1 Corintios 8:9 - Kaqchiquel Bible

⁹ Jak'a rix kan tichajij-iwi' richin chi man rik'in ri ibanobal ye'itzeq ch'aqa' qach'alal. Roma wi nitej, y yixrutz'et jun qach'alal ri xa man jani tiq'ax chuwech jebel, rik'in juba' roma ri' nimakun.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Pero titzꞌetaꞌ chi ri achike ndikꞌux ma tubꞌen chi ndikil jun achike roma ndikiyaꞌ kan ri Dios ri hermanos ri kꞌajani ok ruchuqꞌaꞌ kánima rikꞌin rijaꞌ.

Kaqchikel Santa Maria de Jesus

⁹ Pero kabꞌanaꞌ cuenta-kiꞌ, ruma xa xtakatej y xkojrutzꞌat jun ri cꞌa majaꞌ tiꞌka paroꞌ otz (tuꞌon entender otz) ri ruchꞌabꞌal ri Dios, nakaꞌan cha chi nitzak.

Kaqchikel Central Guatemala

⁹ Kiq'uin c'a roj c'o-vi. Pero vi nikatej, y yojrutz'et jun kach'alal ri xa man jani tik'ax chuvech jebel, nikaben chire chi nitzak.

Re C'ac'a Testamento pa Kach'abal

⁹ Jac'a yoj yojc'o-va, pero vo xa nakataj, y yojrutz'at jun hermano re xa c'amaje-na kas tak'ax jabal pa rue', nakaban cha che nitzak.

Kaqchikel Western Solola

⁹ Ma ruma ta chi yix libre, ruma ta ri' utz chi nitij ri ti'ij ri', ma que ta ri'. Ruma wi nitij, y yixrutz'et jun kach'alal ri xa ma can ta cukul ruc'u'x riq'ui ri Dios, man xa niben chare chi nitzak.

1 Corintios 8:9 ပူးပေါင်းရင်းမြစ်များ

Gálatas 5:13

Roma rix wach'alal, kan ja ri Dios ri xixoyon, richin xixrukol-pe chuxe' ri pixa'. Jak'a man roma ta ix totajineq chik, roma ta ri' ja ta ri nirayij rix ja ta ri' ri niben. Pa ruk'exel ri' nik'atzin richin niwajowala' y nitola-iwi',

1 Pedro 2:16

Kan kixk'ase' k'a achi'el ri winaqi' ri etotajineq chik. Jak'a man tikusaj ri solbelri'il ri' richin niben ri etzelal. Xa kan kixok k'a rusamajela' ri Dios.

2 Pedro 2:19

Nikisuj isq'openri'il, stape' ri tijonela' ri' e ximil chupan ri itzel taq kibanobal, roma xa e qajineq pa ruq'a' ri etzelal.

1 Corintios 10:24

Man k'a tiqaben xaxe ri niqa' chiqawech roj; xa nik'atzin chi tiqabana' ri utz nuben chike ch'aqa' chik.

1 Corintios 10:32

Y man tiben chike ri winaqi' chi nikimalij kik'u'x y yetzaq; ni chike ri molaj qach'alal judío, ni ri molaj qach'alal aj-Grecia, y ni chike xabachike ri e ralk'ual chik ri Dios.

1 Corintios 9:22

Toq yik'oje' chikikojol ri qach'alal ri man jani kek'iy jebel rik'in ri nimabel-k'u'x, yin kan ninben-qa e achi'el rije', richin chi yek'iy chupan ri kik'aslen. Roma ri' yin junan ninben kik'in xabachike winaqi' richin chi rije' chuqa' yekolotej.

1 Corintios 8:12

Y roma rix ye'isok y ye'itzeq ri qach'alal, xa kan nisok chuqa' ri Cristo.

1 Corintios 8:10

Rix kan k'o iwetamabal pa ruwi' ronojel re', jak'a wi ta ri qach'alal ri' yixrutz'et chi ixk'o pa rachoch jun wachibel, y yixrutz'et ta chi kan nitej ri ti'ij ri sujun chike ri wachibel, wi keri', xa niben k'a chire ri qach'alal ri' chi nutej chuqa', stape' ri ránima nubij chi man utz ta.

