1 Corintios 8:1 - Kaqchiquel Bible

¹ Wakami ninwajo' yich'on juba' chirij ri sipanik ri yesuj chike ri wachibel. Rix kan nibij chi chi'iwonojel iwetaman pa ruwi' re banobel re'. Y roma k'o etamabel iwik'in, inimirisan-iwi'. Jak'a yin ninbij chi más ta utz chi nik'oje' chuqa' ajowabel iwik'in, roma ri ajowabel nuben chire ri qak'aslen richin yojk'iy.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Wokami niwojoꞌ ngichꞌaꞌa pa ruwiꞌ ri ikꞌutun pe razón chuwa si utz ndikꞌuxeꞌ o naq ri tiꞌij sujun chikiwech tiox. Kin qetzij chi qonojel kꞌo qetaman, pero ri achike qetaman kꞌiy mul ndubꞌen chaqe chi nim ndiqanaꞌ chare. Jakꞌa atoq ngeqajoꞌ ri erichin ri rutinamit ri Dios, riꞌ ndukꞌen pe kꞌiyilen chaqe roj qonojel.

Kaqchikel Santa Maria de Jesus

¹ Y vacame nivajoꞌ nquichꞌoꞌ chirij ri icꞌutun-pa chuva, chirij ri ncaꞌyoꞌx chiquivach ri ídolos. Konojiel kataꞌn chirij reꞌ; pero antok ojreꞌ cꞌo qꞌuiy kataꞌn, jareꞌ nibꞌano chika chi oj nimaꞌk nakana-kiꞌ. Pero xa ojreꞌ nakajo-kiꞌ, can nuꞌon chika chi konojiel niqꞌuiy kacꞌaslien choch ri Dios.

Kaqchikel Central Guatemala

¹ Y vacami ninvajo' yich'on c'a juba' chirij ri ic'utun-pe chuve, roma ri ti'ij quichin chicop ri yecamisex richin nisuj chique dios ri xa man e kitzij ta. Rix riq'uin juba' nich'ob chi can ivetaman ri achique nic'atzin chi niben, roma c'o etamabel iviq'uin, y ninimirisaj-ivi'. Jac'a yin ninbij chi más ta utz chi nic'oje' chuka' ajovabel iviq'uin, roma ri ajovabel q'uiy samaj nuben pa tak kac'aslen richin yojq'uiy.

Re C'ac'a Testamento pa Kach'abal

¹ Y vocame ninjo' yinch'o ba' chij re jun chic pregunta re ic'utum-pa chua, ja chij re ti'ij quichin re chicop re ye'quimisas chin ye'suj chiquivach re imágenes re xa vinak je'banayon-ka. Yex q'uiba' ninojij che can itaman re andex nic'atzin che niban, roma c'o na'oj iviq'uin, y can nina' che camas ik'ij. Jac'a yen nimbij che más-ta otz che yex can nic'ue' re amor iviq'uin, roma vo xa c'o amor kaq'uin can nuban chaka che yojq'uiy konojel.

Kaqchikel Western Solola

¹ Y wacami nwajo' nbij juba' chrij ri ic'utun pe chuwe, chrij ri ti'ij quiche (quixin) ri chicop ri yecamisex riche (rixin) chi nitzuj (nisuj) chiquiwech dios ri xa ye banon cuma winek. Riyoj y riyix ketaman ronojel ri'. Pero ri na'oj ri' xa nuben chiwe chi ninimirisaj iwi'. Yac'a riyin nbij chi más utz chi tikajo' ki', ruma wi nikajo' ki', nuben chake chi yojq'uiy chupan ri kac'aslen riq'ui ri Dios.

1 Corintios 8:1 ပူးပေါင်းရင်းမြစ်များ

Wuj Richin ri Isaías 47:10

Kan nikuquba' ik'u'x rik'in ri itzel taq ibanobal, y kan nich'ob chi man jun yixtz'eto. Jak'a ri ina'oj y ri iwetamabal xa xixkiq'ol toq xibij-qa pan iwánima chi kan xaxe rix ri ixk'o, y man jun chik achi'el rix.

Wuj Richin ri Isaías 5:21

¡Toq'ex iwech rix ri kan nina-iwi' chi ix aj-na'oj, y kan iyon nina-iwi' chi kan k'o inojibal!

Wuj Richin ri Q'axanri'il 25:2

roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in.

