1 Corintios 8:11 - Kaqchiquel Bible

¹¹ Keri', ri iwetamabal rix xtuben chi nitzaq ri qach'alal ri man jani tiq'ax jebel chuwech ri ruch'abel ri Dios, stape' ri Cristo kan roma chuqa' ri jun qach'alal ri' toq xken.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Y keriꞌ rat roma awetaman chi ma jun ndubꞌen ndakꞌux ri tiꞌij sujun chikiwech tiox, ndabꞌen chare ri hermano ri kꞌajani ok ruchuqꞌaꞌ ránima chi nduyaꞌ kan ri Dios, jun hermano ri achoq roma xken ri Cristo.

Kaqchikel Santa Maria de Jesus

¹¹ Ojreꞌ kataꞌn chi man jun kax nuꞌon chika xa nakatej ri yoꞌn chiquivach ri ídolos, pero xa rumareꞌ, cꞌo jun hermano ri majaꞌ tiꞌka paroꞌ otz (tuꞌon entender otz) ri ruchꞌabꞌal ri Dios nitzak; xa quireꞌ nakaꞌan cha, man otz ta, ruma ri Cristo xcon jeꞌ ruma ri jun reꞌ.

Kaqchikel Central Guatemala

¹¹ Jac'a roj ri yojbanon chire vi nitzak. Roj ketaman chi man jun nuben chike vi nikatej ri ti'ij ri sujun chique ri vachibel, pero riq'uin juba' c'o nuben chire jun kach'alal ri man jani tik'ax chuvech jebel. Y vi queri', c'ayef, roma ri Cristo xa can roma chuka' ri jun ri' tok xquen (xcom).

Re C'ac'a Testamento pa Kach'abal

¹¹ Y vo xa re hermano re' nitzak, can jac'a yoj re yojbano cha che nitzak. Yoj kataman che man jun andex nuban chaka vo xa nakataj re ti'ij re sujun chic chiquivach re imágenes, pero q'uiba' c'o jun cosa re man otz-ta nuban cha jun hermano re c'amaje-na kas tak'ax jabal pa rue'. Y vo quire', c'ayef, roma re Jesucristo xa can rutzij chuka' reja' tak xcom cho cruz.

Kaqchikel Western Solola

¹¹ Y ruma chi riyix iwetaman chi majun nuben ta chiwe wi nitij ri ti'ij ri', can niben c'a chare jun kach'alal ri ma can ta cukul ruc'u'x riq'ui ri Dios chi nitzak. Y wi queri', ma utz ta, ruma chi ri Cristo xcom ruma chuka' ri jun kach'alal ri'.

1 Corintios 8:11 ပူးပေါင်းရင်းမြစ်များ

Romanos 14:15

Man tiqaben chire ri qach'alal ri man ronojel ta nutej chi nitzaq y numalij ruk'u'x roma ri niqatej roj, roma ri Cristo xken chuqa' roma ri qach'alal ri'. Wi keri' niqaben, niq'alajin chi xa man yojajowan ta.

1 Corintios 8:13

Roma ri' yin wi nintz'et chi jun wach'alal nitzaq pa mak roma nintej ti'ij, ¡wi keri', yin man jun bey chik xtintej ti'ij!

1 Corintios 10:33

Xa kan tibana' achi'el ri ninben yin. Yin man ninben ta xaxe ri niqa' chinuwech yin. Xa kan beneq-ruwech nintej nuq'ij richin chi ninben ri utz chikiwech konojel, roma janila e k'iy ri winaqi' ri yenwajo' yento' y keri' yekolotej ta.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.