1 Crón 1:17 - Kaqchiquel Bible

¹⁷ Jere' ri e ruk'ajol kan ri Sem: Ri Elam, ri Asur, ri Arfaxad, ri Lud y ri Aram. Jere' ri e ruk'ajol kan ri Aram: Ri Us, ri Hul, ri Guéter y ri Mas.

1 Crón 1:17 ပူးပေါင်းရင်းမြစ်များ

Wuj Richin ri Rutikeribel 10:21

Ri Sem ja rija' ri nimalaxel chuwech ri Jafet, y chuqa' xek'oje' ralk'ual. Y qonojel roj, re ojk'o re q'ij re', ri oj rijatzul ri Heber, chuqa' oj eleneq-pe rik'in ri Sem.

Wuj Richin ri Rutikeribel 11:10

Wawe' k'a e tz'ibatel-wi kan ri kibi' ri e rijatzul ri Sem. K'a ka'i' k'a juna' tiq'ax ri ya' ri xmuqun ri ruwach'ulew, toq xralk'ualaj ri Arfaxad y ri Sem k'o wok'al rujuna' chiri'.

Wuj Richin ri Rutikeribel 14:1

Y k'o k'a jun q'ij xyakatej jun labal chikikojol e ka'i' tzobaj q'atoy taq tzij. Ri e kaji' rey richin ri jun tzobaj ja ri Amrafel rey ri k'o pa ruwi' ri ruwach'ulew ri Sinar, ri Arioc rey pa ruwi' ri ruwach'ulew ri Elasar, ri Quedorlaómer rey pa ruwi' ri ruwach'ulew Elam y ri Tidal rey pa ruwi' ri ruwach'ulew Goím; jare' ri jun tzobaj. Y ri jun chik tzobaj ja ri Bera rey ri k'o pa ruwi' ri tinamit Sodoma, ri Birsá rey pa ruwi' ri tinamit Gomorra, ri Sinab rey pa ruwi' ri tinamit Admá, ri Seméber rey pa ruwi' ri tinamit Seboím y ri rey pa ruwi' ri tinamit Bela, ri chuqa' nibix Sóar chire.

1 Crón 1:16

ri arvadeo, ri semareo y ri hamateo.

1 Crón 1:18

Ri Arfaxad xralk'ualaj ri Sélah. Re Sélah re' xralk'ualaj ri Eber.

Wuj Richin ri Esdras 4:2

jari' toq xebe rik'in ri Zorobabel y kik'in ri e aj-raqen kichin ri winaqi' y xkibij chike: Tiya' q'ij chiqe richin yixqato', roma roj chuqa' niqakanoj ri i-Dios rix. Y chuqa' kan jantape' qasujun-pe kamelabel chire ri Dios, chupan-pe ri q'ij toq xojoqaqa wawe', toq xojruteq-pe ri Esarhadón rey richin Asiria, xecha'.

Wuj Richin Bix Chire ri Dios 83:8

Keri' chuqa' ri winaqi' aj-Asiria kan xkitun chuqa' ki' kik'in konojel re winaqi' re'; kan xkisuj-ki' richin yekito' ri amonita y ri moabita.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Isaías 21:2

Kan janila k'ayew ri q'ij ri xuk'ut ri Dios chinuwech chupan jun achi'el achik'. Y ri achik' ri' xaxe nuk'ut q'oloj y wululen. ¡Kixyakatej rix tinamit richin Elam, chuqa' rix aj-Media! Ri Dios xtutanaba' ri kijiloj ri winaqi' ri ya'on koma ri aj-Babilonia.

Wuj Richin ri Isaías 22:6

Ri aj-Elam kan xkinojisaj chik ri k'ojelibel richin kich'ab, y kan e ch'okol chik chikij ri kikiej, chuqa' e tz'uyul chik pa taq ki-carruaje. Ri aj-Quir xkelesaj yan ri kitobal richin xkebe pan oyowal.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Wuj Richin ri Jeremías 25:25

ri aj-Zimrí, ri aj-Elam, ri aj-Media,

Ez 27:10

Richin nikichajij ri ruwach'ulew yepe jebelej taq aj-labal, achi'a' aj-Persia, aj-Lidia y aj-Libia. Ri rutobal ruwa-kik'u'x y ri rutobal-kijolon kan janila e jebel ok, re' kan xe'ok wiqobel richin ri tz'aq richin xnimer ruq'ij ri tinamit Tiro.

Ez 27:23

Chuqa' ri winaqi' aj-Harán, ri aj-Cané, ri aj-Edén, ri aj-Sabá, ri aj-Asiria y ri aj-Media ye'oloq'on rik'in.

Ez 32:22

Chiri' k'a ek'o-wi ri aj-labal aj-Asiria. Ri ojer kan, kan janila xekixibij ri ch'aqa' chik winaqi', jak'a xa xeken chi espada. Y re wakami ek'o chikikojol ri kaminaqi'.

Ez 32:24

Chiri' chuqa' ek'o-wi ri aj-labal aj-Elam ri xeken chi espada. Rije' chuqa' xekixibij ri ch'aqa' chik winaqi', jak'a re wakami, konojel k'a re winaqi' re', ri maneq Dios chikiwech, ek'o chikikojol ri xeken yan el. Y re wakami xa man jun ruwaq'ijaj ri xkik'ul, roma xa junan xek'oje' kik'in rije'.

Dn 8:2

Yin kan xinna' k'a chi ink'o pa tinamit Susa, akuchi-k'o-wi ri ruk'u'x ri ajawaren, ri chiri' pa ruwach'ulew Elam. Y yin ink'o k'a chuchi' ri raqen-ya' rubini'an Ulai.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Wuj Richin ri Q'axanri'il 23:7

K'ari' ri Balaam xch'on k'a y xuq'alajirisaj ri ruch'abel ri Jehová chike y xubij k'a: Rat Balac k'a kela' pa nuruwach'ulew Aram xinabek'ama-wi-pe, Rat rey richin Moab ri atk'o pa taq juyu', ri pa relebel-q'ij xinak'en-pe wawe'. Xabij: Katanpe k'a y ja rat ri kach'on woma yin. Katanpe k'a y tawoyoj itzel chirij ri rutinamit kan ri Jacob, xacha' chuwe.

San Lucas 3:36

Y ri Sélah ruk'ajol kan ri Cainán, y ri Cainán ruk'ajol kan ri Arfaxad, y ri Arfaxad ruk'ajol kan ri Sem, y ri Sem ruk'ajol kan ri Noé, y ri Noé ruk'ajol kan ri Lámec.