1 Crón 10:9 - Kaqchiquel Bible

⁹ Xkik'uaj k'a el ri rutziaq ri Saúl; chuqa' xkelesaj-el ri rujolon y xkik'uaj-el junan rik'in ri rukamisabal. K'ari' xkiteq rutzijol chijun ruwach'ulew Filistea richin chi ri winaqi' y ri e ki-dios tiketamaj.

1 Crón 10:9 ပူးပေါင်းရင်းမြစ်များ

San Mateo 14:11

Ri rujolon ri Juan xk'amer k'a pe pa jun leq chire ri xten, y ri xten xberujacha' pa ruq'a' ri rute'.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

1 Crón 10:4

Ri Saúl xubij k'a chire ri ruto'onel: Tawelesaj ri a-espada y kinakamisaj chi'anin. Man xa kepe ri itzel taq winaqi' aj-Filistea richin yinketz'abe'j y k'ari' yinkikamisaj, xcha'. Jak'a ri ruto'onel man xrajo' ta xukamisaj, roma xa xpe xibinri'il rik'in. Kan jari' ri Saúl xuchop ri ru-espada y xuk'eq-ri' chutza'n richin xukamisaj-ri'.

2 Sam 1:20

Man tiya'ox rutzijol chiri' pa tinamit Gat. Man titzijox ri pa taq nima'q ruwech bey richin molojri'il chiri' pan Ascalón; richin man yekikot ri kimi'al ri aj-Filistea; richin man yetzopin roma kikoten ri kimi'al ri achi'a' ri man e qawinaq ta.

1 Crón 10:8

Ri ruka'n q'ij xe'apon ri aj-Filistea kik'in ri kaminaqi' richin nikik'uaj-el ronojel ri k'o kejqalen ri k'o kik'in. Y toq xe'apon pa juyu' Guilboa xekitz'et ri kich'akul ri Saúl y ri e ruk'ajol e li'an kan.

1 Crón 10:10

Xkiya' k'a kan ri rukamisabal pa rachoch ri ki-dios, y chuqa' xbekitzeqeba' kan ri rujolon chupan ri rachoch ri Dagón ri jun chik ki-dios.