1 Crón 11:1 - Kaqchiquel Bible

¹ Chijun ri winaqi' richin ri ruwach'ulew Israel xkimol-ki' rik'in ri David pa tinamit Hebrón y xkibij chire: Rat kan at qach'alal-wi.

1 Crón 11:1 ပူးပေါင်းရင်းမြစ်များ

1 Rey 2:11

Ri David xq'aton-tzij pa ruwi' ri ruwach'ulew Israel kawineq juna'. Wuqu' juna' xq'aton-tzij pa tinamit Hebrón, y juwineq oxlajuj juna' pa tinamit Jerusalem.

2 Sam 15:10

K'ari' ri Absalón pan ewel xeruteq uk'uey rutzijol kik'in konojel ri winaqi' israelita richin xbekibij chi toq xtikak'axaj chi xtiq'ajan ri trompeta, jari' toq xtikibij chi ja rija' ri rey, y ja rija' ri niq'aton-tzij pan Hebrón.

Wuj Kichin ri To'onela' 9:2

Yin nink'utuj utzil chiwe chi tik'utuj chike konojel winaqi' ri ek'o pa Siquem, ri achike ta ri niqa' chikiwech, wi ja ri e oxk'al lajuj achi'a' ri e ruk'ajol kan ri Jerubaal, ri yeq'aton-tzij pa qawi' o xaxe ta jun ri niq'aton-tzij. Y toqaqa chikik'u'x chi xaxe yin ri Abimélec ri junan qakik'el kik'in.

Deut 17:15

Wi keri', kan xtikusaj k'a kan rey pan iwi' jun iwinaq ri kan ja ri Jehová ri qa-Dios xticha'on. Y man tiben rey chire jun ri man iwinaq ta.

Wuj Richin ri Rutikeribel 29:14

Y ri Labán xubij chire: Roj oj ka'i' kan junan qabanik, q'alaj chi kan qach'alal-qi' y junan qakik'el, xcha'. Y ri Jacob xk'oje' kik'in jun ik'.

Efesios 5:30

Roj jun k'a qabanon rik'in rija', roma ri' ja roj ri oj achi'el ruch'akul.

Wuj Richin ri Q'axanri'il 13:22

Rije' xe'ok k'a el ri chiri' pa xokon chire ri ruwach'ulew Canaán y pa jun tinamit rubini'an Hebrón, chiri' xe'apon-wi nabey. Y ja ri chiri' ek'o-wi oxi' achi'a' ri e rijatzul kan ri Anac. Y ri achi'a' ri' kibini'an Ahimán, Sesai y Talmai. Ri tinamit Hebrón wuqu' juna' nabey xban-q'anej chuwech ri tinamit Soan ri k'o pan Egipto.

2 Sam 2:1

Chirij k'a ronojel re' ri David xuk'utuj chire ri Jehová wi ruk'amon nitzolej chupan jun chike ri tinamit richin ri Judá. Y ri Jehová xubij chire chi utz nibe. Y xuk'utuj chik k'a achike chi tinamit ri k'o chi nibe-wi. Y ri Jehová xubij chi tibe pan Hebrón.