Apocalipsis 2:14

Jak'a k'o jujun ibanobal ri man yeqa' ta chinuwech; chi ri chi'ikojol ek'o ri k'a nikitzeqelibej na ri itzel taq tijonik richin ri Balaam ri xubij chire ri Balac, chi tubana' chike ri judío chi yetzaq pa mak y xubij chike chi kekitija' ri sujun chik chikiwech ch'aqa' chik dios, chi ri achi'a' y ri ixoqi' tikikanola-ki' richin yemakun.

2 Corintios 11:21

Jak'a yin kan janila yik'ix, roma roj man xk'oje' ta quchuq'a' richin xojtikir xqaben ta chiwe achi'el re nikiben rije' chiwe re wakami. Jak'a re wakami yin kan xtinkusaj k'a ri nuch'ujerik richin xkich'on. Wi rije' k'o kuchuq'a' richin man nikixibij ta ki' yekibila' ch'abel richin nikinimirisaj kiq'ij, yin chuqa' yitikir ninben keri'.

Romanos 15:1

Roj ri kan qakuquban qak'u'x rik'in ri Cristo, nik'atzin chi yeqakoch' ri qach'alal ri man kan ta kikuquban kik'u'x rik'in ri Cristo. Man k'a tiqaben xaxe ri niqa' chiqawech roj.

Ez 14:3

Re achi'a' re' kijachon-ki' richin nikiya' kiq'ij ri wachibel y kan kijachon-ki' richin yemakun. Roma ri' yin man xtinya' ta pixabanik chike.

Wuj Richin ri Isaías 57:14

Y xtak'axatej re ch'abel re': Tiban jun choj laj bey, y tijosq'ix jebel richin niq'ax-pe ri nutinamit chupan.

Wuj Richin ri Isaías 35:3

Jare' k'a jun rutzijol chike ri winaqi' ri kimalin kik'u'x, ri janila e kosinaqi' y ri janila nikixibij-ki':

Wuj Richin ri Chojmirisabelri'il 19:14

Man tiyojobej ri tokon rik'in itzel taq ch'abel, y man tiya' pikbel pa rubey jun moy; xa kan tik'oje' nukiy chiwech. Yin Jehová ri yibin.

San Mateo 18:10

Man k'a tiwetzelaj ri más ruqasan-ri' chike ri nutijoxela', roma rije' kan e chajin-pe koma ángel ri ek'o rik'in ri nata'.

Ez 44:12

Keri' xtikiben roma rije' xa xek'oje' chiri' richin xekisamajij ri ch'aqa' chik israelita richin xekiya' kiq'ij ri wachibel y keri' xkiben chike richin xemakun, roma ri' k'o chi xtikejqalej ri kimak.

1 Corintios 10:28

Jak'a wi k'o ta jun ri nibin chiwe chi ri ti'ij ri niya'ox chiwe richin nitej xa sujun chik chikiwech wachibel, rix kan man k'a titej ri ti'ij ri', roma wi rix xtitej, xa xtiben chi niq'axo ri ránima ri xbin chiwe, y man roma ta chi niq'axo ri iwánima rix. Y rik'in juba' ek'o chiwe rix ri yech'obon y nikibij-qa pa taq kánima: ¿Kan roma kami ri ruch'obonik rija' yin k'o chi ninq'et-wi' chire ri k'o chi ninben?

2 Corintios 6:3

Y richin chi man ek'o winaqi' ri yetzaq ta qoma roj, kan niqatej k'a qaq'ij chi man jun tilitej chiqij, richin man tiyoq'otej ri samaj ri yojtajin chubanik.

2 Corintios 11:29

Toq jun qach'alal maneq ruchuq'a' y yawa' nuna', yin kan jari' ink'o-apo rik'in. Toq jun qach'alal nitzaq kan roma jun chik, ri wánima kan niq'axo roma ri xban chire.

Colosenses 2:8

Kan tichajij k'a iwi' richin chi man yixq'olotej pa kiq'a' winaqi' ri xa jun wi chik tijonik kik'uan, stape' jebel ok yeq'alajin. Xa kik'in winaqi' peteneq-wi; xa richin re ruwach'ulew y man rik'in ta ri Cristo peteneq-wi.