1 Crón 1:4 - Kaqchiquel Bible

⁴ ri Noé. Ri e ruk'ajol kan ri Noé ja ri Sem, ri Cam y ri Jafet.

1 Crón 1:4 ပူးပေါင်းရင်းမြစ်များ

Wuj Richin ri Rutikeribel 10:1

Wawe' k'a e tz'ibatel-wi kan ri kibi' ri e rijatzul kan ri Noé: Ri Sem, ri Cam y ri Jafet. Rije' xek'oje' e k'iy kalk'ual toq xq'ax yan ri ya' ri xmuqun ri ruwach'ulew.

Wuj Richin ri Rutikeribel 5:32

Y toq ri Noé k'o chik 500 rujuna', jari' toq xuchop nalk'ualan. Y e oxi' k'a ruk'ajol xek'oje' ri xkibini'aj: Sem, Cam y Jafet.

Wuj Richin ri Rutikeribel 7:1

K'ari' ri Jehová xubij chire ri Noé: Rat, ri awixjayil, ri e ak'ajol, ri e awali' kixok chupan ri nima-barco; roma xa kan xaxe rat ri choj ri abanobal chinuwech yin chikikojol re sol winaqi' re ek'o wakami.

Wuj Richin ri Rutikeribel 9:18

Ri ralk'ual ri Noé ri xe'el-pe chupan ri nima-barco, ja ri Sem, ri Cam y ri Jafet. Ri Cam jari' ri rutata' ri Canaán.

Wuj Richin ri Rutikeribel 9:19

Re e oxi' achi'a' re' jare' ri e ruk'ajol ri Noé y koma rije' xek'iyer chik winaqi' chuwech chijun ruwach'ulew.

Wuj Richin ri Rutikeribel 9:29

Y ri Noé xk'ase' k'a el chuwech re ruwach'ulew 950 juna'; y k'ari' xken.

1 Crón 1:3

ri Enoc, ri Matusalén, ri Lámec y

1 Crón 1:5

Ri e ruk'ajol kan ri Jafet jere': Ri Gómer, ri Magog, ri Madai, ri Javán, ri Tubal, ri Mésec y ri Tirás.

Ez 14:14

Y stape' chupan ri ruwach'ulew ri' e k'es ta na ri Noé, ri Daniel y ri Job, xa kan xaxe ta rije' ri xkekolotej kan, roma xaxe rije' ri choj kik'aslen.

San Lucas 17:26

Ri q'ij k'a toq xkipe, yin ri xiqaqa-pe achi'el wineq chi'ikojol, kan xtibanatej k'a chuqa' achi'el ri xk'uluwachitej chupan ri q'ij toq xk'ase' ri Noé.

San Lucas 3:36

Y ri Sélah ruk'ajol kan ri Cainán, y ri Cainán ruk'ajol kan ri Arfaxad, y ri Arfaxad ruk'ajol kan ri Sem, y ri Sem ruk'ajol kan ri Noé, y ri Noé ruk'ajol kan ri Lámec.

Hebreos 11:7

Chuqa' ri Noé xk'oje' kuqubabel-k'u'x rik'in. Roma ri' toq ri Dios xch'on rik'in pa ruwi' ri man jani nibebanatej, rik'in rukiy ri Dios xuben jun nimalej barco richin xerukol ri e aj pa rachoch. Y rik'in ri' xbeq'alajin-pe chi ri ch'aqa' chik winaqi' man utz ta xkiben, y xq'at-tzij pa kiwi'. Jak'a ri Noé roma kan xukuquba' ruk'u'x, ri Dios xuben chire chi man jun rumak xk'ulun chuwech.

2 Pedro 2:5

Y chuqa' ri Dios man xerukoch' ta ri winaqi' ri xemakun ri ojer kan pa ruq'ijul ri Noé. Y roma ri' xuben chi xmuqutej ri ruwach'ulew chi ya', richin chi xek'is konojel. Jak'a xekolotej kan e wuqu' winaqi' y ri Noé; ja rija' ri xq'alajirisan chikiwech ri winaqi' ri ruk'uaxik jun k'aslen choj chuwech ri Dios.