1 Crón 10:13 - Kaqchiquel Bible

¹³ Ri Saúl xken roma man xuben ta ri ruk'amon chi nuben chuwech ri Dios. Y man xaxe ta k'ari', xmakun chuqa' roma xa xberuk'ulubej jun ixoq ri nubananej chi retaman ri peteneq chikiwech-apo,

1 Crón 10:13 ပူးပေါင်းရင်းမြစ်များ

2 Rey 21:6

Xerusuj ri ruk'ajol richin kamelabel. Chuqa' kan xbe kik'in ri aj-itza' y xeruk'ulubej ri itzel taq espíritu. Chuqa' kan xuya-apo ri paban-che' richin Asera, chupan ri rachoch ri Jehová. Y ri itzel taq banobel ri' xuben richin xuyek royowal ri Jehová. Ri ojer kan ri Jehová xubij chike ri David y ri Salomón ri ruk'ajol: Yin xtinya' re nubi' richin q'asen chupan re jay re', re wawe' pa Jerusalem, ri kan xincha' chikikojol konojel ri tzobaj richin Israel.

Wuj Richin Bix Chire ri Dios 25:3

Konojel k'a ri nikikuquba' kik'u'x awik'in, kan man jun bey xkek'ixbitej. Jak'a ri yeyakatej chawij rat kan xke'ak'ixbisaj k'a.

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

Ex 22:18

Kan man tiya' q'ij chi jun ixoq aj-itz nik'ase'.

Wuj Richin Etamabel-Tzij 2:22

Jak'a ri aj-maki' kan xtiqupix-el ri kik'aslen chuwech re ruwach'ulew, y ri nikiq'ej ruwi' ri ruch'abel ri Dios, kan xkek'uq-el re wawe'.

Wuj Richin ri Isaías 19:3

Konojel k'a ri winaqi' aj-Egipto xa xtisach kik'u'x, roma ri Dios kan xtuben chike richin man jun chik xketikir xtikiben. K'ari' xkekik'ulubej kiwachibel ri ki-dios; xkebe kik'in aj-itza'; xkekik'ulubej itzel taq espíritu y kik'in ri nikibananej chi ketaman ri peteneq chikiwech.

Wuj Richin ri Isaías 8:19

Rik'in juba' ek'o xkebin chiwe chi tik'utuj chike ri yech'on kik'in ri kaminaqi' y chike ri nikibananej chi ketaman ri peteneq chiqawech-apo, roma ruk'amon chi rik'in ta ri Dios xik'utuj-wi ronojel re'. Jak'a yin ninbij chi man ruk'amon ta chi ye'ik'ulubej ri kaminaqi' richin nikibij chiwe achike nik'uluwachij kik'in ri k'a ek'o na kan.

Wuj Richin ri Chojmirisabelri'il 19:31

Man kixbe kik'in ri yekik'ulubej kaminaqi', ni rik'in ri xa nubananej chi retaman ri peteneq chiwech-apo, roma wi niben keri' xa man ix ch'ajch'oj ta chinuwech. Yin Jehová ri yibin.

Wuj Richin ri Chojmirisabelri'il 20:6

Wi k'o ta jun wineq ri xtibe rik'in ri yeruk'ulubej ri kaminaqi' y kik'in ri nikibananej chi ketaman ri peteneq chiqawech-apo y kan yerutzeqelibej, yin kan xkiyakatej chirij ri wineq ri' y kan xtinwelesaj ri ruk'aslen.

1 Sam 15:11

Kan niq'axon ri wánima roma xinya' kan rey ri Saúl, y wakami xa xiruya' kan, y man xuben ta ri xinbij chire, xcha'. Y ri Samuel kan janila itzel xuna' toq xrak'axaj keri' y chijun ri aq'a' ri' xoq' chuwech ri Jehová.

1 Sam 15:2

Kere' rubin ri Jehová k'iytisanel richin ronojel: Yin xtinya' tijoj-poqonal pa kiwi' ri amalecita, roma ojer kan xkipaba-ki' chikiwech ri iwati't-imama' toq xe'el-pe pan Egipto.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.

1 Sam 28:6

K'ari' xberuk'ulubej ri Jehová, jak'a man xk'ulubex ta ri ruch'abel; ni pa rachik', ni koma ri sacerdote, ni koma ri q'alajirisey ruch'abel ri Dios.