Jesús, k'a ta la' k'a chi xaxe yibexim ri chila' pa Jerusalem, xcha' ri Pablo.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.

1 Sam 7:6

Kan xkimol k'a ki' chiri' pa Mispá. Xkelesaj ya', y xkitix pan ulew chuwech ri Jehová richin jun sipanik. Kan man xewa' ta ri q'ij ri' richin chi konojel xkik'ut chi kan qitzij xtzolej-pe kik'u'x y xkibij: Kan qitzij na wi oj makuwineq chuwech ri Jehová, xecha'. Y ja ri Samuel xq'aton-tzij pa kiwi' ri israelita chiri'.