1 Crón 10:7 - Kaqchiquel Bible

⁷ Ri aj-labal xa xe'animej toq ri Saúl xken junan kik'in ri e ruk'ajol. Y xkak'axaj k'a ri israelita ri ek'o chiri' chuwa-taq'aj chuxe' ri juyu' Guilboa. Roma ri' rije' xe'animej-el chuqa'. Xekiyala' kan ri kitinamit, y ri aj-Filistea kan xekitz'et k'a chi xe'animej-el. Jari' toq xebek'oje' kan chupan ri kitinamit ri israelita.

1 Crón 10:7 ပူးပေါင်းရင်းမြစ်များ

1 Sam 31:7

Y toq ri ch'aqa' chik israelita ri ek'o juk'an chik chire ri taq'aj, y ri ek'o juk'an chik chire ri raqen-ya' Jordán, xkitz'et chi ri kiwinaq xe'animej, y chi ri Saúl y ri e ruk'ajol xeken kan, rije' chuqa' xe'animej y xkimalij kan ri tinamit ri akuchi ek'o-wi. K'ari' ri aj-Filistea xebek'oje' k'a chiri' chupan ri kitinamit kan rije'.

1 Sam 13:6

Toq ri israelita xkina' chi kan yech'akatej yan koma ri aj-Filistea, xa xe'animej y xkewaj-ki' pa taq jul, chuxe' taq ulew, kojol taq abej y chupan ri nima'q taq jul ri e k'oton.

Wuj Kichin ri To'onela' 6:2

Y rije' kan xkiben k'a chike ri israelita chi xkitej poqon, y roma ri' xkikanola' ri akuchi xkewala-wi-ki': Ek'o xkewala-ki' kojol taq juyu', pa ruwi' taq juyu' y pa taq jul ri ek'o chiri'. Chiri' xek'oje-wi richin xkito-ki'.

Deut 28:43

Ri winaqi' ri man e iwinaq ta ri ek'o chupan ri iruwach'ulew xkebe pa jotol, jak'a rix q'ij-q'ij xkixbe más pa xulan.

Deut 28:33

Ronojel ri itiko'n ri kan ja rix ix samajiyon-qa xketij koma ri winaqi' ri man jun bey iwetaman ta kiwech, y kan jantape' xtiban chiwe richin xtitej poqon.

Wuj Richin ri Chojmirisabelri'il 26:36

Y ri kik'in ri iwijatzul ri man xkeken ta, ri xkebek'oje' pa kiruwach'ulew ri etzelanel kichin, yin xtinben chike richin xkemayamo-qa. Xtinben k'a chike chi xtikixibij-ki' xaxe roma nitzaq-pe jun ruxaq che' y xke'animej k'a achi'el xa ta k'o e oqotayon rik'in espada y kan xketzaq, stape' man jun e oqotayon.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

1 Crón 10:6

Keri' k'a xbanatej toq xken ri Saúl y chi e oxi' ruk'ajol. Y keri' xk'is kan ri rijatzul ri Saúl.

1 Crón 10:8

Ri ruka'n q'ij xe'apon ri aj-Filistea kik'in ri kaminaqi' richin nikik'uaj-el ronojel ri k'o kejqalen ri k'o kik'in. Y toq xe'apon pa juyu' Guilboa xekitz'et ri kich'akul ri Saúl y ri e ruk'ajol e li'an kan.