1 Corintios 9:17 - Kaqchiquel Bible

¹⁷ Wi ta ja yin ri xikanon ri samaj ri', kan k'o ta wajel nink'utuj chiwe. Jak'a ri samaj ri ninben, kan ja wi ri Dios ri xya'on chuwe.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Si ri samaj ngitajin rikꞌin ja ta riyin xiyoꞌon pa wánima chin nibꞌen, kꞌo ta cheꞌel niwoyobꞌej chi ndiyoꞌox rajel-rukꞌexel chuwa, pero ma yin ta yoyon pa wánima chin nibꞌen. Xa kin ja ri Dios chilabꞌeyon pe chuwa ri samaj ngitajin rikꞌin.

Kaqchikel Santa Maria de Jesus

¹⁷ Xa ta inreꞌ ri xicanun ri samaj, can cꞌo ta vajal nicꞌutuj chiva ruma ri samaj ri niꞌan chicajol, pero man quireꞌ ta. Ja ri Dios ri xcanun vichin y xuyaꞌ ri samaj chuva, rumareꞌ niꞌan.

Kaqchikel Central Guatemala

¹⁷ Vi ta ja yin ri xicanon nusamaj, can c'o ta vajel ninc'utuj chive, roma ri samaj ri ninben iviq'uin. Pero xa man que ta ri'. Ri samaj ri ninben, can ja vi ri Dios ri xyo'on chuve.

Re C'ac'a Testamento pa Kach'abal

¹⁷ Xe-ta ja yen re xincanon re nusamaj re', can c'o-ta vajal ninc'utuj chiva, roma re samaj nimban iviq'uin, pero re samaj re' can ja-va re Dios xyi'o chua.

Kaqchikel Western Solola

¹⁷ Wi ta xa riyin xicanon re samaj re', can c'o ta wajel nc'utuj chiwe. Pero xa ma que ta ri'. Ri samaj ri nben, can ya wi ri Dios ri xya'o chuwe.

1 Corintios 9:17 ပူးပေါင်းရင်းမြစ်များ

Gálatas 2:7

Pa ruk'exel chi k'o ta xkibij-pe chuwe, xa jari' toq xkinabej chi kan chuwe yin chilaben richin nintzijoj ri utzilej ch'abel richin kolotajik chike ri man e qawinaq ta, achi'el toq xchilabex chire ri Pedro chi tiberutzijoj ri ch'abel ri' chike ri qawinaq judío,

1 Corintios 3:8

Yin ri xitiko ri ruch'abel ri Dios pa taq iwánima, y ri qach'alal ri xsamajin ri ch'abel ri', chi oj ka'i' xa oj junan y junan k'a xtiqak'ul rajel-ruk'exel ri samaj ri xqaben.

Colosenses 1:25

Yin xinok k'a samajel richin ri ch'akulaj ri' y ri samaj ri xuya' ri Dios chuwe ja ri chi'ikojol rix ri man ix nuwinaq ta. rija' nrajo' k'a chi nintzijoj ronojel ri ruch'abel chiwe.

1 Corintios 4:1

Roma ri' rix nik'atzin k'a chi yojitzu' chi kan oj rusamajela-wi ri Cristo. Y ruya'on pa qaq'a' chi jebel ruq'alajirisaxik niqaben chire ri ruch'obonik ri Dios ri k'a juba' tuq'alajirisaj.

San Mateo 10:41

Ri wineq ri kan nuk'ul ri nuch'abalij ri q'alajirisey ruch'abel ri Dios, xtuk'ul k'a rajel ruk'exel achi'el nuk'ul ri q'alajirisey ruch'abel ri Dios. Keri' chuqa' ri xtik'ulu richin jun ri choj ruk'aslen, kan junan k'a rajel ruk'exel xtuk'ul rik'in ri choj ruk'aslen.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Tesalonicenses 2:4

Xqabila' ri utzilej ch'abel richin kolotajik chiwe, roma ja ri Dios ri xya'on re samaj re' chiqe. Rija' retaman chi niqajo' niqaben ri niqa' chuwech, y man ja ta ri niqa' chikiwech ri winaqi'.

1 Corintios 3:14

Y wi ri rusamaj jun chiqe roj xtukoch' ri q'aq' ri', y kow k'o pa ruwi' ri ruxe', ri samajel ri' xtuk'ul jun utzilej rajel-ruk'exel roma ri samaj ri xuben.

