1 Corintios 7:2 - Kaqchiquel Bible

² Jak'a roma ri mak ri nibanatej chikikojol ri achi'a' y ri ixoqi' chi nikikanola-ki' richin yemakun, más ta utz chi ri achin tik'oje' rixjayil y ri ixoq tik'oje' rachijil.

နောက်ထပ်ဗားရှင်းများ

Kaqchikel Santo Domingo (Xenacoj)

² Riyin nibꞌij chi roma santienta wineq ndikikꞌamalaꞌ qa kiꞌ xa achoq na ikꞌin chin ndikibꞌen mak, kin utz wi chi ri achi ndikꞌojeꞌ rixjayil, y ri ixaq ndikꞌojeꞌ rachijil.

Kaqchikel Santa Maria de Jesus

² Pero ruma icꞌo ri niquicanuj-quiꞌ chi niquiꞌan pecado, rumareꞌ más otz chi quinojiel alabꞌo ticꞌujieꞌ quixjayil y quinojiel xtaniꞌ ticꞌujieꞌ cachajil.

Kaqchikel Central Guatemala

² Pero chuka' ri itzel-vinek janíla nisamej, y nutej ruk'ij richin nuben chique ri achi'a' y ri ixoki' chi niquicanola-qui' richin yemacun. Y romari' más ta utz chi ronojel achin tic'oje' rixjayil y ronojel ixok tic'oje' rachijil.

Re C'ac'a Testamento pa Kach'abal

² Pero re itzel can nutaj ruk'ij chin che re achi'a' y re ixoki' niquicanola-qui' chin ye'macun. Y mare' más otz che conojel achi'a' tic'ue' quixiylal y conojel ixoki' tic'ue' quichijlal.

Kaqchikel Western Solola

² Pero ruma chi ri achi'a' y ri ixoki' niquicanola' qui' riche (rixin) chi yemacun y xa ma quic'ulaj ta qui', rumari' más utz chi ri achi tic'oje' jun rixjayil y ri ixok tic'oje' jun rachijil.

1 Corintios 7:2 ပူးပေါင်းရင်းမြစ်များ

Efesios 5:28

Y kan achi'el k'a ri Cristo ri más xojrajo' roj, ke chuwech xrajo-qa ri ruch'akul rija', keri' chuqa' nik'atzin chi niben rix achi'a' kik'in ri iwixjayilal. Roma ri' ri nrajo' ri rixjayil, nel chi tzij chi nrajo-qa-ri' rija'.

Efesios 5:33

Y ninbij chik jun bey chiwe chi'ijujunal chi tiwajo' ri iwixjayil, kan achi'el niwajo-qa-iwi' rix. Y rix ixoqi' tibana' chike ri iwachijil chi kan k'o-wi kiq'ij.

1 Corintios 7:9

Jak'a wi man nikikoch' ta, más ta utz yek'ule'. Roma más utz yek'ule' ke chuwech xaxe ri kirayibel ri nikiquqa'.

Wuj Richin Etamabel-Tzij 18:22

Ri achin ri kan nril rixjayil, janila jebel; roma kan nril-wi k'a ri rutzil ri Jehová.

1 Corintios 6:18

Y rija' kan nrajo' chi rix achi'a' y rix ixoqi' kixanimej chuwech ri mak, y man tikanola-iwi' richin ye'ibanala' ri itzel taq banobel ri'. Ronojel ruwech mak man jun nuben chire ri ruch'akul ri wineq ri nibanon, jak'a re mak re' kan nuya' pa k'ayew ri ruch'akul ri wineq ri nibanon keri'.

1 Timoteo 4:3

Re winaqi' re' xtikibij chi man utz ta ri k'ulanen. Xtikibij chuqa' chi k'o q'utun ri man utz ta yetij. Jak'a ri Dios jari' ri k'iytisayon kan ronojel richin nikitej rik'in matioxinik ri kikuquban kik'u'x rik'in ri Cristo, y ketaman ri qitzij ruch'abel.

Wuj Richin ri Malaquías 2:14

¿Achike k'a roma ri Jehová man nuk'awomaj ta ri isipanik? Roma rija' kan rutz'eton chi rix xa xiq'ej ruwi' ri jikibel-tzij ri xiben kik'in ri iwixjayilal ri xixk'ule' kik'in toq rix k'a ix alaboni' na. Xibij chi kan xe'ok ta iwachibil richin chijun ik'aslen. Kan chuwech ri Dios xiya' itzij chike chi kan ye'iwajo' richin q'asen.

Wuj Richin Etamabel-Tzij 19:14

Ri jay y ronojel ruwech beyomel, kan ja ri tata'aj ri yeya'on kan chike ri kalk'ual; jak'a jun ixjayilonel ri kan k'o runa'oj, kan ja ri Jehová ri nisipan chire ri achin.

San Mateo 5:32

Jak'a yin ninbij chiwe chi ri achin ri nujech-ri' rik'in ri rixjayil y xa man roma ta chi ri ixoq xukanoj ta chik jun achin; ri achijlonel ri' kan nuben-wi k'a chire ri rixjayil chi nimakun. Y wi k'o ta chik jun achin ri nik'ule' rik'in ri ixoq ri rujachon ri', ri achin ri' kan nimakun-wi.

1 Corintios 7:1

Wakami ninwajo' k'a yich'on juba' pa ruwi' ri ibin-pe chupan ri wuj ri xiteq-pe chuwe pa ruwi' ri k'ulanen. Y yin ninbij chi más utz chi man ta yixk'ule'.

1 Corintios 7:3

Y nik'atzin k'a chi ri ixjayilonel nuya' q'ij chi nik'oje' ri rachijil rik'in y ri achijlonel chuqa' nuya' q'ij chire ri rurayibel ri rixjayil. Y keri' chikijujunal k'o chi nikiben ri kirayibel.

1 Tesalonicenses 4:4

Rix achi'a' chi'ijujunal tiwetamaj k'a achike rubanik yixk'oje' kik'in ri iwixjayilal, richin niqa' chuwech ri Dios, y chikiwech ri winaqi'.*f2*

Wuj Kichin ri To'onela' 21:22

Y wi ri kitata' o ri kixibal ri xtani' yepe qik'in richin yech'ojin, roj kere' k'a xtiqabij chike: Tibana' utzil richin ye'iya' kan ri xtani' chike, roma roj chupan ri labal ri xqaben, man xeqil ta kan xtani' richin ye'ok kixjayilal konojel rije'; y chuqa' rix maneq imak chire ri jikibel-tzij roma man ja ta rix ri xixya'on-el chike, xa kan xe'eleq'ex k'a el, xqojcha' chike, xecha'.