Hechos 15:10

Y rix, ¿achike k'a roma toq niwajo' nitejtobej ri Dios? ¿Achike k'a roma toq niwajo' niya' jun ejqa'n pa kiwi' ri qach'alal ri man e judío ta? Roma ri ruk'uaxik ri pixa' ri richin kan ri Moisés xa jun ejqa'n ri man xetikir ta xkik'uaj ri qati't-qamama', ni roj chuqa' man yojkowin ta chuk'uaxik.

Hechos 15:29

chi man yekitej ri xa man utz ta richin nitij roma ya'on chik chikiwech ch'aqa' chik dios. Man chuqa' tikitej ti'ij kichin ri chikopi' ri xejiq', ni man k'a chuqa' tikitej kik'. Chuqa' ri winaqi' e k'ulan man tikikanola-ki' richin yemakun. Wi ronojel k'a re' xtinimaj, utz k'a xkixbiyin. Dios k'a xtichajin iwichin, xecha-el.

Hechos 21:25

Chike ri xa man qawinaq ta ri kiniman chik, xqateq yan k'a el wuj kik'in chirij re na'oj re k'ari' niqatzijoj-qa. Xaxe k'a xqachilabej chike chi man tikitej ti'ij richin jun chikop ri xkamisex richin xsuj chire jun chik dios, chi man tikitej kik', man tikitej ti'ij ri k'a k'o na kik' ruk'uan, achi'el ri kichin ri chikopi' ri xejiq', chuqa' ri achi'a' y ri ixoqi' man tikikanola-ki' richin yemakun, xecha' chire.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

Romanos 12:16

Junan iwech tibana'. Man tinimirisaj-iwi'. Xa tiqasaj-iwi' y junan iwech tibana' kik'in ri winaqi' ri maneq kiq'ij. Y man tich'ob chi janila etamabel k'o iwik'in chikiwech ch'aqa' chik.

Romanos 14:10

Roma ri' man ruk'amon ta chi niqaq'et-tzij pa ruwi' jun qach'alal. Y man utz ta chuqa' yojetzelan. Roma kan qonojel k'o chi yojapon chuwech ri Cristo richin nuq'et-tzij pa qawi'.

Romanos 14:14

Yin wetaman y kuqul nuk'u'x rik'in ri ajaw Jesús chi kan man jun ri nitij xajan ta chuwech ri Dios. Jak'a wi chuwech jun qach'alal k'o ri xajan yetij, kan ke k'ari' chuwech rija' ri'.

Romanos 14:19

Roma ri' tiqatija' k'a qaq'ij chi man jun ta oyowal chiqakojol y niqakuquba' ta qak'u'x chiqachibil-qi'.

Romanos 14:22

Más utz xaxe rat y ri Dios kixetaman ri achike nawajo' naben. Wi kan utz wi ronojel ri naben y wi keri' nubij ri awánima, jebel ruwa-aq'ij.

Romanos 14:3

Roj ri niqatej ronojel, man keqetzelaj ri qach'alal ri man nikitej ta ronojel. Y ri qach'alal ri' man tikibij chi man utz ta ri niqaben roj roma niqatej ronojel. Ri Dios oj ruk'ulun qonojel, wi niqatej o man niqatej ta ronojel.

Romanos 15:14

Wach'alal, yin wetaman chi kan utz wi ri ik'aslen, chi kan ix nojineq rik'in etamabel y chuqa' yixtikir ye'itijoj ri qach'alal.

1 Corintios 1:5

Ri xq'alajirisex chiwe chirij ri Cristo kan xjike' chi'ikojol rix rik'in uchuq'a'. Roma ri', ri Dios xuben chiwe roma ri Cristo chi xixbeyomer rik'in na'oj y jebel taq ch'abel.

1 Corintios 10:15

Yich'on keri' iwik'in roma wetaman chi kan ix nowineq, y roma ri' k'o chi nich'ob jebel rij ri ninbij chiwe.

1 Corintios 10:28

Jak'a wi k'o ta jun ri nibin chiwe chi ri ti'ij ri niya'ox chiwe richin nitej xa sujun chik chikiwech wachibel, rix kan man k'a titej ri ti'ij ri', roma wi rix xtitej, xa xtiben chi niq'axo ri ránima ri xbin chiwe, y man roma ta chi niq'axo ri iwánima rix. Y rik'in juba' ek'o chiwe rix ri yech'obon y nikibij-qa pa taq kánima: ¿Kan roma kami ri ruch'obonik rija' yin k'o chi ninq'et-wi' chire ri k'o chi ninben?

1 Corintios 14:20

Wach'alal, man k'a kixch'obon achi'el yech'obon ri ak'uala'; xaxe chuwech ri mak kan tibana' achi'el ri ak'uala', jak'a rik'in ri ich'obonik tibana' achi'el ri winaqi' e nima'q chik.

