1 Corintios 7:35 - Kaqchiquel Bible

³⁵ Re xinbij chiwe, kan richin k'a yixinto' y man richin ta yixinq'et. Yin ninwajo' chi rix nik'uaj ta jun k'aslen ri ruk'amon y man ta jun ri nok chupan, richin chi kan ja ta ri nrajo' ri Dios ri niben.

နောက်ထပ်ဗားရှင်းများ

Kaqchikel Santo Domingo (Xenacoj)

³⁵ Re nibꞌij chiwa, ma chin ta ngixinqꞌet chin ngixkꞌuleꞌ, xa chin kꞌo utz ndukꞌen pe chiwa. Ri niwojoꞌ riyin, ja chi ndibꞌen nojel pa ruchojmil, y chi nixta jun achike ndiqꞌato iwichin chin ndibꞌen ri ndirajoꞌ ri Ajaw.

Kaqchikel Santa Maria de Jesus

³⁵ Ri niꞌej chiva xa richin chi nquixtoꞌ, y man richin ta chi nquixkꞌat. Inreꞌ nivajoꞌ chi ixreꞌ ntivucꞌuaj jun cꞌaslien otz y man jun ta ntuoc chupan, richin quireꞌ man jun nikꞌato ivichin chi ntiꞌan ri nrajoꞌ ri Ajaf.

Kaqchikel Central Guatemala

³⁵ Ri xinbij chive, richin yixinto' y man richin ta yixink'et. Yin ninvajo' chi rix nic'uaj ta jun c'aslen ri ruc'amon y man ta jun ri noc chupan, richin chi can ja ta ri nrajo' ri Ajaf ri niben rix.

Re C'ac'a Testamento pa Kach'abal

³⁵ Ronojel re' ximbij chiva, xaxe chin che yixinto' y man chin-ta che yixink'at, o nimbij-ta chiva che man quixc'ule', man quire-ta. Re ninjo' yen ja che yex can riq'uin ronojel ivánma niban re nrajo' re Dios, y man-ta jun cosa nik'ato re nrajo' re Ajaf.

Kaqchikel Western Solola

³⁵ Ri xinbij chiwe, riche (rixin) chi yixinto' y ma riche (rixin) ta chi yixink'et. Riyin nwajo' chi riyix nic'uaj ta jun c'aslen utz y man ta jun ri ntoc chupan, riche (rixin) chi can ya ta ri nrajo' ri Ajaf ri niben.

1 Corintios 7:35 ပူးပေါင်းရင်းမြစ်များ

1 Corintios 7:36

Y wi k'o jun tata'aj ri man ruya'on ta ri rumi'al richin nik'ule', y ri xten xa k'o chik rujuna', y ri tata'aj nuch'ob chi man ruk'amon ta ri rubanon, chi man ruya'on ta q'ij chire ri rumi'al richin nik'ule', y nutz'et chi ri xten xa nrajo' nik'ule'; wi keri', tuya' k'a q'ij chire richin nik'ule', roma xa man nimakun ta, wi nuya-el richin nik'ule'.

San Lucas 8:14

Ri ija'tz ri xqaqa kojol taq q'ayis ri k'o kik'ixal nich'on k'a chikij ch'aqa' chik winaqi' ri ye'ak'axan ri ruch'abel ri Dios. Jak'a toq q'axineq chik juba' q'ij, xa nijiq' ri ruch'abel ri Dios kik'in, roma xa ja ri nik'atzin chire ri kik'aslen wawe' chuwech re ruwach'ulew ri nikich'ob, roma chuqa' ri kibeyomel y chuqa' roma yekirayila'. Y man niwachin ta jebel ri kik'aslen.

Filipenses 4:8

Wach'alal, pa ruk'isibel ninwajo' k'a ninnataj chiwe, chi ri ruk'amon nich'ob, ja ri qitzij, ri choj, ri ch'ajch'oj, ri jebel, ronojel ri k'o utzilej rutzijol, y ri kan ruk'amon richin niya'ox ruq'ij. Ronojel re' kan jare' ri tich'obo'.

1 Corintios 7:2

Jak'a roma ri mak ri nibanatej chikikojol ri achi'a' y ri ixoqi' chi nikikanola-ki' richin yemakun, más ta utz chi ri achin tik'oje' rixjayil y ri ixoq tik'oje' rachijil.

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

San Mateo 19:12

Kan ek'o na wi achi'a' ri kan k'a pa kalaxik-pe rik'in ri kite', kan kik'amon-pe chi man xtikikanoj ta ixoq. Ek'o chuqa' achi'a' xa roma ri banon chike koma aq'omanela'. Y ek'o chuqa' achi'a' ri e keri', xa kik'in rije' xpe-wi chi man nikikanoj ta ixoq, richin chi yesamej jebel pa rusamaj ri Dios. Ri jun ri kan nuna' chi nitikir nik'oje' ruyon, kan man k'a tik'ule', xcha'.

Tito 2:3

Ke'atijoj chuqa' ri rijita'q taq ixoqi' chi nikik'uaj ta jun utzilej k'aslen ri niqa' chuwech ri Dios. Man ta e yakol-tzij chikij winaqi', man ta yeq'aber, y nikik'ut ta jun utzilej k'aslen chikiwech ri ch'aqa' chik.

Efesios 5:3

Roma rix kan ix loq'olej, man niben ri nirayij. Chi achin chi ixoq man tikanola-iwi' richin yixmakun, ni man tiben ch'aqa' chik etzelal ke taq ri'. Man ruk'amon ta richin nirayij-apo ri utz ri k'o rik'in jun chik.

1 Corintios 7:28

Man rik'in ri', wi ek'o ri nikajo' yek'ule', re' man mak ta ri nikiben. Y keri' chuqa' wi jun xten nrajo' nik'ule', man nimakun ta. Jak'a yin ninrayij chi man ta nikiq'axaj tijoj-poqonal, achi'el ri nikiq'axaj q'ij ri e k'ulan taq winaqi'.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

San Mateo 22:15

Jari' toq ri fariseo xebe richin xbekiya' chikiwech richin achike ta jun nikiben richin chi ri Jesús nitzaq ta pa kiq'a' rik'in ri nubij.