1 Crón 10:8 - Kaqchiquel Bible

⁸ Ri ruka'n q'ij xe'apon ri aj-Filistea kik'in ri kaminaqi' richin nikik'uaj-el ronojel ri k'o kejqalen ri k'o kik'in. Y toq xe'apon pa juyu' Guilboa xekitz'et ri kich'akul ri Saúl y ri e ruk'ajol e li'an kan.

1 Crón 10:8 ပူးပေါင်းရင်းမြစ်များ

2 Crón 20:25

K'ari' ri Josafat y ri achi'a' xebe-qa richin xbekik'ama-pe ri kik'uan ri e etzelanel kichin; y xkil k'a pe janila chi beyomel, jebelej taq tzieq y ch'aqa' chik ri kan k'o rejqalen. Ronojel re' xekik'uaj; kan janila k'a k'iy, y roma ri' kan man xetikir ta xkimol ruchi' pa jun q'ij. K'o chi oxi' q'ij xek'oje' chiri' richin xkimol ruchi' ronojel ri k'o rejqalen ri kichin kan ri e etzelanel kichin.

2 Rey 3:23

Roma ri' xkibij: ¡Titz'eta' la kik'. La' kikik'el ri e rey. Jujik, xa xkikamisala-qa-ki' chikiwech rije' chi espada. Wakami k'a, jo'; tiqamaja' chikiwech ri e etzelanel qichin ronojel ri k'o rejqalen, xecha'.

1 Sam 31:8

Y ri jun chik q'ij toq ri aj-Filistea xebe richin nibekelesaj ronojel ri k'o rejqalen chuwi-kiq'a' ri kaminaqi', jari' toq xkil ri Saúl y ri e oxi' ruk'ajol, e li'an kan chiri' pa juyu' Guilboa.

1 Sam 5:2

Y toq xe'apon, xkikusaj-apo ri káxa pa rachoch ri ki-dios rubini'an Dagón, y xkiya' kan chunaqaj ri wachibel.

1 Crón 10:7

Ri aj-labal xa xe'animej toq ri Saúl xken junan kik'in ri e ruk'ajol. Y xkak'axaj k'a ri israelita ri ek'o chiri' chuwa-taq'aj chuxe' ri juyu' Guilboa. Roma ri' rije' xe'animej-el chuqa'. Xekiyala' kan ri kitinamit, y ri aj-Filistea kan xekitz'et k'a chi xe'animej-el. Jari' toq xebek'oje' kan chupan ri kitinamit ri israelita.

1 Crón 10:9

Xkik'uaj k'a el ri rutziaq ri Saúl; chuqa' xkelesaj-el ri rujolon y xkik'uaj-el junan rik'in ri rukamisabal. K'ari' xkiteq rutzijol chijun ruwach'ulew Filistea richin chi ri winaqi' y ri e ki-dios tiketamaj.