1 Corintios 15:34

Titzolin-pe ik'u'x, y man chik kixmakun. Rix kan ruk'amon k'a chi yixk'ix-qa, roma chi'ikojol k'a ek'o ri man ketaman ta ruwech ri Dios.

1 Corintios 4:10

Chikiwech ri winaqi' richin ri ruwach'ulew, roj xa oj nakaneq chupan ri rusamaj ri Cristo. Jak'a rix kan ix nowineq-wi rik'in ri Cristo. Chikiwech rije', roj xa maneq quchuq'a'. Jak'a rix kan janila wi iwuchuq'a'. Chikiwech rije', roj xa man jun qaq'ij. jak'a rix janila iq'ij.

1 Corintios 4:18

Yin wetaman chi chi'ikojol rix ek'o qach'alal ri nikich'ob chi yin man yinapon ta chik iwik'in. Y roma ri' janila kiq'ij nikina'.

1 Corintios 4:6

Wach'alal, ronojel ri xinbij yan toq xich'on chirij ri qach'alal Apolos y chuwij yin, xinbij roma ninwajo' chi niq'ax ta jebel chiwech ri e tz'ibatel kan chupan ri ruch'abel ri Dios. Ninwajo' chi man tina-iwi' chi rix k'o janila iq'ij y niqasaj kiq'ij ri ch'aqa' chik.

1 Corintios 5:2

Man rik'in ri' rix kan janila inimirisan-iwi'. Pa ruk'exel ri' kan ruk'amon ta chi yixbison y yixoq' ta roma ri rubanon ri qach'alal ri'; y niwelesaj ta el chi'ikojol.

1 Corintios 5:6

Kan man jun achike roma ninimirisaj-iwi'. ¿Man iwetaman ta k'a chi ri ch'amilej-q'or, ri xa rik'in ti juba' niqaqa chupan ri k'ej muban, kan nuben chi nisipoj ronojel?

1 Corintios 8:2

Ri nich'obo chi janila k'iy etamabel k'o rik'in, xa man jun retaman chire ri ruk'amon ta richin nretamaj.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

1 Corintios 8:7

Jak'a kan ek'o qach'alal ri man ketaman ta chi ri wachibel man jun yetikir nikiben, stape' xkiya' kiq'ij ri wachibel toq rubanon kan. Roma ri' ri kánima jujun chike rije', nuna' chi wi nikitej ri ti'ij ri sujun chike ri wachibel, rik'in ri' nikiya' ruq'ij ri wachibel. Y nikina' chi kan mak wi ri nikiben.

Efesios 4:16

Roma ja ri Cristo niyuqen qichin, roma ri' qonojel junan yojsamej, xa kan achi'el nuben ri ruch'akul jun wineq toq ronojel ruq'a' raqen e utz y nikitola-ki'. Toq niqaben rik'in ajowabel ri samaj ri ya'on chiqe chiqajujunal, kan yojk'iy chupan ri qak'aslen rik'in ri Dios.

Colosenses 2:18

Ek'o winaqi' nikibananej chi janila kiqasan-ki' y nikiya' kiq'ij ri ángel. Man tiya' q'ij chi rije' yixkiq'ol, y nikelesaj ri sipanik ri k'o chi nik'ul chila' chikaj. Re winaqi' re' nikibij chi k'iy kitz'eton ri xa man e tz'etel ta, y xa yesipoj rik'in ri itzel taq kich'obonik roma kik'uan ri ch'obonik richin re ruwach'ulew.

Apocalipsis 2:14

Jak'a k'o jujun ibanobal ri man yeqa' ta chinuwech; chi ri chi'ikojol ek'o ri k'a nikitzeqelibej na ri itzel taq tijonik richin ri Balaam ri xubij chire ri Balac, chi tubana' chike ri judío chi yetzaq pa mak y xubij chike chi kekitija' ri sujun chik chikiwech ch'aqa' chik dios, chi ri achi'a' y ri ixoqi' tikikanola-ki' richin yemakun.

Apocalipsis 2:20

Xa jak'a k'o jun ibanobal ri man niqa' ta chinuwech, y ri' ja ri jantape' ikoch'on ri rubanobal ri ixoq Jezabel. Roma rija' kan nubij chi q'alajirisey ruch'abel ri Dios, jak'a xaxe richin yeruq'ol ri nusamajela', kan nuk'ut chikiwech chi nikitej ri kamelabel ri sujun chikiwech ch'aqa' chik dios, y chi ri achi'a' y ri ixoqi' tikikanola-ki' richin yemakun.