1 Corintios 9:7 - Kaqchiquel Bible

⁷ ¿K'o kami jun aj-labal ri xa man nitoj ta y ja ri ruméro rija' ri nukusaj? ¿K'o kami jun achin ri rutikon-qa uva ri xa man ruk'amon ta chi ja rija' nitijo juba' ri ruwech? ¿K'o ta chuqa' kami jun yuq'unel ri xa man nuqum ta juba' ki-leche ri rawej?

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Porque jun soldado pa cuartel ma ruméra ta rijaꞌ ndukusaj chin ndutzuq riꞌ, xa nditzuq chiriꞌ pa cuartel. Keriꞌ chuqaꞌ jun tikoy uva, kin ndukꞌux jubꞌaꞌ ruwech ri uva atoq ndiwachin, y keriꞌ chuqaꞌ jun yuqꞌunel kichin awej, atoq nduyitzꞌ ri ki-leche, kin ndutij jubꞌaꞌ.

Kaqchikel Santa Maria de Jesus

⁷ ¿Cꞌo came jun soldado xa ja ri ru-miera jajaꞌ ri nucusaj richin nutzuk-ka-riꞌ? ¿O cꞌo came jun ache ri nutic uva y ni xa ta jun roch nutej? ¿O cꞌo came jun ri ncaꞌruchajij ravaj y man nukun ta jubꞌaꞌ qui-liecha?

Kaqchikel Central Guatemala

⁷ ¿Achique nibij rix? ¿C'o cami jun soldado ri xa ja ri ru-mero rija' ri nucusaj y xa man nitoj ta? ¿O c'o cami jun achin ri ruticon uva y xa man ja ta ri' ri niyo'on ruvay? ¿O c'o ta chuka' cami jun aj-yuk' quichin chicop, ri man roma ta ri leche niva'?

Re C'ac'a Testamento pa Kach'abal

⁷ Tiya' pa cuenta che man jun soldado nibano che xa ja re ru-mero reja' nucusaj chin niva' tak nic'ue' pa cuartel. Y quire' chuka' re ache aj-ticoy uva, can chij re' niva-va. Quire' chuka' nibanataj riq'uin jun ache re nichajin quichin chicop re niquiya' leche, can niya' k'ij cha che nukum leche roma ja reja' re niyitz'o quichin.

Kaqchikel Western Solola

⁷ ¿Achique nibij riyix? ¿C'o cami jun soldado ri xa ya ri rurajil riya' nucusaj riche (rixin) chi nutzukbej ri' tek c'o pa cuartel? ¿O c'o cami jun achi ri ruticon uva y xa man ta nutij ruwech tek ntel pe? ¿O c'o ta chuka' cami jun aj yuk' quiche (quixin) chicop, ri ma nukum ta juba' ri leche ri niquiya' ri chicop?

1 Corintios 9:7 ပူးပေါင်းရင်းမြစ်များ

Wuj Richin Etamabel-Tzij 27:18

Ri samajel ri kan jebel nrilij juwi' wíkix, kan niberutija-wi k'a ri ruwech ri xtuya', y keri' ri wineq ri kan jebel nrilij ri rajaw, kan k'o-wi k'a utzil ri xtuk'ul.

Deut 20:6

¿K'o kami jun chiwe rix ri rutikon uva y man rutijon ta ri ruwech? Wi k'o, tibiyin kan pa rachoch, roma rik'in juba' xa xtiken kan pan oyowal y man xtutej ta chik, y xa jun chik ri xtitijo kan pa ruk'exel.

1 Timoteo 1:18

Y rat Timoteo ri at achi'el nuk'ajol, ninbij k'a chawe chi man tamestaj ri kibin kan pan awi' ri rusamajela' ri Dios. Tatija' k'a aq'ij naben ri samaj achi'el jun utzilej aj-labal.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Wuj Richin ri Nimalej Bix 8:12

Jak'a ri wulew yin kan ninsipaj chire rija'. Roma ri' rija' tik'oje' kan rik'in ri juwineq wo'o' libra saqipueq ri', y ri ch'aqa' chik chuqa' kek'oje' kan rik'in ri wo'o' libra saqipueq.

Wuj Richin Etamabel-Tzij 27:27

Y ri ixoqi' taq tzuntzun xtikiya' leche richin nrilij-ri' ri wineq. Xkerilij konojel ri ek'o pa rachoch y man xkeken ta roma wayjal ri rusamajela'.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

2 Timoteo 4:7

Yin kan xich'akon yan chirij ronojel, xink'is yan rubanik ri k'o chi ninben y kan jantape' nuchajin-pe ri nukuqubabel-k'u'x.

1 Timoteo 6:12

Roma nakuquba' ak'u'x rik'in ri Cristo, k'iy poqon xtatej, jak'a kan tatija' aq'ij richin yach'akon y ja ri k'aslen richin jantape' ri xtak'ul rik'in ri Dios. Roma rija' xaroyoj richin nak'ul ri k'aslen ri' toq xabij chi xakuquba' ak'u'x rik'in ri Cristo chikiwech e k'iy.

Wuj Richin ri Isaías 7:22

Y rik'in ri ti juba' leche ri nikiya' ri taq awej ri', ri rajaw y ri ch'aqa' chik winaqi' ri xkek'oje' kan, xa xtikiqum ri leche ri', y xtikitej kab ri nikiya' ri taq chikopi'.

Deut 18:8

Junan ri kiway xtikik'ul, achi'el nikik'ul ri ch'aqa' chik levita, pa ruwi' ri nikik'ul chuwi-kiq'a' ri e aj pa rachoch.