Ez 3:14

Y toq ri ru-Espíritu ri Jehová xiruyek-q'anej, jari' toq xiruk'uaj-el ri chiri'. Y yin kan k'ayirineq pa nuchi' y xyakatej janila woyowal, roma ri ruq'a' ri Jehová kan qajineq k'a ri ralal chuwij yin.

Wuj Richin ri Jeremías 20:9

Jak'a wi man ninq'alajirisaj ta ri ach'abel o man yich'on ta pan abi' rat, jari' toq ri wánima k'o jun achi'el q'aq' ri nik'at chupan y man yitikir ta ninchup y napon k'a pa nubaqil, stape' ninwajo' nik'oje' chiri', xa kan k'o chi ninq'alajirisaj.

Wuj Richin ri Isaías 6:8

Chirij re' k'ari' xinwak'axaj ri ruch'abel ri Jehová ri nubij: ¿Achike kami ri xtiqateq-el? ¿Achike k'a xtok qataqo'n?, xcha'. Y yin xinbij chi jare' ink'o wawe', y chi kirutaqa-el yin.

Wuj Richin ri Nehemías 11:2

Chirij re' ri winaqi' ri xe'el-el xkiya' kan urtisanik pa kiwi' ri xek'oje' kan.

1 Crón 29:9

Ri winaqi' richin ri tinamit janila xekikot roma rik'in ronojel kánima xkiya-apo ronojel re' chire ri Jehová. Chuqa' ri rey David janila xkikot.

1 Crón 29:5

y chuqa' richin yeban ri samajibel. Wakami ja rix, ¿achike chiwe ri kan nalex-pe pan iwánima richin niya' jun sipanik chire ri Jehová?, xcha' ri David.

Filemón 1:14

Jak'a man ninwajo' ta ninben nuyon yin wi rat man naya' ta q'ij. Chuqa' man ninwajo' ta yatinya' pa k'ayew; xa kan talex na k'a pe pan awánima rat ri k'atzinel chi naben.

2 Corintios 8:12

Roma wi xa kan ja ri pan iwánima xalex-wi-pe ri rayibel ri', ri Dios kan nuk'ul-wi chiwech ri xa janipe' ok ri yixtikir niya', roma rija' man nroyobej ta chi k'iy niya', y xa man k'iy ta ri k'o iwik'in.

1 Corintios 9:16

Yin nintzijoj ri utzilej ch'abel richin kolotajik, man richin ta ninimirisaj-wi'. Yin ninben re samaj re' roma kan k'o chi ninben. Toq'ex k'a nuwech yin wi man xtintzijoj ta ri ch'abel richin kolotajik.

San Lucas 12:42

Y ri Jesús xubij: ¿Achike samajel ri' ri k'o más runa'oj? Ja ri samajel ri niban chire roma ri rajaw chi nik'oje' pa kiwi' ri e aj pa rachoch, richin chi nuya' kiway y richin chi nuya' ronojel ri nik'atzin chike toq napon ri ruq'ijul.

San Mateo 24:25

Kan ja yan k'a re' xinbij kan chiwe ri xkebanatej-apo.

Wuj Richin ri Malaquías 1:10

K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech.

Wuj Richin ri Jonás 1:3

Jak'a rija' man keri' ta xuben, xa xuch'ob richin nibe pa Tarsis*f1* richin nanimej chuwech ri Jehová. Y roma ri' xbe-qa chuchi' ri palou ri k'o pa Jope, y chiri' xril-wi jun barco ri nibe yan pa Tarsis. Xutoj ri ru-pasaje y xok-el chupan ri barco y xbe chikikojol ri winaqi' ri e beneq chupan, richin nrewaj-el-ri' nej chuwech ri Jehová.

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.

San Juan 4:36

Ri xkek'olo k'a la tiko'n la', kan k'o k'a rajel-ruk'exel xtikik'ul, roma ri winaqi' ri xkeniman ri ruch'abel ri Dios xtikik'ul kik'aslen ri man k'isel ta. Y rik'in ri', ri e tikiyon kan ri ruch'abel ri Dios, kan xtikikot k'a kánima kik'in ri yek'olo re jun ruwech tiko'n re'.

1 Corintios 9:18

¿Y kan man jun kami ri ninch'ek roma ninben ri samaj ri'? Kan k'o-wi. Ri ninch'ek ja ri kikoten ri nuya' pa wánima chi man jun wajel nink'utuj roma ninq'alajirisaj ri utzilej ruch'abel ri Cristo ri nik'amon-pe kolotajik, stape' kan ruk'amon ta chi xink'utuj.