1 Crón 10:1 - Kaqchiquel Bible

¹ K'o k'a jun q'ij ri aj-Filistea xkichop oyowal kik'in ri israelita ri chiri' pa juyu' rubini'an Guilboa. Jak'a ri israelita xa xe'animej y xeken kan e k'iy chike chiri'.

1 Crón 10:1 ပူးပေါင်းရင်းမြစ်များ

1 Crón 10:8

Ri ruka'n q'ij xe'apon ri aj-Filistea kik'in ri kaminaqi' richin nikik'uaj-el ronojel ri k'o kejqalen ri k'o kik'in. Y toq xe'apon pa juyu' Guilboa xekitz'et ri kich'akul ri Saúl y ri e ruk'ajol e li'an kan.

2 Sam 21:12

jari' toq ri David xberuk'ama' ri kibaqil ri Saúl y ri Jonatán ri k'o kan kik'in ri winaqi' aj-Jabés. Ri aj-Jabés pan ewel k'a xekikol kan ri ch'akulaj kichin ri Saúl y ri Jonatán toq xetzeqebex akuchi nikimol-wi-ki' ri winaqi' chiri' pa tinamit Bet-sán, toq e kamisan chik pe koma ri aj-Filistea pa juyu' Guilboa.

2 Sam 1:21

Ri Dios xtuben ta k'a chi man ta chik xtiqaqa raxq'ab pa ruwi' ri juyu' Guilboa. Xtuben ta chi man ta chik xtiqaqa ri job pa ruwi'. Ri tiko'n man ta chik xtiwachin richin maneq ta chik xtikikusaj richin ri kisipanik. Roma chiri' xepune-wi kan ri kitobal ri maneq xibinri'il chikiwech; ri rutobal ri Saúl xa man xtz'intz'ot ta chik chiri'.

2 Sam 1:6

K'ari' ri ala' xubij: Yin chaq k'ate' xinapon chiri' pa juyu' Guilboa, y jari' toq xintz'et ri Saúl ruxik'ik'en-ri' chirij ri rukum. Y chirij rija' e peteneq aj-labal aj-Filistea ri ye'apon yan rik'in; ek'o e beneq pa ki-carruaje y ek'o ri e ch'okol-el chirij kiej.

1 Sam 28:4

Ri aj-Filistea xkimol k'a ki' y xepe pa tinamit Sunem, y chiri' xek'oje-wi. Ri Saúl chuqa' xerumol k'a konojel ri ruwinaq y xebek'oje' pa Guilboa.

1 Sam 28:1

Chupan ri q'ij ri' ri aj-Filistea xekimol k'a konojel tzobaj aj-labal, y xa jun xkiben richin nibekibana' oyowal kik'in ri aj-Israel. K'ari' ri rey Áquis xubij chire ri David: Awetaman chi rat y ri aj-labal ri ek'o awik'in k'o chi yixbe wik'in pan oyowal, xcha'.

1 Crón 9:44

Ri Asel xeralk'ualaj ri Azricam, ri Bocrú, ri Ismael, ri Searías, ri Abdías y ri Hanán.