1 Corintios 9:10 - Kaqchiquel Bible

¹⁰ Rija' xubij keri' roma nrajo' chi chiqajujunal niqak'ul ta ri ruk'amon. Achi'el nuben jun achin ri nusamajij ri ulew, rija' ruk'amon nroyobej ri q'ij toq k'o xtuk'ul roma ri rusamaj. Y keri' chuqa' ri nich'ayon ru-trigo, ruk'amon chi nroyobej chi k'o ri nuya-pe chire.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ ¿O xubꞌij chuqaꞌ keriꞌ qoma roj? Porque qoma roj tzꞌibꞌan kan chi ri ngetikon y ri ngebꞌanun ri samaj chin ndipochꞌotej ruwech ri tikoꞌ, ndikꞌatzin ndikiyaꞌ pa kánima chi nderilaꞌ qꞌij atoq ndiyoꞌox jubꞌaꞌ ruwech ri tikoꞌ chake.

Kaqchikel Santa Maria de Jesus

¹⁰ Jajaꞌ xuꞌej quireꞌ ruma nrajoꞌ chi ojreꞌ ri oj rusamajiel kojtzuk. Incheꞌl nuꞌon jun ache ri nisamaj pan avan, jajaꞌ can nroyoꞌiej ri kꞌij antok cꞌo ri xtuya-pa ri ruticoꞌn. Y quireꞌ jeꞌ ri nucajij ri trigo, can nroyoꞌiej chi cꞌo ri nuchꞌec can chirij.

Kaqchikel Central Guatemala

¹⁰ Rija' xubij queri' roma nrajo' chi roj rusamajela' yojtzuk. Achi'el nuben jun achin ri nusamajij ri ulef, rija' ruc'amon nroyobej ri k'ij tok c'o xtuc'ul roma ri rusamaj. Y que chuka' ri' ri nich'ayon ru-trigo, can nroyobej c'a chi c'o ri nuya' chire.

Re C'ac'a Testamento pa Kach'abal

¹⁰ Re Dios xubij quire' roma nrajo' che yoj re yoj rusamajela' yojtzuk. Ancha'l nuban jun ache re nisamaj pa juyu', reja' nuyabej re rajal re rusamaj. Y quire' chuka' re nich'ayo rue' trigo, can nuyabej re rajal re rusamaj.

Kaqchikel Western Solola

¹⁰ Riya' xubij queri' ruma nrajo' chi ri yoj rusamajel yojtzuk. Achi'el nuben jun achi ri nusamajij ri ulef, riya' can royoben wi ri k'ij tek c'o xtuc'ul ruma ri rusamaj. Y queri' chuka' ri nich'ayo rutrigo, can nroyobej c'a chi c'o ri nuya' chare.

1 Corintios 9:10 ပူးပေါင်းရင်းမြစ်များ

2 Timoteo 2:6

Jun samajel richin pa juyu' roma kan jebel samajineq, ja rija' ri k'o ruq'a' chire ri nabey ruwech ri rutiko'n.

Romanos 15:4

Y ronojel ri ruch'abel ri Dios ri tz'iban kan ojer, e tz'ibatel kan richin chi k'o niqetamaj. Kan nuben-wi chiqe chi yojkoch'on y niqakuquba' más qak'u'x chiroyobexik ri rutzil ri Dios.

2 Corintios 4:15

Y roma k'a niqajo' chi rix niwil ri utzil ri', roma ri' toq roj qakoch'on janila tijoj-poqonal. Y rik'in ri' kan janila ta e k'iy ri yematioxin chire ri Dios y nikiya' ta ruq'ij-ruk'ojlen.

1 Corintios 3:9

Roma qachibil-qi' pa rusamaj ri Dios, y rix ix achi'el rulew ri Dios ri kan nusamajij-wi. Chuqa' kan ix achi'el jun jay ri nuben ri Dios.

San Mateo 24:22

Ri Dios xtuqasaj juba' ri q'ij richin ri tijoj-poqonal ri'. Jak'a wi man ta xtuqasaj ri q'ij ri', kan man jun ta xtikolotej kan. Jak'a roma ri rutzil ri Dios pa kiwi' ri e rucha'on chik, kan xtuqasaj k'a ri q'ij ri'.

Wuj Richin ri Q'axanri'il 18:31

Y ri xtik'oje' kan iwik'in, jari' utz nitej rix y ri e aj pan iwachoch xabakuchi ri niwajo-wi. Ronojel k'a ri xtik'oje' kan iwik'in, jari' ri xtok achi'el iwajel, roma ri samaj ri niben pa wachoch.